ទីភ្នាក់ងារព័ត៌មានចិនស៊ិនហួ ចេញផ្សាយនៅថ្ងៃអង្គារ ទី២២ ខែកញ្ញា ឆ្នាំ ២០១៥ នេះទៀតថា ការផ្ទុះបានកើត ឡើងនៅតំបន់ឆ្លងកាត់ផ្សាររាត្រី អាជីឡារី ក្នុងទីក្រុង ម៉ៃឌូហ្គូរី ហើយនៅក្នុង នោះដែរ សាក្សីបានឃើញ ស្ត្រីជាអ្នកបំផ្ទុះគ្រាប់ បែកអត្តឃាត បានសម្រុកចូលទៅក្នុងហ្វូង មនុស្សក្នុងផ្សារ ដែលកំពុងណែនណាន់ តាន់តាប់ កាលពីវេលាម៉ោង ៧ និង ៤៥ នាទីល្ងាច ថ្ងៃអាទិត្យ សប្តាហ៍មុន។
អ្នកនាំពាក្យប៉ូលិសជាតិនីហ្សេរីយ៉ា លោក វិចទ័រ អ៊ីស៊ូគុ បានថ្លែងក្នុងសន្និសីទសារព័ត៌មាន មួយថា ការផ្ទុះដាច់ ដោយឡែកផ្សេងទៀត បានកើតឡើងនៅក្នុងពិធីបុណ្យបែបសាសនា អ៊ីស្លាម។ សរុបនៃការវាយប្រហារតែមួយថ្ងៃអាទិត្យនោះប៉ុណ្ណោះ មានមនុស្សចំនួន ៥៤នាក់ បាត់បង់ជីវិត និង រាប់សិបនាក់ ទៀតរងរបួស។ ប៉ូលិសបានដាក់ការសង្ស័យរួចទៅហើយ ទៅពួកសកម្មប្រយុទ្ធបូកូហារាំ ដែលតែងតែបង្កការវាយប្រហាររបៀបនេះ៕