​​មាត្រា ៦០
​    ​មន្ត្រី​អនុវត្ត​ច្បាប់​ចរាចរណ៍​ផ្លូវគោក​រួមមាន​៖
​    ​១- មន្ត្រី​មកពី​ក្រសួង​សាធារណការ និង​ដឹកជញ្ជូន​
​    ​២- អង្គភាព​នគរបាល ឬ​កងរាជអាវុធហត្ថ​ដែល​ទ​ទួ​ក​បន្ទុក​រៀបចំ​សណ្ដាប់ធ្នាប់ សុវត្ថិភាព​ចរាចរណ៍​មាន​ភារកិច្ច​៖
•​    ​ចាត់ចែង​ចរាចរណ៍​ឲ្យ​មាន​សណ្ដាប់ធ្នាប់​ល្អ​
•​     តាមដាន ល្បាត និង​ពិនិត្យ​អំពើ​ល្មើ​សនឹង​បទ​ប្បញ្ញត្តិ​ចរាចរណ៍​ដោយផ្ទាល់ ឬ​ដោយ​ឧបករណ៍​បច្ចេកទេស​
•​    ​ធ្វើ​របាយការណ៍​ស្ដីពី​សភាពការណ៍​សណ្ដាប់​ធ្នាប់​ចរាចរណ៍ និង​គ្រោះថ្នាក់​ចរាចរណ៍​ដែល​កើតមានឡើង​។​
​    ​ដោយឡែក អង្គភាព​នគរបាល​ដែល​ទទួលបន្ទុក​រៀបចំ​សណ្ដាប់ធ្នាប់ បទល្មើស​ចរាចរណ៍​មាន​ភារកិច្ច​បន្ថែម​៖
•​    ​ពិន័យ​ជា​ប្រាក់​ចំពោះ​បទល្មើស​ដែល​ត្រូវ​ផ្ដន្ទា​ទោសពិន័យ​អន្តរការណ៍​
•​    ​សម្រុះសម្រួល​ក្នុងករណី​គ្រោះថ្នាក់​ចរាចរណ៍​ដូច​មានចែង​ក្នុង​មាត្រា ៦៥ នៃ​ច្បាប់​នេះ
•​    ​ត្រួតពិនិត្យ និង​កត់ត្រា​ដំណើរ​ហេតុ​នៅពេល​មាន​គ្រោះថ្នាក់​ចរាចរណ៍ ក្នុងករណី​ចាំបាច់​ធ្វ់​ការដកហូត​ជា​បណ្ដោះអាសន្ន​នូវ​បណ្ណ​បើកបរ និង​ឃាត់់​យានជំនិះ​តាម​មាត្រា ៦២ មាត្រា ៦៦ និង​មាត្រា ៦៧ នៃ​ច្បាប់​នេះ​។​
•​    ​រៀបចំ និង​បញ្ជូន​កំណត់ហេតុ​ព្រមទាំង​វត្ថុតាង​ទៅ​អយ្យការ​អម​សាលាដំបូង ក្នុងករណី​កំណត់ដោយ​ច្បាប់​នេះ​។​
​