ថ្នាក់ដឹកនាំសាលាដំបូងខេត្តត្បូងឃ្មុំស្នើដល់មន្ត្រីនគរបាលយុត្តិធម៌គ្រប់ផ្នែកក្នុងខេត្តផ្តល់កិច្ចសហការបន្ថែមទៀតដើម្បីទប់ស្កាត់បទល្មើសផ្សេងៗ
19-May-2016 | ដោយ មែន កំសត់
ត្បូងឃ្មុំ៖ នៅក្នុងកិច្ចប្រជុំជាមួយមន្ត្រីនគរបាលយុត្តិធម៌គ្រប់ផ្នែកនៅសាលា ដំបូងខេត្តត្បូងឃ្មុំនាថ្ងៃទី១៨ ខែឧសភា ឆ្នាំ២០១៦ ប្រធានសាលាដំបូង ខេត្តត្បូងឃ្មុំលោក ជុំ ស បានស្នើអោយមន្ត្រីនគរបាលយុត្តិធម៌គ្រប់ផ្នែកក្នុង ខេត្តសហជា មួយអយ្យការបន្ថែមទៀតដើម្បីទប់ស្កាត់ បង្ក្រាបបទ ល្មើសផ្សេងៗពីព្រោះកន្លងមកមានមានករណីខ្លះមន្ត្រីមិនទាំងជូនដំណឹងមកព្រះរាជអាជ្ញាផងក្នុងករណីចុះបង្ក្រាបបទល្មើសមួយចំនួន ។
លោកក៏បាន លើកឡើងចំៗថាកន្លងមកខាងមន្ត្រីគយ និងមន្ត្រីកាំកុង ត្រូលខេត្តមិនដែល សហការទាល់តែសោះជាមួយព្រះរាជអាជ្ញាក្នុងការចុះ បង្ក្រាប ត្រួតពិនិត្យ និងទប់ស្កាត់បទល្មើសផ្សេងៗ។ លោកបន្តថាគោលបំណងសំខាន់នៃកិច្ចប្រជុំ ថ្ងៃនេះគឺពង្រឹងបន្ថែមទៀតរវាងស្ថាប័នតុលាការ និងមន្ត្រីនគរបាលយុត្តិធម៌ កុំអោយមានពាក្យចោតគ្នាទៅវិញទៅមកពាក់ព័ន្ធការចាប់ និងដោះលែងជនសង្ស័យណាម្នាក់។
ជាមួយគ្នានោះលោក ហៀង សុភក្ត្រ ព្រះរាជអាជ្ញាអមសាលាដំបូងខេត្តត្បូង ឃ្មុំក៏ពន្យល់នែនាំអំពីនិតិវិធីមួយចំនួនដែលមន្ត្រីនគបាលយុត្តិធម៌ត្រូវប្រតិបត្តិ និងអនុវត្តក្នុងការឃាត់ខ្លួន និងកសាងសំនុំរឿងបញ្ជូនមកតុលាការ ដោយធ្វើយ៉ាង ណាអោយស្របតាមច្បាប់បានកំណត់។
លោកលើកឡើងបន្តថា មន្ត្រីនគរបាលយុត្តិធម៌មានតួនាទីសំខាន់ណាស់ទប់ស្កាត់ បង្ក្រាបបទល្មើស ផ្សេងៗពិសេសរក្សាសន្តិសុខសណ្តាប់ធ្នាប់ជូនប្រជាពលរដ្ឋ និងប្រទេស ជាតិទាំងមូល ដូច្នេះត្រូវប្រតិបត្តិតួនាទីផ្តល់សេចក្តីទុកចិត្តដល់ ប្រជាពលរដ្ឋគ្រប់ពេល។
លោកបន្តថាកន្លងមកកម្លាំងនគរបាល និងកម្លាំងកងរាជអាវុធហត្ថ គឺបានសហការល្អជាមួយខាងតុលាការ តែដោយឡែកខាងកាំកុងត្រូល និងគយខេត្តមិនដែលសហការទាល់ តែសោះរាល់ការបង្ក្រាប និងចុះត្រួតពិនិត្យទំនិញផ្សេងៗដែលនេះលោកចាត់ ទុកថាជាការអនុវត្តខុសនិតិវិធី៕
ដោយ៖អ៊ាមហ៊ុយ
ចំនួនអ្នកទស្សនា
- ថ្ងៃនេះ7231
- ម្សិលមិញ12561
- សប្តាហ៍នេះ35181
- ខែនេះ57061
- ឆ្នាំនេះ57061
- សរុប20499517