ឯកឧត្តមសួស អង្គារ៍ ៖ គ្មានគណបក្សណាដឹងសុខទុក្ខប្រជាកសិករជាងគណបក្សប្រជាជនកម្ពុជានោះទេ
14-March-2016 | ដោយ មែន កំសត់
បាត់ដំបង៖ ឯកឧត្តម សួស អង្គារ៍ សមាជិកគណៈកម្មាធិការកណ្តាល គណបក្សប្រជាជនកម្ពុជា និងជាប្រធានក្រុមការងារ ចុះជួយឃុំអូរតាគី និងឃុំតាម៉ឺន ស្រុកថ្មគោល បានប្រាប់សមាជិកបក្សប្រជាជនកម្ពុជានៅមូលដ្ឋានថា គ្មានគណបក្សណាដែលដឹងសុខទុក្ខប្រជាកសិករជាងគណបក្សប្រជាជនកម្ពុជានោះទេ ព្រោះថ្នាក់នាំកំពូលរួមមានសម្តេចតេជោ ហ៊ុន សែន ក៏បានកើតចេញពីត្រកូលកសិករដូចគ្នាដែរ ហើយគោលនយោបាយដឹកនាំ និងធនធានថ្នាក់ដឹកនាំ គ្រប់ជាន់ថ្នាក់ របស់គណបក្សប្រជាជនកម្ពុជា ល្អជាងលើសមេបក្សដ៏ទៃដាច់ឆ្ងាយគ្រប់យ៉ាង មានសមត្ថភាពគ្រប់គ្រាន់ ហើយមានការគាំទ្រពីប្រជាពលរដ្ឋយ៉ាងច្រើន ។
ដោយសារតែមានមេដឹកនាំដូចសម្តេចតេជោ ហ៊ុន សែន យ៉ាងដូច្នេះ នោះគណបក្សប្រជាជនកម្ពុជានឹងត្រូវបានបន្តឈ្នះឆ្នោត ពេលបោះឆ្នោតឃុំ-សង្កាត់នៅ២០១៧ និងបោះឆ្នោតថ្នាក់ជាតិ ឆ្នាំ២០១៨ ដើម្បីដឹកនាំប្រទេសបន្តការអភិវឌ្ឍន៍ឲ្យកាន់តែរីកចម្រើនថែមទៀត ដូច្នេះក្រុមការហារម្នាក់ៗត្រូវបង្កើនសកម្មភាព ចុះជួយ ប្រជាពលរដ្ឋកាន់តែខ្លាំងជាងមុន។
ការថ្លែងបែបនេះ ខណៈដែលឯកឧត្តមបានអញ្ជើញជាអធិបតី ក្នុងពិធីសំណេះសំណាលជាមួយប្រជាពលរដ្ឋទាំងនៅឃុំអូរតាគីស្រុកថ្មគោល នារសៀលថ្ងៃទី១២និងព្រឹកថ្ងៃទី១៣ ខែមីនា ឆ្នាំ២០១៦ ។
ឯកឧត្តមសួស អង្គារ៍ ក៏បានជម្រាបជូនដល់ប្រជាពលរដ្ឋដែលបានចូលរួម ទាំងអស់ មកពី ភូមិនានា ឃុំអូរតាគី ក្នុងស្រុកបានជ្រាប ក្នុងពិធីសំណេះសំណាលនេះថា ពីប្រវត្តិគណបក្សប្រជាជនកម្ពុជាតែមួយគត់ ដែលបានខិតខំតស៊ូរំដោះជាតិមាតុភូមិ ចេញផុតពីសម័យដ៏ខ្មៅងងឹតសម្លាប់ជាតិឯងស្ទើរតែផុតពូជទៅហើយនោះ និងប្រឹងប្រែងកសាង និងការពារប្រទេសជាតិមិនឲ្យធ្លាក់ក្នុងរណ្តៅបនប្រល័យពូជសាស្ត្រប៉ុល ពត ម្តងទៀត ដោយដៃម្ខាង ខិតខំកសាងនិងដៃម្ខាងទៀតខិតខំការពារ តាំងពីឆ្នាំ១៩៧៩ បាតដៃទទេ រហូតបានកសាងមានសមិទ្ធផលជាច្រើននិងភាពរីកចម្រើនដល់សព្វថ្ងៃពិតៗដោយមិនអាចប្រកែកបានឡើយ។
