លោក ហែម ដារិទ្ធិ និងក្រុមការងារ ចុះចែកអំណោយជូនស្ត្រីមេម៉ាយក្រីក្រ៥គ្រួសារ
23-December-2015 | ដោយ មួយឡា
ភ្នំពេញ៖ នាព្រឹកថ្ងៃទី២២ ខែធ្នូ ឆ្នាំ២០១៥ នៅភូមិភ្លើងឆេះរទេះកើត សង្កាត់ភ្លើងឆេះរទេះ ខណ្ឌពោសែនជ័យ រាជធានីភ្នំពេញ មានប្រារព្ធពិធីចែកអំណោយដល់ស្ត្រីសំរាលកូនមានជីវភាពក្រីក្រ ចំនួន៥គ្រួសារ។
ពិធីនេះ មានការអញ្ជើញចូលរួមដោយមន្ត្រីនគរបាល អាវុធហត្ថ កំលាំងប្រជាការពារ សមាជិកសហភាពសហព័ន្ធយុវជនកម្ពុជាខណ្ឌពោធិ៍សែនជ័យ មន្ត្រីសង្កាត់ មេភូមិ កំលាំងប្រជាការពារភូមិ និងប្រជាពលរដ្ឋជាច្រើននាក់ទៀត ក្រោមអធីបតីភាព លោក ហែម ដារិទ្ធិ អភិបាលខណ្ឌពោធិ៍សែនជ័យ តំណាងដ៏ខ្ពង់ខ្ពស់ឯកឧត្តម សាយ សំអាល់ ប្រធានសហភាពសហព័ន្ធយុវជនកម្ពុជារាជធានីភ្នំពេញ និងលោក សេង គន្ធ ប្រធានប្រធានសហភាពសហព័ន្ធយុវជនកម្ពុជាខណ្ឌពោធិ៍សែនជ័យ ។
នាឱកាសនោះ លោក ហែម ដារិទ្ធិ អភិបាលខណ្ឌពោធិ៍សែនជ័យ បានមានមតិសំណេះសំណាលទៅកាន់បងប្អូនដែលជាស្ត្រីមេម៉ាយមានជីវភាពទីទ័លក្រ និងអ្នកចូលរួមពោរពេញទៅដោយភាពរីករាយ និងកក់ក្ដៅជាទីបំផុត ។
លោកអភិបាលក៏បានបញ្ជាក់ថា៖ សំភារៈដែលយកមកប្រគល់ជូននៅថ្ងៃនេះ ដោយទទួលបានព័ត៌មានពីមូលដ្ឋានមកក្រុមការងារសហភាពសហព័ន្ធយុវជនកម្ពុជាខណ្ឌ និងដោយមានការយកចិត្តទុកដាក់ គិតគូរសុខទុក្ខពីសំណាក់ ឯកឧត្តម សាយ សំអាល់ ប្រធានសហភាពសហព័ន្ធយុវជនកម្ពុជារាជធានីភ្នំពេញ ទើបថ្ងៃនេះឯកឧត្តមបានចាត់អោយរូបខ្ញុំ និងក្រុមការងារសហភាពសហព័ន្ធយុវជនកម្ពុជា នាំយកសំភារៈថវិកាទាំងនោះមកធ្វើការប្រគល់ជូនដល់ស្ត្រីមេម៉ាយដែលទើបនិងសំរាលកូនដែលមានជីវភាពក្រីក្រ ។
លោកក៏បានបញ្ជាក់បន្ថែមផងដែរថា ថ្វីត្បិតសំភារៈថវិកានេះមានចំនួនតិចតួចយ៉ាងណាក៏ដោយ ក៏អាចសំរាលនិងជួយសំរួលដោះស្រាយជីវភាពបានមួយកំរិតដែរ។ លោកអភិបាលខណ្ឌនិងក្រុមការងារបានចែកសំភារៈថវិកាជូនដល់ស្ត្រីមេម៉ាយទាំង៥គ្រួសារដោយមួយគ្រួសារទទួលបានដូចជា៖ អង្ករ ២០គីឡូក្រាម មី២កេស ទឹកស៊ីអ៊ីវ១យួរ នំ១ស្បោង និងថវិកា ១០០,០០០រៀល ។
បន្ទាប់ពីសួរសុខទុក្ខ និងផ្តល់អំណោយរួចមក លោកអភិបាលខណ្ឌ និងក្រុមការងារសហភាពសហព័ន្ធយុវជនកម្ពុជា កងកម្លាំង ប្រជាការពារនិងក្រុមយុវជន បានចុះជួយច្រូតស្រូវជូនស្ត្រីមេម៉ាយ នៅភូមិភ្លើងឆេះរទេះកើត សង្កាត់ភ្លើងឆេះរទេះ ខណ្ឌពោធិ៍សែនជ័យ ព្រមទាំងផ្តល់ថវិកាជូនបងប្អូនប្រជាពលរដ្ឋ ដែលស៊ីឈ្នួលច្រូតកាត់ផងដែរ ដោយពិនិត្យឃើញថាស្ត្រីមេម៉ាយទាំងនោះ មិនមានលទ្ធភាពជួលគេមកច្រូត។
បងប្អូនប្រជាពលរដ្ឋបានសំដែងនូវសេចក្ដីត្រេកអរ និងសូមថ្លែងអំណរគុណយ៉ាងជ្រាលជ្រៅចំពោះ ឯកឧត្តម សាយ សំអាល់ ប្រធានសហភាពសហព័ន្ធយុវជនកម្ពុជា និងថ្នាក់ដឹកនាំខណ្ឌពោធិ៍សែនជ័យ រួមទាំងក្រុមការងារខណ្ឌសង្កាត់ដែលបានយកចិត្តទុក្ខដាក់គិតគូរសុខទុក្ខ ដល់ពួកគាត់កំពុងជាប់ការលំបាកទីទ័លក្រ ស្របតាមនយោបាយកាត់បន្ថយភាពក្រីក្ររបស់រាជរដ្ឋាភិបាល៕ ដោយ មែន កំសត់
ចំនួនអ្នកទស្សនា
- ថ្ងៃនេះ8971
- ម្សិលមិញ10901
- សប្តាហ៍នេះ24351
- ខែនេះ46231
- ឆ្នាំនេះ46231
- សរុប20488687