រកឃើញឈើបណ្តើរៗ នៅក្នុងឃ្លាំងស្តុកឈើ ក្រុមហ៊ុនប៊ិនហ្វឿក១
30-January-2016 | ដោយ ពល រាជសី
មណ្ឌលគិរី៖ អ្នកនាំពាក្យអាវុធហត្ថលើផ្ទៃប្រទេស លោក អេង ហ៊ី បានឲ្យដឹងថា ខណៈនេះនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថ លើផ្ទៃប្រទេស និងជាប្រធានគណៈកម្មការជាតិ ដើម្បីទប់ស្កាត់និងបង្ក្រាបបទល្មើសព្រៃឈើ បាននឹងកំពុងដឹកនាំសមាជិក នៃគណៈកម្មការជាតិ ចុះត្រួតពិនិត្យដល់ទីតាំងស្តុកឈើ នៅក្រុមហ៊ុនប៊ិនហ្វឿក១ ស្ថិតនៅឃុំស្រែព្រះ ស្រុកកែវសីមា ខេត្តមណ្ឌលគិរី ។
លោកបន្តថា មកដល់ម៉ោងនេះនាយឧត្តមសេនីយ៍ ប្រធានគណ:កម្មការ កំពុងដឹកនាំកម្លាំង ចុះមកត្រួតពិនិត្យឈើនៅក្រុមហ៊ុន ប៊ិនហ្វឿក១ ជាកន្លែងឈើមានគេលួចដុតនិងរកឃើញ ឈើមួយចំនួន នៅទីនេះ ប៉ុន្តែក្រុមមន្ត្រីជំនាញកំពុងចុះវាស់វែងពិនិត្យបន្ត (ទិន្នន័យលម្អិតនឹងផ្សាយពេលក្រោយ)។
រយ:ពេល២ថ្ងៃនេះ នាយឧត្តមសេនីយ៍សៅ សុខា បាននិងកំពុងដឹកនាំកម្លាំងសមត្ថកិច្ច និងសមាជិកគណ:កម្មការ ចុះទៅត្រួតពិនិត្យ និងបន្តបង្ក្រាបបទល្មើសឈើ ស្ថិតនៅតាមខេត្តចំនួន៦ គឺខេត្តកំពង់ចាម ខេត្តត្បូងឃ្មុំ ខេត្តក្រចេះ ខេត្តមណ្ឌលគិរី ខេត្តស្ទឹងត្រែង និងខេត្តរតនគីរី៕
ចំនួនអ្នកទស្សនា
- ថ្ងៃនេះ6611
- ម្សិលមិញ10901
- សប្តាហ៍នេះ21991
- ខែនេះ43871
- ឆ្នាំនេះ43871
- សរុប20486327