ក្រសួងយុត្តិធម៌ គ្រោងចុះ MOU ជាមួយ ACU ចូលរួមសង្កេតការណ៍ការប្រឡងសិស្សចៅក្រមជំនាន់ទី៧
04-January-2016 | ដោយ មួយឡា
ភ្នំពេញ៖ ក្រសួងយុត្តិធម៌គ្រោងចុះអនុស្សរណៈនៃការយោគយល់គ្នា (MOU) ជាមួយអង្គភាពប្រឆាំងអំពើពុករលួយ (ACU) ដើម្បីចូលរួមសង្កេតការណ៍ការប្រឡង សិស្សចៅក្រមជំនាន់ទី៧ដែលត្រូវបានពន្យារពេលកាលពីពេលកន្លងទៅ ប្រយោជន៍ដើម្បីធ្វើឱ្យមានតម្លាភាពនៃការប្រឡង ។
ឯកឧត្តម អង្គ វង្សវឌ្ឈនា រដ្ឋមន្ត្រីក្រសួងយុត្តិធម៌ កាលពីថ្ងៃទី៣០ ខែវិច្ឆិកា ឆ្នាំ២០១៥ កន្លងទៅសម្រេចពន្យារពេលការប្រឡងប្រជែងជ្រើសរើសសិស្សចៅក្រមជំនាន់ទី ៧នៃរាជបណ្ឌិតសភាវិជ្ជាជីវៈតុលាការ ។ ជាមួយគ្នានេះ ក្រសួងយុត្តិធម៌ សម្រេចបញ្ជូនក្រុមការងាររបស់ក្រសួងយុត្តិធម៌ដើម្បីធ្វើការ ពិនិត្យឡើងវិញ នូវបែបបទនិង នីតិវិធី
នៃការប្រឡងប្រជែងក្នុងគោលបំណងធ្វើឱ្យកាន់តែមានតម្លាភាព និង ភាពត្រឹមត្រូវយុត្តិធម៌ ។
ពាក់ព័ន្ធករណីនេះ លោក ជិន ម៉ាលីន អ្នកនាំពាក្យក្រសួងយុត្តិធម៌ ថ្លែងតាមទូរស័ព្ទ នៅព្រឹកថ្ងៃទី៤ ខែមករា ឆ្នាំ២០១៦ ថា រហូតមកទល់ពេលនេះ លទ្ធផលនៃការបញ្ជូនក្រុមការងារពិនិត្យឡើងវិញនូវ បែបបទនិងនីតិវិធីនៃការប្រឡងប្រជែងពុំទាន់មានលទ្ធផលនៅឡើយទេ។ ប៉ុន្តែអ្នកនាំពាក្យរូបនេះបញ្ជាក់ថាក្រសួងយុត្តិធម៌គ្រោងចុះ អនុស្សរណៈនៃការយោគយល់គ្នាជាមួយអង្គភាពប្រឆាំងអំពើពុករលួយដើម្បី ចូលរួមសង្កេតការណ៍ការប្រឡងសិស្សចៅក្រមជំនាន់ទី៧ ឱ្យកាន់តែមានតម្លាភាព ។ លោកបញ្ជាក់ថា ការចុះ MOU នេះ គ្រោងនឹងធ្វើនាពេលឆាប់ៗខាងមុខនេះព្រោះដោយសារមួយរយៈពេលចុងក្រោយ ក្រសួងយុត្តិធម៌មានការមមាញឹក ការប្រជុំពង្រឹងបញ្ហាសន្តិសុខ និង ការអនុវត្តច្បាប់របស់ស្ថាប័នតុលាការ ៕
រដ្ឋមន្ត្រីក្រសួងយុត្តិធម៌ កាលពីថ្ងៃទី៣០ ខែវិច្ឆិកា ឆ្នាំ២០១៥ កន្លងទៅសម្រេចពន្យារពេលការប្រឡងប្រជែងជ្រើសរើសសិស្សចៅក្រមជំនាន់ទី ៧នៃរាជបណ្ឌិតសភាវិជ្ជាជីវៈតុលាការ ក្រោយពីប្រឆាំងអំពើពុករលួយរបស់ឯកឧត្តម ឱម យិនទៀង និយាយថាACUនឹងមិនចូលរួមសង្កេតការណ៍ ដោយសារគ្មានកិច្ចសហការ
ប្រភព៖ rasmeinews
ចំនួនអ្នកទស្សនា
- ថ្ងៃនេះ6621
- ម្សិលមិញ12561
- សប្តាហ៍នេះ34571
- ខែនេះ56451
- ឆ្នាំនេះ56451
- សរុប20498907