មន្ត្រីកាំកុងត្រូលខេត្តព្រះសីហនុ ចុះប្រមូលនិងកំទេចចោលទំនិញខូចគុណភាពដែលលក់នៅផ្សារទំនើបក្បែរឆ្នេរអូរឈើទាល
31-December-2015 | ដោយ មួយឡា
ព្រះសីហនុ៖ ទំនិញម្ហូបអាហារខូចគុណភាពហួសកាលបរិច្ឆេទប្រើប្រាស់ ត្រូវបានមន្ត្រីកាំកុងត្រូលសាខាខេត្តព្រះសីហនុ ចុះពិនិត្យរកឃើញមានតាំងលក់ ក្នុងផ្សារទំនើបនៅក្បែរឆ្នេរអូឈើទាល ស្ថិតក្នុងសង្កាត់លេខ៤ ក្រុងព្រះសីហនុ នាព្រឹកថ្ងៃទី៣០ ខែធ្នូ ឆ្នាំ២០១៥ ។
ក្រោយការពិនិត្យនេះ មន្ត្រីកាំកុងត្រូលក៏បាន ធ្វើការដកហូតយកទៅដុតចោលក្នុងថ្ងៃដដែលផងដែរ។ មន្ត្រីកាំងកុងត្រូលបានថ្លែងឲ្យដឹងក្នុងឱកាសដុតកំទេចចោលទំនិញ ម្ហូបអាហារខូចគុណភាពនោះថា ទំនិញដែលដុតចោលនាពេលនេះមានទម្ងន់២១៥ គីឡូក្រាមបន្ទាប់ពីបានធ្វើការដកហូតពីផ្សារនានាក្នុងខេត្តនាពេលកន្លងមក ។
លោក ម៉ាង ស៊ីណេត ប្រធានសាខាកាំកុងត្រូលខេត្តព្រះសីហនុ បានឲ្យដឹងថាដើម្បីប្រយោជន៍ការពារ ដល់សុខភាពប្រជាពលរដ្ឋក្នុងការទិញ ទំនិញម្ហូបអាហារយកមកបរិភោគ មន្ត្រីសាខាកាំកុងត្រូល របស់លោកបានធ្វើការចុះពិនិត្យយ៉ាងទៀងទាត់រយៈពេល៤ដងក្នុង១ខែ ហើយក្នុងករណីពិសេសណាមួយនោះអាចនឹងបង្កើនការឆែកឆេរទ្វេរដងផងដែរ៕ ដោយ មែន កំសត់
ចំនួនអ្នកទស្សនា
- ថ្ងៃនេះ1821
- ម្សិលមិញ12561
- សប្តាហ៍នេះ29771
- ខែនេះ51651
- ឆ្នាំនេះ51651
- សរុប20494107