ឯកឧត្តម កែវ រតនៈរៀបចំពិធីជួបសំណេះសំណាលជាមួយលោកគ្រូ-អ្នកគ្រូអាជ្ញាធរស្រុកក្រគរ
15-February-2016 | ដោយ មែន កំសត់
ពោធិ៍សាត់៖នៅសាលាស្រុកក្រគរ ខេត្តពោធិ៍សាត់នាព្រឹកថ្ងៃទី ១៤ ខែកុម្ភៈ ឆ្នាំ ២០១៦ មានរៀបចំពិធីជួបសំណេះសំណាលជាមួយលោកគ្រូ-អ្នកគ្រូអាជ្ញាធរនិងមន្ត្រីរាជការក្នុងថ្ងៃ Valentine's Dayថ្ងៃនៃក្ដីស្រឡាញ់ក្រោមអធិបតីភាព ឯកឧត្តម កែវ រតនៈប្រធានក្រុមការងារចុះជួយខេត្តពោធិ៍សាត់ ទទួលបន្ទុកស្រុកក្រគរ។
កម្មវិធីនេះមានវត្តមានចូលរួមពីលោកអភិបាលស្រុក កងកម្លាំងប្រដាប់អាវុធ មេឃុំ និងលោកគ្រូ-អ្នកគ្រូប្រមាណជាង ៧០០ នាក់ផងដែរ។
នាឱកាសនោះឯកឧត្តម កែវ រតនៈប្រធានក្រុមការងារចុះជួយខេត្តពោធិ៍សាត់ ទទួលបន្ទុកស្រុកក្រគរក៏បានមតិសំណេះសំណាលប្រកបដោយភាពកក់ក្ដៅនិងបាន សម្តែងទឹកចិត្តគោរពស្រលាញ់និងហើយសាកសួរសុខទុក្ខពីថ្នាក់ដឹកនាំប្រមុខរាជរដ្ឋាភិបាលគណបក្សប្រជាជនកម្ពុជាគ្រប់លំដាប់ ថ្នាក់ ឯកឧត្តមក៏បានបន្ថែមផងដែរថាមានតែគណបក្សប្រជាជនកម្ពុជាទេដែលជួយគិតគូរពីសកម្មភាពសមូហភាពរបស់បងប្អូនគ្រប់កាលៈទេសៈហើយរាជរដ្ឋាភិបាលក៏បន្តដើស្រាយកែសម្រួលនិង កម្មវិធីបញ្ចុះថ្លៃអគ្គិសនីរបស់រាជរដ្ឋាភិបាល និងការជួយពង្រីកបណ្តាណអគ្គិសនីជនបទរបស់អគ្គិសនីកម្ពុជារួមទាំងការលើកលែងសេវាមិនឲ្យបង់ថ្លៃលើសេវាផ្ទេរកម្មសិទ្ធិរវាងសាច់សារលោហិត ម្ដាយឪពុកកូន និងសហព័ទ្ធ និងការលុបចោលសេវាបង់លុយតាមផ្លូវជាតិលេខ៤ ប័ណ្ណបើកបរ និងខិតខំបន្តកិច្ចអនុវត្តន៍ឲ្យស៊ីជម្រៅលើក្រសួងស្ថាប័នផ្សេងៗបន្ថែមទៀត ។
ថ្លែងតបទៅកាន់ពិធីលោកគ្រូ-អ្នកគ្រូនិងអាជ្ញាធរមានសប្បាយចិត្តពី ថ្នាក់ដឹកនាំនិងរាជរដ្ឋាភិបាលដែលតែងតែដោះស្រាយនូវសំណូមពរប្រជាពលរដ្ឋប្រកបដោយការយកចិត្តទុកដាក់និងចូលរួមកាត់បន្ថយភាពក្រីក្រនៅមូលដ្ឋាន។បន្ទាប់មកឯកឧត្តម កែវ រតនៈបានផ្ដល់ជូនកាដូអនុស្សាវរីយ៍ជូនដល់អ្នកចូលរួមទាំង៧០០នាក់សម្រាប់អបអរទិវានៃក្ដីស្រលាញ់ផងដែរ៕
ចំនួនអ្នកទស្សនា
- ថ្ងៃនេះ9221
- ម្សិលមិញ10901
- សប្តាហ៍នេះ24601
- ខែនេះ46481
- ឆ្នាំនេះ46481
- សរុប20488937