អាជីវករលើកគ្នាតវ៉ានៅតុលាការ សើរើរឿងករណីឆេះផ្សារស្ទឹងត្រែង
24-May-2016 | ដោយ មែន កំសត់
ខេត្តស្ទឹងត្រែង ៖ ក្រុមអាជីវករប្រមាណជាជាង១០០នាក់បានលើកគ្នាទៅតវ៉ានៅសាលាដំបូង ខេត្តនារសៀលថ្ងៃទី២៣ ខែឧសភា ឆ្នាំ២០១៦ ដោយលើកពីមូលហេតុពាក់ព័ន្ធទៅនឹងសំណុំរឿងឆេះផ្សារស្ទឹងត្រែង កាលពីមុនថ្ងៃចូលឆ្នាំប្រពៃណីខ្មែរកន្លងមក។ ក្រុមអាជីវករទាំងនោះបានលើកឡើងថាការលើកគ្នាមកតវ៉ានេះគឺចង់ដឹង ថាមូលហេតុអ្វីបានជាតុលាការតម្កល់ពាក្យបណ្តឹងលើសំណុំរឿងឆេះផ្សារ របស់អាជីវករមិនត្រូវបានចាត់ការ និងបានដោះលែងជនពាក់ព័ន្ធក្នុងករណីនេះឲ្យនៅក្រៅប្រព័ន្ធច្បាប់ យ៉ាងដូច្នេះ។
ក្រុមអាជីវករទាំងនោះបានបន្ថែមថា សំណុំរឿងដែលពួកគាត់ដាក់ចូលទៅតុលាការគឺទីមួយប្តឹងអ្នកគ្រប់គ្រង ផ្សារដែលបានដេញថ្លៃយកភាស៊ី និងមួយទៀតប្តឹងទៀមទាសំណងដែលរងការខាតបង់ទាំងឡាយ តែពាក្យបណ្តឹងនោះតុលាការមិនបានចាត់ការឡើយបន្ទាប់ពីពួកគាត់បាន ដាក់ចូលក្រោយឆេះផ្សារបានរយៈពេលពីរថ្ងៃ។ បន្ទាប់ពីក្រុមអាជីវករលើកគ្នាទៅដល់សាលាដំបូង តុលាការបានអញ្ជើញអ្នកដំណាងឲ្យអាជីវករទាំងនោះចូលជួប និងបានធ្វើការសម្របសម្រួលពីតុលាការថានឹងត្រូវដោះស្រាយនៅពេលឆាប់ ខាងមុខ។
អ្នកតំណាងឲ្យអាជីវករបានឆ្លើយតបប្រាប់អ្នកសារព័ត៌មានរួមទាំងអា ជីករទាំងអស់ថាតុលាការបានប្រាប់ថាកន្លងមកគាត់បានឃុំខ្លួន ជនសង្ស័យទាំង៥នាក់នោះមិនទាន់មានចំណាត់ការមែនតែនៅថ្ងៃទី១៣ខែ ក្រោយតុលាការនឹងកាត់ក្តីលើសំណុំរឿងនេះ ហើយកន្លងមកដោយសារមិនទាន់មានចំណាត់ការក៏ព្រោះតែសំណុំរឿងហ្នឹង ជាប់ពាក់ព័ន្ធរឿងព្រហ្មទណ្ឌ ហើយពាក់ព័ន្ធជុំវិញមនុស្សចំនួនពីរនាក់ដែលនៅក្រៅពន្ធនាគារនោះ មិនមែនតុលាការដោះលែងនោះទេ តែគ្រាន់ឲ្យនៅក្រៅឃុំបណ្តោះអាសន្ន នៅថ្ងៃទី១៣ខែក្រោយ នឹងត្រូវមានវត្តមាននៅតុលាការដើម្បីកាត់ទោសនោះដែរ។
អ្នកតំណាងដដែលបន្តថាពាក់ព័ន្ធលើសំណងដែលប្តឹងឧកញ៉ា សា លាង លោកនឹងរាយការណ៍ទៅក្រសួងយុត្តិធម៌លោកមិនអាចអាកាត់ដោយខ្លួនឯងបាន ទេ។ ជុំវិញការលើកគ្នាទៅតវ៉ានៅសាលាដំបូងដោយសារពួកគាត់ជាអាជីវករ មានការងឿងឆ្ងល់ថាមូលហេតុអ្វីបានជាតុលាការតម្កល់សំណុំរឿងមិន ចាត់ការ និងបានដោះលែងជនសង្ស័យដែលពាក់ព័ន្ធករណីឆេះផ្សារនោះទៀត។
ក្រោយការបំភ្លឺពីតុលាការពួកគាត់បានយល់អំពីមូលហេតុ និងបានរំសាយការប្រមូលផ្តុំតវ៉ានោះដែរ។ គួរបញ្ជាក់ថាក្រោយការឆេះផ្សារថ្មស្ទឹងត្រែងសមត្ថកិច្ចបានបើក ការអង្កេតពីមូលនៃការឆេះ និងបានឃាត់ខ្លួនក្រុមសន្តិសុខចំនួន៤នាក់រួមជាមួយជាងទងម្នាក់ទៀត បញ្ជូនទៅសាលាដំបូងដោយចោទប្រកាន់ពីបទធ្វើឲ្យខូចខាតរបស់អ្នកដទៃ ក្រោយបញ្ជូនជនសង្ស័យទាំង៥នាក់ទៅពន្ធនាគារ និងជាថ្ងៃឈប់សម្រាកដើម្បីប្រារព្ធពីធីបុណ្យចូលឆ្នាំប្រពៃណី ខ្មែរទៀតនោះតុលាការមិនទាន់មានចំណាត់ការលើសំណុំរឿង និងបានឲ្យជនសង្ស័យពីរនាក់នៅក្រៅឃុំជាបណ្តោះអាសន្នហើយនឹងត្រូវ ចូលខ្លួនមកវិញនៅថ្ងៃទី១៣ខែក្រោយដើម្បីជម្រះក្តីលើសំណុំរឿងឆេះ ផ្សារនោះដែរ។ ទាក់ទិនករណីឆេះផ្សារនេះដែរលោកឧកញ៉ា សា លាង បានប្រាប់អ្នកសារព័ត៌មានកន្លងមកថាលោកមិនមានការទទួលខុសត្រូវលើ ករណីអគ្គីភ័យនោះឡើយ។ ដូច្នេះប្រជាពលរដ្ឋអាជីវករដែលរងការខាតបង់នៅមានចម្ងល់ និងរង់ចាំមើលថាតើអ្នកគ្រប់គ្រងផ្សារដេញថ្លៃយកលុយភាស៊ីពីអាជីវករ ពេលមានរឿងកើតឡើងមិនទទួលខុសត្រូវនោះ ប្រព័ន្ធច្បាប់គ្រប់គ្រងដោយក្រសួងយុត្តិធម៌ និងត្រូវមានចំណាត់ការបែបណា ? ៕
ចំនួនអ្នកទស្សនា
- ថ្ងៃនេះ421
- ម្សិលមិញ3241
- សប្តាហ៍នេះ3671
- ខែនេះ229341
- ឆ្នាំនេះ229341
- សរុប20671797