អគ្គស្នងការនគរបាលជាតិ បើកកិច្ចប្រជុំស្ដីពីការណែនាំអនុវត្តផែនការ និងការពង្រឹងច្បាប់ចរាចរណ៍ផ្លូវគោកថ្មី
24-December-2015 | ដោយ មួយឡា
ភ្នំពេញ៖ អគ្គស្នងការនគរបាលជាតិ បានត្រៀមកម្លាំងនគរបាល ១៧៥០នាក់ ដោយចែកចេញជា១៧២ក្រុម សម្រាប់ការអនុវត្តច្បាប់ចរាចរណ៍ផ្លូវគោកថ្មីនៅក្នុងឆ្នាំ២០១៦ ខាងមុខ។ នេះបើតាមរបាយការណ៍នៅក្នុងកិច្ចប្រជុំណែនាំការអនុវត្តផែនការ ស្តីពីការពង្រឹងច្បាប់ចរាចរណ៍ផ្លូវគោកថ្មី ដែលធ្វើឡើងនៅអគ្គស្នងការដ្ឋាននគរបាលជាតិ នាព្រឹកថ្ងៃទី២៣ ខែធ្នូ ឆ្នាំ២០១៥។
កិច្ចប្រជុំនេះត្រូវបានធ្វើឡើងក្រោមអធិបតីភាព នាយឧត្តមសេនីយ៍ នេត សាវឿន អគ្គស្នងការនគរបាលជាតិ ដើម្បីណែនាំផ្តល់យោបល់ជុំវិញផែនការអនុវត្តច្បាប់ចរាចរណ៍ផ្លូវគោកថ្មី ដែលមានការឧបត្ថម្ភដោយរាជរដ្ឋាភិបាលកម្ពុជាកាលពីពាក់កណ្តាលឆ្នាំ២០១៥ ។
របាយការណ៍នៃកិច្ចប្រជុំខាងលើនេះបានឱ្យដឹងថា សមត្ថកិច្ចបានត្រៀមកម្លាំងសរុបទូទាំងប្រទេសសម្រាប់ចុះប្រតិបត្តិការត្រួតពិនិត្យអនុវត្តច្បាប់នេះចំនួន១៧២ក្រុម មានកម្លាំងចំនួន១៧៥០នាក់ ក្នុងនោះក្រុមត្រួតពិនិត្យអនុវត្តច្បាប់ចំនួន៦១ក្រុម មានកម្លាំង៣១១នាក់ និងក្រុមត្រួតពិនិត្យតាមដងផ្លូវសរុប១១១ក្រុម មាន១៤៣៩នាក់ ចំណែកកម្លាំងប្រចាំការពេលយប់៤០ក្រុម មាន៥៥៩នាក់ ។
ដោយឡែករាជធានីភ្នំពេញ ក៏មានក្រុមត្រួតពិនិត្យ៥៤ក្រុម មានកម្លាំង៤៣២នាក់ និងស្នាក់ការទទួលបង់ប្រាក់ពិន័យចំនួន១៥កន្លែងផងដែរ៕ ដោយ មែន កំសត់
ចំនួនអ្នកទស្សនា
- ថ្ងៃនេះ3811
- ម្សិលមិញ12561
- សប្តាហ៍នេះ31761
- ខែនេះ53641
- ឆ្នាំនេះ53641
- សរុប20496097