ពិធីបើកវគ្គបំប៉នសមត្ថភាពស្ដីពី ការប្រើប្រាស់បច្ចេកវិទ្យាព័ត៌មានដល់មន្ត្រីគ្រប់គ្រងរដ្ឋបាល ខេត្តរតនគីរី
28-December-2015 | ដោយ មួយឡា
រតនគីរី៖ នាព្រឹកថ្ងៃទី២៨ ខែធ្នូ ឆ្នាំ២០១៥ នៅមន្ទីរអប់រំ យុវជន និងកីឡាខេត្តរតនគីរី មានពិធីបើកវគ្គបំប៉នសមត្ថភាពស្ដីពី ការប្រើប្រាស់បច្ចេកវិទ្យាព័ត៌មាន និងសារគមនាគមន៍សម្រាប់កិច្ចការរដ្ឋបាលដល់មន្ត្រីគ្រប់គ្រងរដ្ឋបាលថ្នាក់ប្រធាន អនុប្រធានការិយាល័យ មន្ទីរ ក្រុង ស្រុក ស្ថិតក្នុងខេត្តរតនគីរី ។
ពិធីនេះ ប្រារព្ធធ្វើឡើងក្រោមឱវាទមន្ទីរអប់រំ យុវជន និងកីឡា ខេត្តរតនគីរីចំនួន ៣០រូប សម្រាប់រយៈពេល ០៣ ថ្ងៃ ពីថ្ងៃទី២៨ ដល់ថ្ងៃទី៣០ ខែធ្នូ ឆ្នាំ២០១៥ ដោយថវិកាកម្មវិធីឆ្នាំ២០១៥ របស់នាយកដ្ឋានព័ត៌មាន និងកិច្ចការអាស៊ាន ក្រោមអធិបតីភាពលោកស្រី ច័ន្ទ ខាំឃឿ ប្រធានមន្ទីរអប់រំ យុវជន និងកីឡាខេត្តរតនគីរី ។
គោលបំណងនៃវគ្គបណ្ដុះបណ្ដាលនេះគឺបង្កើនសមត្ថភាពមន្ត្រីអប់រំថ្នាក់ក្រោមជាតិ ក្នុងការប្រើប្រាស់ជំនាញកុំព្យូទ័រសម្រាប់ការងាររដ្ឋបាល និងទំនាក់ទំនងអេឡិចត្រូនិកមានដូចជា ៖ ការប្រើប្រាស់កម្មវិធីយូនីកូដ កម្មវិធីការិយាល័យភាសាខ្មែរ កម្មវិធី Google Apps for Education (Google Drive, Google Calendar, HangOut) អ៊ីនធឺណិត និងអ៊ីមែល ការណែនាំកម្មវិធីសម្រាប់ទំនាក់ទំនងតាមរយៈទូរស័ព្ទឆ្លាតវៃ និងបណ្ដាញទំនាក់ទំនងសង្គម ដើម្បីលើកកម្ពស់ប្រសិទ្ធភាពការងារ ស្របតាមយុគសម័យនៃបច្ចេកវិទ្យាបច្ចុប្បន្ន ៕
ប្រភព៖ ទំព័រក្រសួងអប់រំ យុវជន និងកីឡា
ចំនួនអ្នកទស្សនា
- ថ្ងៃនេះ2921
- ម្សិលមិញ12561
- សប្តាហ៍នេះ30871
- ខែនេះ52751
- ឆ្នាំនេះ52751
- សរុប20495207