ឯកឧត្តមសួស អង្គារ៍ បានប្រាប់ដល់ប្រជាពលរដ្ឋទាំងអស់ថា «គណបក្សប្រជាជន តែងប្រកាន់ខ្ជាប់នូវ គោលការណ៍ចំបង គឺធ្វើអ្វីៗដើម្បីបម្រើផលប្រយោជន៍និងយកប្រជាជនជាធំ និងដើម្បីប្រទេសជាតិយើង»។ គណបក្សប្រជាជនកម្ពុជា មានមហិច្ឆតាក្នុងការកសាងប្រទេសជាតិយើង ឲ្យរីកច្រើន និងរុងរឿងដើម្បីឲ្យកូនចៅជំនាន់ក្រោយរបស់យើង បានរស់នៅ ក្នុងសុខសន្តិភាពបានយូរអង្វែង ជាពិសេសដើម្បី ធ្វើឲ្យប្រទេសជាតិ យើងអាចធ្វើម្ចាស់ជោគវាសនា របស់ជាតិយើង ដោយខ្លួនឯង ឯករាជ្យ ឯកភាពជាតិតែមួយ ប្រជាធិបតេយ្យ សេរីពហុបក្សនៅកម្ពុជា។
ឯកឧត្តមបានស្នើដល់មន្ត្រីគណបក្សមូលដ្ឋានគ្រប់លំដាប់ថ្នាក់ទាំងអស់ ឱ្យបន្តខិតខំធ្វើអំពើល្អ និងចេះកែលំអរនូវចំណុចខ្វះខាត និងភាពអសកម្មទាំងឡាយកន្លងមក ហើយទុកផលប្រជាយោជន៍ប្រជាពលរដ្ឋជាធំ ដើម្បីបន្តទាក់ទាញនូវ ការគាំទ្រពីសំណាក់ប្រជាជន។ ជាមួយគ្នានេះ ត្រូវយើងបន្តខិតខំបម្រើនិងផ្តល់សេវាសាធារណៈគ្រប់ប្រភេទជូនដល់ប្រជាជនឱ្យបានល្អ។
ឯកឧត្តមបានលើកឡើង និងធ្វើការវាយបកទៅលើបក្សប្រឆាំងវិញផងដែរ ដែលតែងតែដើរឃោសនាតាមមូលដ្ឋាន វាយប្រហារមកលើគណបក្សប្រជាជនកម្ពុជា ដោយគ្មានមូលដ្ឋាន ខណៈគណបក្សខ្លួនបាននិងកំពុងដើរនិយាយភូតកុហក់ ប្រជាពលរដ្ឋយើងរាល់ថ្ងៃ ដោយបក្សប្រឆាំងនោះមិនដែលបានកសាងសមិទ្ធិផលនិងធ្វើអ្វីសោះជូនប្រជាពលរដ្ឋយើងទេ បានត្រឹមតែសន្យាខ្យល់ប៉ុណ្ណោះ។
ឯកឧត្តមបានបញ្ជាក់ទៀតថា ដាច់ខាតគណបក្សប្រជាជនកម្ពុជា និងដណ្តើមជ័យជម្នះការបោះឆ្នោតឃុំសង្កាត់២០១៧ និងបោះឆ្នោត សកលឆ្នាំ២០១៨ បន្តដឹកនាំប្រទេសជាតិនៅអាណត្តិជាបន្តបន្ទាប់ទៀត ខណៈដែលគណបក្សប្រឆាំង កំពុងបែកបាក់ផ្ទៃក្នុង និងមានកំពុងមានរឿងអាស្រូវច្រើន ភូតកុហក់ប្រជាពលរដ្ឋយើងកន្លងមក និងបានលើកឡើងពីសភាពការជាតិ និងអន្តរជាតិមកជម្រាបជូនសមាជិកបក្សថា ប្រទេសកម្ពុជាកំពុងបោះជំហ៊ានទៅមុខ ដោយប្រទេសធំៗ បានទទួលស្គាល់និងទុកចិត្តពីសុវត្តិភាពល្អ ដោយមានថ្នាំក់ដឹកនាំប្រទេសធំៗទាំងនោះបានមកទស្សនកិច្ច និងស្នាក់នៅដោយសុវត្តិភាពផងដែរ។
បន្ទាប់ពីសំណេះសំណាលចប់គណអធិបតីក៏បានជូនថវិកាកំដរដៃដល់ប្រជាពលរដ្ឋជា សមាជិក សមាជិកាបក្សមកពីឃុំអូរតាគីសរុបទាំងអស់ចំនួន១,១១៤នាក់ ក្នុងម្នាក់ៗទទួលបាន១ម៉ឺនរៀលនិងឧត្ថមជូនទីស្នាការបក្សឃុំសម្រាប់ប្រើប្រាស់ក្នុងការងារផ្សេងៗចំនួន៥០ម៉ឺនរៀលផងដែរ៕
ចំនួនអ្នកទស្សនា
- ថ្ងៃនេះ5191
- ម្សិលមិញ12561
- សប្តាហ៍នេះ33141
- ខែនេះ55021
- ឆ្នាំនេះ55021
- សរុប20497477