ក្រុមហ៊ុន​ចិន​បង្ហាញ​នូវ​ការ​ត្រឡប់​មករក​សភាព​ដូចដើម​វិញ នៅ​ត្រីមាស​ទី​៣

23-September-2015 | ដោយ dara

​ការស្ទង់មតិ​ឯកជន​មួយ​បាន​បង្ហាញថា ប្រាក់ចំណេញ​តិចតួច​នៅ​ក្រុមហ៊ុន​ចិន បានល្អ​ប្រសើរ​ឡើងវិញ​នៅក្នុង​ត្រីមាស​ទី​៣ ចំណែក​តម្រូវការ​ប្រាក់​កម្ចី​នៅតែ​ខ្សោយ ជាមួយ​លទ្ធផល​ទូទៅ​បង្ហាញថា ការប៉ះទង្គិច​ទីផ្សារ​ភាគហ៊ុន នឹងមាន​ឥទ្ធិពល​តូច​បំផុត​មកលើ​សេដ្ឋកិច្ច​ដ៏​ធំ​ទូលាយ​នេះ​។​
 
​ការស្ទង់មតិ​ប្រចាំត្រីមាស​ចំពោះ​ពាណិជ្ជករ​២,១០០​នាក់ ដោយ China Beige Book International (CBB) បានបង្ហាញ​នូវ​កំណើន​រឹងមាំ​បន្ដ​នៅក្នុង​វិស័យ​សេវាកម្ម ប៉ុន្ដែ​ភាព​ខ្សោយ​នៅតែ​កើតមាន​នៅក្នុង​សកម្មភាព​ផលិត​។ ប៉ុន្ដែ​ប្រាក់ចំណូល​នៅតែ​យឺត​នៅក្នុង​ត្រីមាស និង​មាន​ក្រុមហ៊ុន​តែ​៣៨​ភាគរយ​ប៉ុណ្ណោះ ដែល​បានធ្វើ​ការស្ទង់មតិ មាន​ផែនការ​ដើម្បី​ជួល​មនុស្ស​ថែមទៀត​នៅក្នុង​ត្រីមាស​ទី​៤ ដោយ​ធ្លាក់ចុះ​៤​ភាគរយ​នៅក្នុង​ឆ្នាំនេះ​។ អ្នកសរសេរ​របាយការណ៍​បាន​សង្កត់ធ្ងន់​ទៅលើ​ការ​សះស្បើយ​ឡើងវិញ​បន្ដិចបន្ដួច​នៃ​វិស័យ​សាជីវកម្ម​ដែល​បន្ដ​ទៅដល់​ដំណាច់ឆ្នាំ​។​
 
​របាយការណ៍​របស់លោក Leland Miller និង​លោក Craig Charney បានសរសេរថា Q3-15 គឺជា​ល្បែង​មួយ​ដែល​ពិបាក​ផ្លាស់ប្ដូរ​…​ការដួលរលំ​ដ៏​ធំ​នេះ​ត្រូវបាន​សន្មត​ដោយ​សាវ័ក​ទាំងឡាយ​រប​ស់ PMI ថា មាន​មូលដ្ឋាន​គួរ​ឲ្យ​ចាប់អារម្មណ៍​បន្ដិចបន្ដួច​ប៉ុណ្ណោះ និង​បាន​កត់សម្គាល់ថា ក្រុមហ៊ុន​ក៏បាន​រាយការណ៍​អំពី​ការធ្លាក់ចុះ​ពិតប្រាកដ​នៃ​អត្រា​ការប្រាក់​ផងដែរ​។​
 
​ពួកគេ​បាន​និយាយថា ការពិត​មាន​លក្ខណៈ​តិចតួច​យ៉ាងខ្លាំង​ដើម្បី​បង្ហាញ​នូវ​ការ​ខុសគ្នា​អំពី​សកម្មភាព​ប្រាក់ចំណូល​របស់ Q3 ពី​ត្រីមាស​ជាច្រើន​ពីមុន ដែល​ធ្វើ​ឲ្យ​ទីផ្សារ​ពិភពលោក​សង្ស័យ​អំពី​ការលក់​នៅក្នុង​ខែសីហា​ថា ភាគច្រើន​ត្រូវបាន​ចាត់ទុកថា បណ្ដាលមកពី​ភាពផុយស្រួយ​ភ្លាមៗ​របស់​ប្រទេស​ចិន​។​
 
​ការប៉ះទង្គិច​នៃ​ផ្សារភាគហ៊ុន​បានធ្វើ​ឲ្យ​មនោសញ្ចេតនា​របស់​អ្នកវិនិយោគទុន​ងងឹត​ថែមទៀត​ដែល​នៅតែមាន​ភាពផុយស្រួយ បើទោះបី​ជាមាន​វិធានការ​ជំរុញ​លើក​ទឹក​ចិ​ត្ដ​ដ៏​វីវក់​ក្ដី រួមទាំង​ការកាត់បន្ថយ​អត្រា​ការប្រាក់​ជាច្រើន​នោះ​ផង ខណៈដែល​ក្រុង​ប៉េកាំង បង្កើន​ការខិតខំ​ដើម្បី​គាំទ្រ​កំណើនសេដ្ឋកិច្ច​មួយ​នៅក្នុង​ជំហាន​ដ៏​យឺត​បំផុត​នៅក្នុង​រយៈពេល​រាប់​ទសវត្សរ៍​មកនេះ​។​
 
​ប៉ុន្ដែ​របាយការណ៍​បាន​ចង្អុល​ទៅលើ​សញ្ញា​នៃ​ក្ដីសង្ឃឹម​មួយចំនួន ជាមួយ​ការជួយ​ល​មិន​ប្រែប្រួល​នៅក្នុង​ត្រីមាស​ទី​៣ និង​សេដ្ឋកិច្ច​បន្ដ​ទាក់ទាញ​ការគាំទ្រ​ពី​វិស័យ​សេវាកម្ម​ដ៏​មាន​សុខ​ភាពល្អ ដែល​សហគ្រិន​ផលិត​ឯកជន​ជាច្រើន​បាន​ពឹង​ផ្អែកទៅលើ​នោះ​។ ប្រាក់ចំណូល​កើនឡើង​៥៩​ភាគរយ​នៃ​វិស័យ​សេវាកម្ម​របស់​ក្រុមហ៊ុន​ដែល​ត្រូវបានធ្វើ​ការស្ទង់មតិ​នៅក្នុង​ត្រីមាស​ទី​៣ កើនឡើង​៦​ភាគរយ​នៅក្នុង​ត្រីមាស​នេះ​៕​

ចំនួនអ្នកទស្សនា

    19477117

  • ថ្ងៃនេះ2671
  • ម្សិលមិញ2971
  • សប្តាហ៍នេះ13821
  • ខែនេះ72261
  • ឆ្នាំនេះ249671
  • សរុប19477117