លោក ព្រាប មុនី ចុះសាកសួរសុខទុក្ខ និងចែកសំភារៈថវិកា ជូនប្រជាពលរដ្ឋក្រីក្រ៥គ្រួសារ
25-January-2016 | ដោយ មួយឡា
ភ្នំពេញ៖ នាព្រឹកថ្ងៃ ទី២៤ ខែមករា ឆ្នាំ២០១៦ នៅភូមិគៀនឃ្លាំង សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ មានរៀបចំពិធីសាកសួរសុខទុក្ខ និងចែកអំណោយជូនប្រជាពលរដ្ឋក្រីក្រ ចំនួន ៥ គ្រួសារ ក្រោមអធិបតីភាព លោក ព្រាប មុនី ចៅសង្កាត់ព្រែកលៀប ។
ពីធីនេះក៏មានការចូលរួមពី លោក ចេង ប៊ុនណា អនុប្រធានក្រុមការងារ ភូមិគៀនឃ្លាំង អាជ្ញាធរសង្កាត់ព្រែកលៀប ក្រុមការងារសង្កាត់-ភូមិ យុវជនសង្កាត់ព្រែកលៀប មេភូមិគៀនឃ្លាំង រួមនិងប្រជាពលរដ្ឋជាច្រើនរូបទៀត។
នាឱកាសនោះលោក ព្រាប មុនី ចៅសង្កាត់ព្រែកលៀបបានមានមតិសំណេះសំណាលទៅកាន់បងប្អូនប្រកបដោយភាពជិតស្និទ្ធ លោកក៏បានគូសបញ្ជាក់ថា អំណោយ សំភារៈដែលរូបខ្ញុំយកមកជូន បងប្អូននាថ្ងៃនេះ គឺជាការយកចិត្តទុកដាក់ របស់ថ្នាក់ដឹកនាំ ពោលគឺជាការឧបត្ថម្ភ របស់ក្រុមការងារគណបក្សប្រជាជនកម្ពុជា ទោះបីជាសំភារៈទាំងនេះបន្តិចបន្តួចក៏ដោយ តែវាអាចដោះស្រាយជីវភាពរបស់បងប្អូនបានមួយកំរិត។
លោកចៅសង្កាត់ក៏បានលើកឡើងផងដែរថា សំភារៈអំណោយទាំងអស់នេះជាការឧបត្ថម្ភរបស់ក្រុមការងារមានដូចជា៖ ឯកឧត្ដម អ៊ុំ សារឹទ្ធ ប្រធានក្រុមការងារចុះជួយខណ្ឌ និងឯកឧត្ដម ប៊ុន វុទ្ធា ប្រធានក្រុមការងារចុះជួយសង្កាត់ អង្គរ ៦០គីឡូក្រាម , មី ៥កេសតូច , ទឹកត្រី ៥យួ ,ទឹកស៊ីអ៊ីវ ៥យួ , និងថវិកា ៥០០,០០០ រៀល ។ លោកស្រី កែវ ច័ន្ទស៊ុនណារី អភិបាលរងខណ្ឌ សារុងចំនួន ៥ និង រូបលោក ព្រាប មុនី ចៅសង្កាត់ផ្ទាល់ ទឹកសុទ្ធ ១០យួ ។
បន្ទាប់មកក្រុមការងារបានធ្វើការ ចែកជូននូវសំភារៈថវិកាជូនដល់បងប្អូនដែលមានជីវភាពក្រីក្រ នៅភូមិគៀនឃ្លាំង សង្កាត់ព្រែកលៀប ខណ្ឌជ្រោយចង្វារ ចំនួន៥គ្រួសាររួមមាន ៖ ទី១ឈ្មោះ អៀម ចេង ភេទស្រី អាយុ ៧១ឆ្នាំ ទី២ឈ្មោះ នៅ ណា ភេទប្រុស អាយុ ៧៨ឆ្នាំ ទី៣ឈ្មោះ អន ឆែហេង ភេទប្រុសអាយុ ៤៩ឆ្នាំ ទី៤ ឈ្មោះ ឯក អៀង ភេទប្រុស អាយុ ៥៩ឆ្នាំ និងទី ៥ឈ្មោះ ស៊ុំ អ៊ុំ ភេទប្រុស អាយុ ៧១ឆ្នាំ។ ដោយក្នុងមួយគ្រួសារ ទទួលបាន អង្ករ ១៥ គីឡូក្រាម , មី១កេសតូច ,ទឹកត្រី ១យួ ,ទឹកស៊ីអ៊ីវ១យួ ,ទឹកសុទ្ធ២យួ , សារុង១ និងថវិកា ១០០,០០០ រៀល។
ជាចុងក្រោយបងប្អូនប្រជាពលរដ្ឋក៏បានសំដែងនូវអំណរគុណយ៉ាងជ្រាលជ្រៅចំពោះការយកចិត្តទុកដាក់របស់ក្រុមការងារពិសេសថ្នាក់ដឹកនាំសង្កាត់ដែលបានលះបង់ធនធានពេលវេលា ផ្ទាល់ខ្លួនពាំនាំនូវសំភារៈនិងថវិកា យកមកផ្ដល់ជូនក្រុមគ្រួសាររបស់ពួកគាត់ដែលកំពុងតែកង្វះខាតក្នុងជីវភាពប្រចាំថ្ងៃ ហើយបងប្អូនក៏បានជូនពរដល់ក្រុមការងារសូមជួបប្រទះតែសេចក្ដីសុខ គ្រប់ប្រការនិងប្រកបការងារអ្វីៗសម្រេចតាមផែនការដែលថ្នាក់ដឹកនាំប្រគល់ជូន៕ ដោយមែនកំសត់
ចំនួនអ្នកទស្សនា
- ថ្ងៃនេះ3871
- ម្សិលមិញ12561
- សប្តាហ៍នេះ31821
- ខែនេះ53701
- ឆ្នាំនេះ53701
- សរុប20496157