ប៉ុស្តិ៍រដ្ឋបាល ឃុំស្វាយអន្ទរ និង ប៉ុស្តិ៍រដ្ឋបាល ឃុំ ព្រៃខ្លាបានទទួលអំណោយ ឯកឧត្តម នាយឧត្តមសេនីយ៍ នេត សាវឿន
08-March-2016 | ដោយ មែន កំសត់
ព្រៃវែង ៖ ដោយមានការគិតគូនិងយកចិត្តទុកដាក់យ៉ាងខ្លាំងពីសំណាក់ថ្នាក់ដឹកនាំ អគ្គស្នងការនគរបាលជាតិ ។ នៅព្រឹកថ្ងៃទី ៨ ខែមីនា ឆ្នាំ២០១៦ ឯកឧត្តម នាយឧត្តមសេនីយ៍ យុន ឈុន្នី អគ្គស្នងការរង តំណាងដ៍ខ្ពង់ខ្ពស់ ឯកឧត្តម នាយឧត្តមសេនីយ៍ នេត សាវឿន អគ្គស្នងការនគរបាលជាតិ បាននាំយកអំណោយ ឧបត្ថម ម៉ាសីព្រីមធ័រ ២ គ្រឿង និងកំព្យួទ័រ ២ គ្រឿង ដែលជាអំណោយ ដ៍ថ្លៃថ្លា ឯកឧត្តម នាយឧត្តមសេនីយ៍ នេត សាវឿនអគ្គស្នងការនគរបាលជាតិ មកប្រគល់ ជូនដល់នគរបាលប៉ុស្តិ៍រដ្ឋបាល ឃុំ ស្វាយអន្ទរ និង ប៉ុស្តិ៍ រដ្ឋបាល ឃុំ ព្រៃខ្លា ស្រុកស្វាយអន្ទរ ខេត្តព្រៃវែង និងឧបត្ថម្ភ ថវិកា មួយប៉ុស្តិ៍ ២០០.០០០ រៀល ។
ឯកឧត្តម អគ្គស្នងការរងនគរបាលជាតិ បានមានប្រសាសន៍បន្តថា ត្រូវចេះថែរក្សានិងសម្អាត សម្ភារៈអស់ទាំងនេះ ដើម្បីប្រើប្រាស់ឲ្យបានយូរអង្វែង ជាពិសេស ដើម្បីកាត់បន្ថយគ្រោះ ថ្នាក់ចរាចរណ៍ឲ្យកាន់តែមានប្រសិទ្ធភាពខ្ពស់ មន្ត្រីនគរបាលប៉ុស្តិ៍ ត្រូវចេះរួមចំណែក ក្នុងការអនុវត្តគោលនយោបាយភូមិ-ឃុំមានសុវត្ថិភាព។
នៅក្នុងគោលនយោបាយភូមិ-ឃុំមានសុវត្ថិភាពទាំង៩ចំណុចនោះ មានមួយចំណុចពាក់ព័ន្ធការទប់ស្កាត់គ្រោះថ្នាក់ ចរាចរណ៍។ ដូច្នេះនគរបាលប៉ុស្តិ៍រដ្ឋបាលដែលស្ថិតនៅជិតប្រជាពលរដ្ឋ ត្រូវចេះធ្វើការណែនាំ និងពន្យល់ពីច្បាប់ចរាចរណ៍ដល់ពួកគាត់ជាប្រជាពលដ្ឋឲ្យបានច្រើនពី ការបើកបរយានយន្ត គ្រប់ប្រភេទនៅលើផ្លូវថ្នល់ ត្រូវពាក់មួកការពារសុវត្ថិភាព ពំពាក់កញ្ចក់មើលក្រោយជាដើម។ ពេលដែលពួកគាត់ជាប្រជាពលរដ្ឋបានយល់ដឹងខ្ពស់ហើយនោះ ករណីគ្រោះថ្នាក់ចរាចរណ៍ មិនងាយកើតមានឡើងទៅលើពួកគាត់នោះទេ។
ជាចុងក្រោយ ឯកឧត្តម នាយឧត្តមសេនីយ៍ យុន ឈុន្នី បានធ្វើការសំណូមពរដល់ នគរបាលត្រូវបង្កើន ការយកចិត្តទុកដាក់ រួសរាន់កាតចុះជួយប្រជាពលរដ្ឋនៅពេល ប្រជាពលរដ្ឋមានទុក្ខភ័យដើម្បីធ្វើសកម្មភាពឆ្លើយតប ទៅនឹង សំណូមពររបស់ ប្រជាពលរដ្ឋឲ្យបានទាន់ពេលវេលា ៕
ចំនួនអ្នកទស្សនា
- ថ្ងៃនេះ3731
- ម្សិលមិញ12561
- សប្តាហ៍នេះ31681
- ខែនេះ53561
- ឆ្នាំនេះ53561
- សរុប20496017