ឯកឧត្តម ម៉ាន់ ឈឿនអញ្ជើញ ចុះសួរសុខទុក្ខ និងចែកអំណោយ គ្រួសារទទួលរងគ្រោះភ្លើងឆេះផ្ទះ ៩៧គ្រួសារនៅវត្តចាក់អង្រែក្រោម
10-February-2016 | ដោយ មែន កំសត់
ភ្នំពេញ៖ បន្ទាប់ពីទទួលបានដំណឹងពីអគ្គីភ័យ ឆេះផ្ទះអស់៩៧ខ្នង ក្នុងថ្ងៃចូលឆ្នាំចិន នៅព្រឹកថ្ងៃទី ០៩ ខែកុម្ភៈ ឆ្នាំ២០១៦ ឯកឧត្តម ម៉ាន់ ឈឿន ប្រធានគណៈកម្មាធិការទី៧ នៃរដ្ឋសភា បានអញ្ជើញ ចុះសួរសុខទុក្ខ និងចែកអំណោយ គ្រួសារទទួលរងគ្រោះភ្លើងឆេះផ្ទះ ៩៧គ្រួសារ នៅវត្តចាក់អង្រែក្រោម ក្នុងសង្កាត់អង្រែក្រោម ខណ្ឌមានជ័យ ។
កិច្ចសំណេះសំណាលនោះក៏មានការចូលរួមពីលោក ពេជ្រ កែវមុនី អភិបាលខណ្ឌមានជ័យ, លោក ឌី រ័ត្នខេមរុណ និងលោក ឡុង ង៉ែត អភិបាលរងខណ្ឌមានជ័យ លោក គឹម រតនា នាយកប្រតិបត្តិអង្គការ Caritas កម្ពុជា យុវជន សង្កាត់ សសយកសង្កាត់ ចៅសង្កាត់ មេភូមិផងដែរ។
នាឱកាសនោះដែរឯកឧត្តម ម៉ាន់ ឈឿន ប្រធានគណៈកម្មាធិការទី៧ នៃរដ្ឋសភា បានមានមតិសំណេះសំណាលទៅកាន់ក្រុមគ្រួសារដែលរងគ្រោះប្រកបដោយភាពកក់ក្ដៅនិងអាណិតអាសូរ បំផុតចំពោះគ្រោះអគ្គីភ័យដែលកើតមានឡើង ជាយថាហេតុ ឯកឧត្តមបានស្នើនិងណែនាំសូមឲ្យបងប្អូនមេត្តាប្រុងប្រយ័ត្នពេលទៅណាមកណាពិនិត្យនិងមើលភ្លើងក្នុងផ្ទះឲ្យគ្រប់ជ្រុងជ្រោយ ជៀសវាងបញ្ហាមានកើតគ្រោះអគ្គីភ័យដែលយើងស្មានមិនដល់។បន្ទាប់មកឯកឧត្តមក៏បានផ្ដល់សំភារៈដល់គ្រួសាររងគ្រោះទាំង៩៧ដោយអំណោយទទួលបានក្នុង១គ្រួសាររួមមាន៖ អង្ករ២៥គ.ក មុង១ ភួយ២ កន្ទេល១ តង់១ទៀតផង៕
ចំនួនអ្នកទស្សនា
- ថ្ងៃនេះ8141
- ម្សិលមិញ10901
- សប្តាហ៍នេះ23521
- ខែនេះ45401
- ឆ្នាំនេះ45401
- សរុប20487857