លោក ម៉ននីបណ្ឌិតចូលរួមពិធីជួបសំណេះសំណាលជាមួយប្រជាពលរដ្ឋ និងបានចែកអត្តសញ្ញាបណ្ណ័នៅឃុំឫស្សីសាញ់
29-July-2016 | ដោយ មែន កំសត់
ព្រៃវែង៖នៅរសៀលថ្ងៃទី២៥ខែកក្កដាឆ្នាំ២០១៦នៅភូមិឫស្សីសាញ់ ឃុំឫស្សីសាញ់ ស្រុកស៊ីធរកណ្តាល បានរៀបចំពិធីជួបសំណេះសំណាលជាមួយប្រជាពលរដ្ឋ និងបានចែកអត្តសញ្ញាបណ្ណ័ ចំនួន២១៩បណ្ណ័ ស្រី១០៥បណ្ណ័ ក្រោមវត្តមាន លោក ម៉ននីបណ្ឌិត អភិបាលស្រុកស៊ីធរកណ្ដាល។
ពិធីនេះដោយមានការចូលរួមពីមន្ត្រីរាជការសាលាស្រុក លោកអធិការរង ក្រុមប្រឹក្សាឃុំនាយ ប៉ុស្តិ៍ មេភូមិ និងប្រជាជន នៅឃុំឫស្សីសាញ់ប្រមាណ២១៩នាក់ស្រី១០៥នាក់ផងដែរ ។
ក្នុង ពិធីនោះលោក ម៉ននី បណ្ឌិត អភិបាលស្រុកក៏បានឆ្លៀតឱកាសផ្សព្វផ្សាយគោលនយោបាយភូមិឃុំមានសុវត្ថិភាព បានថ្លែងនិងធ្វើរបាយការណ៍ជម្រាបជូនគណៈអធិបតី ស្ដីពីកិច្ចវឌ្ឍនភាពរបស់មូលដ្ឋាន ក្នុងកិច្ចខិតខំដឹកនាំរបស់មន្ត្រីជុំវិញភូមិ ឃុំ និងការសហការប្រកបដោយភាពទទួលខុសត្រូវ និងតាមយុទ្ធសាស្ត្ររបស់រាជរដ្ឋាភិបាល រួមទាំងរបាយការណ៍ការងារសន្តិសុខសណ្ដាប់ធ្នាប់ក្នុងដែនដីឃុំ លោក ក៏បានផ្សព្វផ្សាយគោលនយោបាយភូមិឃុំមានសុវត្ថិភាព ៩ចំណុចជូនដល់អ្នកចូលរួម និងណែនាំឲ្យមានការចូលរួមសហការឲ្យមានប្រសិទ្ធខ្ពស់។
ក្រៅពីការសំណេះសំណាល លោក ក៏បានធ្វើការចែកនូវ អត្តសញ្ញាណប័ណ្ណ សញ្ជាតិខ្មែរ គំរូថ្មី ជូនប្រជាពលរដ្ឋ ដែលបានចូលរួមហើយ លោក ក៏បានណែនាំនៅពេលដែលទទួលបាន អត្តសញ្ញាណត្រូវ ពិនិត្យ លើទិន្នន័យ ឲ្យបានត្រឹមត្រូវ ករណីមានខុសអក្ខារាវិរុទ្ធ ស្នើទៅប៉ុស្ដិ៍នគរបាលដើម្បី ផ្ញើទៅកាន់អធិការស្រុ្ក ផ្នែកជំនាញធ្វើការកែតម្រូវ ហើយត្រូវរក្សាទុកឲ្យបានគង់វង្ស ដើម្បីប្រើប្រាស់ ព្រោះវាជាឯកសារសំគាល់ គតិយុត្តិ មានសុពលភាពរយៈពេល១០ឆ្នាំ បើមានការបាត់បង់ដោយប្រការណាមួយ ត្រូវដាក់ពាក្យបណ្ដឹងទៅកាន់ប៉ុស្តិ៍ ឬអាជ្ញាធរ នៅកន្លែងដែលយើងបាត់ ដើម្បីចៀសវាង មានការប្រព្រឹត្ត ល្មើស នានាវាជាប់ពាក់ព័ន្ធ ហើយសាម៉ីជន មិនបានដឹង ហើយ លោកក៏បានអំពាវនាវដល់ប្រជាពលរដ្ឋ ដែលពុំបានធ្វើអត្តសញ្ញាណប័ណ្ណត្រូវរួសរាន់មកធ្វើនៅប៉ុស្តិ៍នគរបាល រៀងរាល់ម៉ោងធ្វើការ។
លើសពីនេះទៅទៀត៖ លោកក៏បានសំណូមពរ ដល់បងប្អូន មេត្តាចូលរួម មកធ្វើអត្តសញ្ញាណប័ណ្ណ សញ្ជាតិខ្មែរ គំរូថ្មីដោយភ្ជាប់ជូននូវលិខិតដែលពាក់ព័ន្ធរួមមានសំបុត្រកំណើត សៀវភៅគ្រួសារ ដែលក្រុមការងារនឹងចុះអនុត្តន៍នៅតាមភូមិ ជារៀលរាល់ថ្ងៃដោយបង់សរវារដ្ឋបាលតាមច្បាប់កំណត់។
នាឱកាសនោះដែរ ដើម្បី ឆ្លើយតបទៅកាន់ក្រុមការងារ សាលាស្រុកនិងឃុំពិសេសលោកម៉ននី បណ្ឌិតអភិបាលស្រុក ប្រជាពលរដ្ឋ មានការត្រេកអរ និង រីករាយ យ៉ាងក្រៃលែងចំពោះថ្នាក់ដឹកនាំ មូលដ្ឋាន ដែលតែងតែគិតគូរ សុខទុក្ខ ហើយជាក់ស្ដែងដូច ជាការ យកអត្តសញ្ញាណប័ណ្ណ មកប្រគល់ជូនពួកគាត់ដល់ទីតាំង ភូមិនាពេលនេះ និង សូមជូនពរ ដល់លោក នាយប៉ុស្តិ៍ក្រុមការងារ និងសហការី ជួបតែសំណាងល្អ និងទទួលជោគជ័យ គ្រប់ភារកិច្ច ដែល រាជរដ្ឋាភិបាលប្រគល់ជូន៕
ចំនួនអ្នកទស្សនា
- ថ្ងៃនេះ5611
- ម្សិលមិញ3441
- សប្តាហ៍នេះ9061
- ខែនេះ81801
- ឆ្នាំនេះ558701
- សរុប21001157