១១​នាក់​ស្លាប់​ដោយ​យន្តហោះ US C-130 ធ្លាក់​ក្នុងប្រទេស​អា​ហ្វ​ហ្គា​នី​ស្ថាន

02-October-2015 | ដោយ ខ្លុយខ្មែរ-ID-2

WASHINGTON: មន្ត្រី​ម្នាក់​បាន​និយាយថា កាលពី​ថ្ងៃ​សុក្រ​ទី​២​ខែតុលា មនុស្ស​១១​នាក់ រួមទាំង​កម្លាំងយោធា​អាមេរិក​៦​នាក់ ស្លាប់​ដោយ​ការធ្លាក់​យន្តហោះ​ដឹកជញ្ជូន​យោធា​អាមេរិក​ប្រភេទ C-130 នៅ Jalalabad ភាគ​ខាងកើត​ប្រទេស​អា​ហ្វ​ហ្គា​នី​ស្ថាន ។ យោធា​អាមេរិក លោក​វរៈសេនីយ៍ Brian Tribus បាន​និយាយថា ក្រុម​អាកាសយានិក និង​អ្នកដំណើរ​ទាំងអស់​បាន​ស្លាប់ ដោយមាន​មន្ត្រី​ស៊ីវិល​ជាប់កិច្ចសន្យា​៥​នាក់​នៅក្នុង​យន្តហោះ​នេះ​ផងដែរ ។ ហេតុការណ៍​នេះ​បានកើត​ឡើង​នៅ​ពាក់កណ្ដាល​យប់​ថ្ងៃ​សុក្រ ម៉ោង​ក្នុង​តំបន់ ។ មន្ត្រី​ស៊ីវិល​ទាំងនេះ​កំពុងធ្វើការ ក្នុង​គម្រោង​គាំទ្រ​ដំណោះស្រាយ នៃ​បេសកកម្ម​ហ្វឹកហ្វឺន​ដឹកនាំ​ដោយ​អង្គការ​ណា​តូ ។ យន្តហោះ C-130 Hercules ជា​ប្រភេទ​យន្តហោះ​ដឹកទំនិញ​ផលិត​ដោយ​ក្រុមហ៊ុន Lockheed Martin ។ យន្តហោះ​នេះ​ដំណើរការ​ដោយ​ម៉ាស៊ីន​ចំនួន​៤ ហើយ​ត្រូវបាន​ប្រើប្រាស់​ដោយ​យោធា​ដើម្បី​ដឹក​កងកម្លាំង និង​អាវុធ​ធន​ធ្ងន់ ។ យន្តហោះ​ប្រភេទ​នេះ  អាច​ហោះ និង​ចុះចត លើដី​រដាក់រដុប និង​ដី​ភក់ ហើយ​ជាទូទៅ​ត្រូវបាន​ប្រើប្រាស់​ដោយ​យោធា​អាមេរិក​ក្នុង​ទីតាំង​របស់​សត្រូវ ។​

ចំនួនអ្នកទស្សនា

    19474967

  • ថ្ងៃនេះ521
  • ម្សិលមិញ2971
  • សប្តាហ៍នេះ11671
  • ខែនេះ70111
  • ឆ្នាំនេះ247521
  • សរុប19474967