ចាស់ជរាក្រីក្រគ្មានទីពឹង១៦០នាក់ ទទួលប្រាក់ឧបត្ថម្ភប្រចាំខែមីនា ពីមូលនិធិតំណាងរាស្ត្រ មណ្ឌលប៉ៃលិន
04-March-2016 | ដោយ មែន កំសត់
ប៉ៃលិន៖ នៅរៀងរាល់ថ្ងៃទី០៣ នៃខែនីមួយៗ ក្នុងនាម លោកជំទាវ បាន ស្រីមុំ តំណាងរាស្ត្រ គណបក្សប្រជាជនកម្ពុជា មណ្ឌលប៉ៃលិន និងក្នុងនាមមូលនិធិចាស់ជរាក្រីក្រគ្មានទីពឹងរបស់គណបក្សប្រជាជនកម្ពុជា មណ្ឌលប៉ៃលិន។
នៅថ្ងៃទី០៣ ខែមីនា ឆ្នាំ២០១៦នេះ ក្រុមការងាររបស់មូលនិធិ បានជួបសួរសុខទុក្ខប្រជាពលរដ្ឋ ក្នុងក្រុងប៉ៃលិន និងស្រុកសាលាក្រៅ ខេត្តប៉ៃលិន ចំនួន ១៦០នាក់ និងបាននាំយកប្រាក់ឧបត្ថម្ភប្រចាំខែមីនា របស់មូលនិធិលោកស្រី បាន ស្រីមុំ អ្នកតំណាងរាស្ត្រគណបក្សប្រជាជនកម្ពុជា មណ្ឌលប៉ៃលិន ផ្តល់ជូនប្រជាពលរដ្ឋទាំង១៦០នាក់ ក្នុងម្នាក់ៗ ១០ម៉ឺនរៀល ។
មូលនិធិចាស់ជរាក្រីក្រគ្មានទីពឹងរបស់គណបក្សប្រជាជនកម្ពុជា មណ្ឌលប៉ៃលិន ត្រូវបានបង្កើតឡើងតាំងពី ឆ្នាំ២០១១ មកដល់បច្ចុប្បន្ន ដោយប្រើប្រាស់ថវិការបស់សមាជិក សមាជិកាគណបក្សប្រជាជនកម្ពុជាក្នុងខេត្ត ពិសេសលោកជំទាវ បាន ស្រីមុំ និងលោក អ៊ី ឈាន ព្រមទាំង មានការចូលរួមពីសប្បុរសជនក្នុងស្រុក និងក្រៅប្រទេស ដើម្បីជួយសម្រាលទុក្ខលំបាកប្រជាពលរដ្ឋក្នុងខេត្តប៉ៃលិន ដែលគ្មានលទ្ធភាព ប្រកបរបរចិញ្ចឹមជីវិត ដោយមិនប្រកាន់និន្នាការនយោបាយសាសនាឡើយ ។
ក្នុងនាមលោកស្រីជាតំណាងរាស្ត្រ គណបក្សប្រជាជនកម្ពុជា មណ្ឌលប៉ៃលិន សូមថ្លែងអំណរគុណយ៉ាងជ្រាលជ្រៅបំផុត ជូនដល់សប្បុរសជនទាំងអស់ ព្រមទាំងក្រុមការងារទាំងអស់ដែលបានចូលរួមដោយស្ម័គ្រចិត្តទាំងកម្លាំងកាយ កម្លាំងចិត្ត បម្រើពុកម៉ែបងប្អូនប្រជាពលរដ្ឋក្នុង ខេត្តប៉ៃលិន ជាមួយនឹងលោកស្រី៕
ចំនួនអ្នកទស្សនា
- ថ្ងៃនេះ9651
- ម្សិលមិញ10901
- សប្តាហ៍នេះ25031
- ខែនេះ46911
- ឆ្នាំនេះ46911
- សរុប20489367