កញ្ញា ធី សុវណ្ណថា ប្រកាសប្តឹងលោក កឹម សុខា ដោយទាមទារសំណងជំងឺចិត្ត១លានដុល្លា ហើយយកទៅជួយកុមារកំព្រា
23-April-2016 | ដោយ មែន កំសត់
ភ្នំពេញ៖ កញ្ញា ធី សុវណ្ណាថា អតីតអ្នកគាំទ្រគណបក្សសង្គ្រោះជាតិ បានប្រកាសប្តឹង លោក កឹម សុខា អនុប្រធានគណបក្សសង្គ្រោះជាតិ ដោយទាមទារសំណងជំងឺចិត្ត ១លានដុល្លាសហរដ្ឋអាមេរិក ពាក់ព័ន្ធនឹងបទបរិហារកេរ្តិ៍ ហើយថា សំណងជាទឹកប្រាក់នេះ នាងនឹងយកទៅជួយដល់កុមារកំព្រា។
កញ្ញា ធី សុវណ្ណថា បានប្រកាសបែបនេះ នៅក្នុងសន្និសីទកាសែតនៅសណ្ឋាគាសាន់វ៉េ នាម៉ោង២និង០០រៀល ថ្ងៃទី២៣ ខែមេសា ឆ្នាំ២០១៦នេះ ពាក់ព័ន្ធនឹងដំណើរការនៃការប្តឹង លោក កឹម សុខា។
* កញ្ញា ធី សុវណ្ណាថា បានអះអាងថា ចំពោះករណីនេះ នាងនឹងបន្តប្តឹងលោក កឹម សុខា ជាបន្តបន្ទាប់ ទោះជាត្រូវទៅដល់ណាក៏ដោយ។
* កញ្ញា ធី សុវណ្ណាថា ប្រកាសនឹងជួយស្វែងរកមេធាវីការពារឲ្យស្រីមុំ ប្រសិនបើស្រីមុំត្រូវការជំនួយ និងអំពាវនាវឲ្យស្ត្រីទាំងអស់ត្រូវក្រោកឈរឡើងដើម្បីតតាំង។
* កញ្ញាបានបន្តថា ទង្វើរបស់លោក កឹម សុខា បានធ្វើឲ្យមានការប៉ះពាល់ដល់ប្រជាប្រិយភាពរបស់គណបក្សសង្គ្រោះជាតិយ៉ាងខ្លាំង។
* សុវណ្ណាថា បានសម្តែងការរិះគន់ចំពោះអង្គការសង្គមស៊ីវិល, មិនគួរណាអង្គការសង្គមស៊ីវិលទាំងនោះ ការពារបុគ្គលដែលធ្វើបាប និងរំលោភបំពានស្ត្រីទន់ខ្សោយនោះទេ។
* កញ្ញា សុវណ្ណថា បានថ្លែងថា កន្លងមករូបនាងប្តឹង ដើម្បីស្វែងរកម្ចាស់សម្លេងបរិហាកេរ្តិ៍ប៉ុណ្ណោះ ប៉ុន្តែក្រោយពីកញ្ញា ស្រីមុំ សារភាពថា ម្ចាស់សម្លេងនោះជាសម្លេងរបស់លោក កឹម សុខា ដូច្នេះនៅថ្ងៃទី២៧ ខែមេសា កញ្ញានឹងដាក់ពាក្យបណ្តឹងប្តឹង ចំឈ្មោះលោក កឹម សុខា តែម្តង ដោយទាមទារសំណងជំងឺចិត្ត ១លានដុល្លា ដើម្បីយកថវិកានេះទៅជួយកុមារកំព្រា។
កិច្ចសន្និសិទកាសែតរបស់កញ្ញា ធី សុវណ្ណថា បានបញ្ចប់នៅវេលាម៉ោង ១៤និង៥០នាទី ថ្ងៃទី២៣ ខែមេសានេះ៕
ចំនួនអ្នកទស្សនា
- ថ្ងៃនេះ1841
- ម្សិលមិញ2931
- សប្តាហ៍នេះ14031
- ខែនេះ1841
- ឆ្នាំនេះ985061
- សរុប20212507