ឯកឧត្តមអ៊ី ឈានរៀបចំពិធីផ្សព្វផ្សាយ សន្និបាតគណៈកម្មាធិការកណ្តាលលើកទី ៣៩អាណត្តិទី៥របស់គណបក្សប្រជាជន កម្ពុជា
14-February-2016 | ដោយ មែន កំសត់
ប៉ៃលិន៖នៅថ្ងៃទី១៤ ខែ កុម្ភៈឆ្នាំ២០១៦ នៅស្នាក់ការកណ្ដាលបក្សខេត្តប៉ៃលិន ឯកឧត្តម អ៊ី ឈាន សមាជិកគណៈកម្មាធិការកណ្តាលនិងជាប្រធានក្រុមការងារគណៈកម្មាធិការកណ្តាលចុះជួយខេត្តប៉ៃលិន និងលោកជំទាវ បាន ស្រីមុំ អ្នកតំណាងរាស្ត្រមណ្ឌលប៉ៃលិន បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីផ្សព្វផ្សាយខ្លឹមសារសន្និបាតគណៈកម្មាធិការកណ្តាលលើកទី ៣៩អាណត្តិទី៥របស់គណបក្សប្រជាជន កម្ពុជានិងផ្សព្វផ្សាយផែនការឆ្ពោះទៅកាន់ ការបោះឆ្នោតជ្រើសរើសក្រុមប្រឹក្សា ឃុំសង្កាត់ អាណត្តិទី៤ ឆ្នាំ២០១៧។
អញ្ជើញ ចូលរួមនាឱកាសនោះមានឯកឧត្តមគណៈពង្រឹងក្រុមការងារខេត្ត ក្រុងស្រុកកងកម្លាំងប្រឌាប់អាវុធទាំង៣ គណបក្សឃុំ សង្កាត់សាខាភូមិ យុវជនឃុំភូមិ និងមន្ត្រីរាជការច្រើន នាក់។
បន្ទាប់ពីលោកប្រធានបក្សខេត្ត ធ្វើរបាយការណ៍ស្ដីពី ការងារ សកម្មភាពបក្ស បញ្ហាប្រឈមសំណូមពរ របស់មូលដ្ឋានជូនអង្គប្រជុំរួចមក ។ ក្នុងកិច្ចប្រជុំផ្សព្វផ្សាយខ្លឹមសារនាឱកាសនោះឯកឧត្តមអ៊ី ឈាន សមាជិកគណៈកម្មាធិការកណ្តាលនិងជាប្រធានក្រុមការងារគណៈកម្មាធិការកណ្តាលចុះជួយខេត្តប៉ៃលិន បានមានមតិសួរសុខទុក្ខសំណេះសំណាលទៅកាន់បងប្អូនសមាជិកសមាជិកាបក្ស គ្រប់ ជាន់ថ្នាក់ និងបានកោតសរសើរលើការដឹកនាំរបស់បក្ស ស្រុកក្រុង ហើយឯកឧត្តមក៏បាន អាននូវឯកសារជំនួយស្មារតីសម្រាប់ផ្សព្វផ្សាយខ្លឹមសារសេចក្តីសម្រេច សន្និបាតគណៈកម្មាធិការកណ្តាលលើកទី៣៩ អាណត្តិទី៥និងបានអានសេចក្តីសម្រេចស្តីពីផែនការឆ្ពោះទៅការបោះឆ្នោត ជ្រើសរើសក្រុមប្រឹក្សាឃុំសង្កាត់ អាណត្តិទី៤ ឆ្នាំ២០១៧ របស់គណៈអចិន្ត្រៃយ៍គណបក្សខេត្ត។
បន្ទាប់មកឯកឧត្តមអ៊ី ឈាន ក៏មានមតិផ្តាំផ្ញើ ដល់ សមាជិកគណៈកម្មាធិការគណបក្សស្រុកក្រុង និងក្រុមប្រឹក្សាឃុំសង្កាត់ ប្រធានសាខាបក្សភូមិសង្កាត់ ក្នុងស្រុកក្រុនិង ស្នើដល់សាខាបក្សភូមិ បក្សឃុំត្រូវខិតខំបន្តលើការបំរើសេវាសាធារណៈជូនប្រជាពលរដ្ឋអនុវត្តន៍គោលនយោបាយភូមិឃុំសង្កាត់មានសុវត្ថិភាព៩ចំនុចឲ្យបន្តដោះស្រាយការងារអភិវឌ្ឍន៍ប្រកបដោយតម្លាភាព គណនេយ្យភាព បានល្អ ដើម្បីទាក់ទាញស្មារតីអារម្មណ៍និងមានការជឿទុក្ខចិត្តចូលរួមដោះស្រាយបញ្ហាប្រឈម ផ្សេងៗដើម្បីមានប្រជាប្រីយភាព និងបក្សមានសម្លេងឈ្នះក្នុងការបោះឆ្នោត២០១៧និង២០១៨៕
ចំនួនអ្នកទស្សនា
- ថ្ងៃនេះ8951
- ម្សិលមិញ10901
- សប្តាហ៍នេះ24331
- ខែនេះ46211
- ឆ្នាំនេះ46211
- សរុប20488667