លោកជំទាវ កែវ ម៉ាលី ស្នើអាជ្ញាធរ មេត្តាគិតគូររឿងសុខភាពប្រជាពលរដ្ឋនៅមូលដ្ឋាន
11-January-2016 | ដោយ មួយឡា
ភ្នំពេញ៖ លោកជំទាវ កែវ ម៉ាលី បានសរសេរ នៅក្នុងទំព័រ Facebook នាពេលដែលលោកជំទាវចូលរួមមីទិ្ទញ៧មករា នៅខេត្តកំពង់ធំ កាលពីថ្ងៃទី៧ ខែមករា ឆ្នាំ២០១៦ កន្លងមក «ថ្ងៃនេះនាងខ្ញុំបានធ្វើរឿង ២យ៉ាងដែលល្អ៖ ទី១ បានចូលរួមក្នុងពិធីអបអរសាទរទិវា ជ័យជំនះ៧មករា ជាមួយក្រុមការងារចុះជួយខេត្តកំពង់ធំ ដែលមានឯកឧត្តម ងួន ញឹល ជាប្រធានក្រុមការងារ ។
ចំណែកឯរឿងទី២ បានចុះទៅពិនិត្យ មណ្ឌលសុខភាព ក្នុងឃុំបាល្ល័ង ស្រុកបារាយណ៍ ខេត្តកំពង់ធំ ដែលមាន៣ បន្ទប់ លើផ្ទៃដី ៣០ម x ៣០ម កំពុងសាងសង់សម្រេចបាន ៦៥% ហើយទុកសម្រាប់ ជាមណ្ឌលសុខភាពប្រចាំការ ក្នុងការប្រើប្រាស់ សេវាសុខាភិបាល ជូនដល់ប្រជាពលរដ្ឋ លោកតា លោកយាយ ក្នុងភូមិ-ឃុំ របស់យើង នេះជាចំណុចសំខាន់ដែលអ្នកដឹកនាំត្រូវអនុវត្តន៍ដោយខានមិនបាន ។
ចំពោះរឿងចំបងបំផុត សំរាប់សុខុមាលភាព ប្រជាពលរដ្ឋ ទូទៅ និងសំរាប់ សុខភាពមាតាទារក នៅពេលសំរាល និងបុគ្គលិកពេទ្យ មានកន្លែងធ្វើការត្រឹមត្រូវសមរម្យ ហេតុនេះស្នើអាជ្ញាធរ ក្រុមការងារបក្សគ្រប់ជាន់ថ្នាក់មេត្តាគិតគូរលើកាងារសុខភាពនេះផង ហើយនាពេលខាងមុខជំរុញការសាងសង់មណ្ឌលសុខភាពឲ្យបានគ្រប់ឃុំសង្កាត់ ។
នាងខ្ញុំសូម ចងចាំជានិច្ចស្មារតីស្នេហាជាតិ រំដោះជាតិ មាតុភូមិ របស់រណៈសិរ្ស២ធ្នូ និង ថ្ងៃជ័យជំនះ ៧មករា! មាន២ធ្នូ ទើបមាន ៧ មករា ! មាន ៧មករា ទើបមានអ្វីៗមកទល់ពេលសព្វថ្ងៃនេះ។ កំហុសដែលធំបំផុត សំរាប់អ្នកដឹកនាំ ជាប្រវត្តិសាស្ត្រនោះគឺជាការ (សំរេចចិត្តខុស) ដូច្នេះការសម្រេចចិត្តខុស បាននាំអោយជាតិយើងពីមួយជំនាន់ទៅមួយជំនាន់ កាន់តែធ្លាក់ខ្លួនដុនដាប ជាចុងក្រោយ ជីវិតក៏គេមិនទុកអោយ រស់រៀនបន្តទៅទៀតដែរ គឺស្គាល់តែពាក្យថា «ទារុណកម្ម និង ការយកទៅសម្លាប់» ថ្ងៃនេះជាថ្ងៃ៧មករា ថ្ងៃកំណើតទី២ របស់នាងខ្ញុំ និងបងប្អូនខ្មែរទាំងអស់គ្នា ផងដែរ ! បើគ្មានថ្ងៃ ៧មករា ដែលមានកងទ័ពស្មគ្រ័ចិត្តវៀតណាម មករំដោះទេ នៅសល់តែ ១សប្តាហ៍ទៀត នាងខ្ញុំក៏និងត្រូវស្លាប់ បាត់ទៅហើយដែរព្រោះ គេបង្ខំអោយធ្វើការ គ្មានពេលសំរាក ការហូបចុក មិនដិតដល់ ចុងក្រោយគឺមានតែសេចក្តីស្លាប់ប៉ុណ្ណោះ។
ក្នុងថ្ងៃទិវា ៧មករា ដ៏វិសេស វិសាលមហាថ្លៃថ្លានេះផងដែរ នាងខ្ញុំដែលជាក្រុមការងារ ចុះជួយខេត្តកំពង់ធំ រួមជាមួយនិង ឯកឧត្តម ងួន ញឹល អនុប្រធានទី២ រដ្ឋសភាជាតិ ក៏សូមឧទ្ទិសក្នុងថ្ងៃជ័យជំនះ៧មករានេះ ជាថ្ងៃដែលប្រជាជនខ្មែរ មានសិទ្ឋិសេរីភាព គ្រប់ទិសទី និងសូមកុំអោយរបបប្រល័យពូជសាសន៍ ទមិឡឥតសាសនា វិលត្រលប់សារជាថ្មីឡើយ ព្រោះយើងចង់តែឃើញនូវកត្តាសុខសន្តិភាព ស្ថេរភាពនយោបាយ និង ការអភិវឌ្ឍ។ មានគណបក្សប្រជាជនដឹកនាំប្រទេស ប្រជាជនទទួលបានសិទ្ធិសេរីភាព សិទ្ធិរស់រៀន សិទ្ធិរើសគូស្រករ សិទ្ធិទទួលបានផ្នែកជំនឿសាសនា ការអប់រំជាដើម»៕ ដោយ មែន កំសត់
ចំនួនអ្នកទស្សនា
- ថ្ងៃនេះ3051
- ម្សិលមិញ12561
- សប្តាហ៍នេះ31001
- ខែនេះ52881
- ឆ្នាំនេះ52881
- សរុប20495337