ក្រុមការងារ ចុះពង្រឹងមូលដ្ឋានឃុំព្រែកចង្ក្រានចុះជួបសំណេះសំណាលសួរសុខទុក្ខ ជាមួយកុមារាក្រីក្រកំព្រាទាំងពីរ
14-February-2016 | ដោយ មែន កំសត់
ព្រៃវែង៖បន្ទាប់ពីទទួលបានការរាយការណ៍របស់អាជ្ញាធរភូមិ ឃុំ អំពីស្ថានភាព ជីវិតរស់នៅដ៏លំបាករបស់កុមារា សាន ប៊ី អាយុ ៩ឆ្នាំ និង កុមារា សាន បយ អាយុ៦ឆ្នាំ រស់នៅភូមិបាប្រិយ ឃុំព្រែកចង្ក្រាន ស្រុកស៊ីធរកណ្តាល ខេត្តព្រៃវែង។
គួររំលឹកអំពីឆាកជីវិតដ៏កំសត់របស់កុមារទាំងពីរ៖ ឪពុកឈ្មោះ សាន ប៊ន និង ម្តាយឈ្មោះ គឹមស៊ាង ដែលទាំងពីរនាក់ប្តីប្រពន្ធបានលែងលះគ្នា តាំងពីកុមារ សាន បយ នៅក្នុងពោះម្ល៉េះ។ ក្រោយមកស្ត្រីជាម្តាយ បានយកប្តីថ្មីទៀត ជាអ្នករស់នៅស្រុកស្អាង ខេត្តកណ្ដាល មានកូនម្នាក់ទៀត!!
បច្ចុប្បន្ន កុមារាទាំងពីរ កំពុងរស់នៅក្នុងស្ថានភាពលំបាក លំបិន គ្មានអ្នកគ្រប់គ្រងតែ២នាក់បងប្អូន លើផ្ទះចាស់របស់ម្តាយមីង ដែលទៅរកស៊ីនៅប្រទេសថៃ។ ដោយមើលឃើញស្ថានភាពបែបនេះ លោកគ្រូបង្រៀនចូលនិវត្តន៍ម្នាក ជាអ្នកជិតខាងបានជួយមើលខុសត្រូវ ក្នុងន័យមនុស្សធម៌។
ទើបនៅរសៀល ថ្ងៃទី ១៣ខែ កុម្ភៈឆ្នាំ ២០១៦- ក្រុមការងារគណបក្សប្រជាជនចុះពង្រឹងមូលដ្ឋានឃុំព្រែកចង្ក្រាន ឃុំល្វេ ដឹកនាំដោយ នាយឧត្តមសេនីយ៍ កង សុខន អគ្គស្នងការរងនគរបាលជាតិ និង អមដំណើរដោយ ឯកឧត្តម ប៉ុល រតនា ប្រធានក្រុមការងារ ឯកឧត្តម នឹម ច័ន្ទតាណា អនុប្រធានទី១ លោក ម៉ននី បណ្ឌិត អភិបាលនៃគណៈអភិបាលស្រុកស៊ីធរកណ្ដាល និង សហការី បានចុះជួបសំណេះសំណាលសួរសុខទុក្ខ ជាមួយកុមារាទាំងពីរ និង អ្នកមើលការខុសត្រូវ/អាព្យាបាលបណ្ដោះអាសន្ន នៅភូមិឃុំខាងលើ។
នាឱកាសនោះនាយឧត្តមសេនីយ៍ កង សុខន អគ្គស្នងការរងនគរបាលជាតិ បាននាំយកថវិកាផ្ទាល់ខ្លួន ចំនួន ៥០០,០០០រៀល ជូនដល់អាណាព្យាបាល និង ដល់កុមារាទាំងពីរ ម្នាក់ ២០ដុល្លា ដើម្បីទុកគ្រាន់សម្រួលជីវភាពរស់ប្រចាំថ្ងៃមួយរយៈ។
ហើយលោក ម៉ននី បណ្ឌិត អភិបាលនៃគណៈអភិបាលស្រុកស៊ីធរកណ្ដាល ក៏បាននាំយក អង្ករ ២០ Kg មី១កេស និងសំភារៈសម្រាប់ប្រើប្រាស់មួយចំនួនដូចជាចង្ក្រានហ្កាស ចានដែក ឆ្នាំងបាយ សម្លរ....សម្រាប់ប្រើប្រាស់ផងដែរ!។
ជាងនេះទៅទៀត ក្រុមការងារបានធ្វើការផ្តែផ្តាំ ដល់អាណាព្យាបាលបណ្ដោះអាសន្ន ឱ្យជួយយកចិត្តទុកដាក់ចំពោះក្មេងទាំងពីរ ធ្វើយ៉ាងណាអោយពួកគេបានរៀនសូត្រ ហូបចុកគ្រប់គ្រាន់បើមានការខ្វះខាតដោយប្រការណាមួយ សូមរាយការណ៍ទៅអាជ្ញាធរ និង ក្រុមការងារ ជាបន្ទាន់ ហើយបានធ្វើការណែនាំដល់ កុមារាទាំងពីរផ្ទាល់ឱ្យខិតខំរៀនសូត្រ ដើរតាមផ្លូវល្អ ចៀសវាងធ្វើអំពើអាក្រក់ទាំងពួងនាំឱ្យប៉ះពាល់ដល់សង្គម និង អនាគតខ្លួនឯង!!៕
ចំនួនអ្នកទស្សនា
- ថ្ងៃនេះ7261
- ម្សិលមិញ10901
- សប្តាហ៍នេះ22641
- ខែនេះ44521
- ឆ្នាំនេះ44521
- សរុប20486977