ត្បូងឃ្មុំ៖នៅថ្ងៃទី០២ខែសីហាឆ្នាំ២០១៦វេលាម៉ោង១០និង០០នាទីព្រឹកនៅសាលាស្រុកអូររាំងឪបានរៀបចំកិច្ចប្រជុំពិភាក្សាបញ្ហាប្រឈមផ្សេងៗពាក់ព័ន្ធការប្រើប្រាស់បណ្តាញអគ្គិសនីស្រុកអូររាំងឪ ដែលផ្គត់ផ្គង់ដោយក្រុមហ៊ុន ឃុន សុផល ក្រោមអធិបតីភាពលោក ងួន ប៊ុណ្ណាន អភិបាលនៃគណៈអភិបាលស្រុកអូររាំងឪ, លោក ស៊ា ចាន់ដារ៉ា ប្រធានមន្ទីររ៉ែ និងថាមពលខេត្ត, តំណាងអាជ្ញាធរអគ្គិសនីកម្ពុជា, តំណាងសហាគ្រាសអេឡិចទ្រីស៊ីធីត្បូងឃ្មុំ, តំណាងក្រុមហ៊ុនអគ្គិសនី ឃុន សុផល និងមានការចូលរួមពីលោកមេឃុំគងជ័យ និងមេភូមិទាំង២២ ក្នុងឃុំ, លោកមេឃុំអំពិលតាពក និងមេភូមិទាំង២៤ ក្នុងឃុំ, លោកកមេឃុំមៀន និងមេភូមិទាំង១៤ ក្នុងឃុំ, លោកមេឃុំទួលសូភី និងមេភូមិត្រពាំងល្វាជើង និងត្រពាំងល្វាត្បូង ព្រមទាំងម្ចាស់អាជីវកម្ម សិប្បកម្ម ដែលប្រើប្រាស់បណ្តាញអគ្គិសនីរបស់ក្រុមហ៊ុន ឃុន សុផល សរុបចំនួន ៧៥ នាក់ ៕