ពិធី ប្រកាសទទួលស្គាល់ សមាសភាព ប្រធាន អនុប្រធានក្រុមបក្ស ភូមិទី១ សង្កាត់ជ្រោយចង្វារ
25-April-2016 | ដោយ មែន កំសត់
ភ្នំពេញ៖ នា ព្រឹកថ្ងៃទី ២៤ ខែមេសា ឆ្នាំ២០១៦ នៅគេហដ្ឋាន លោក ម៉ៅ ខេង ស្ថិតនៅភូមិទី១ សង្កាត់ ជ្រោយចង្វារ ខណ្ឌជ្រោយចង្វារ រាជធានីភ្នំពេញមានរៀបចំពិធីសំណេះសំណាល និងប្រកាសទទួលស្គាល់ សមាសភាព ប្រធានអនុប្រធានក្រុមបក្ស ភូមិទី១ ចំនួន ២អនុសាខាបក្សភូមិ ស្មើ នឹង ៥០ ប្រធាន ក្រុមបក្ស ក្រោមអធិបតីភាព ឯកឧត្តម ឡេង ប៊ុនតេង ទីប្រឹក្សាសម្តេចប្រធានព្រឹទ្ធសភា និងជាប្រធានក្រុមការងារចុះជួយ សង្កាត់ ជ្រោយចង្វារ ។
កិច្ចប្រជុំនេះមានវត្តមានចូលរួម គណបក្សខណ្ឌ ក្រុមការងារ ចុះជួយខណ្ឌ សង្កាត់ គណបក្សសង្កាត់ យុវជន សង្កាត់ គណៈកម្មាធិការសាខាបក្សភូមិ និងលោកលោកស្រីជាមន្ត្រីបក្សជាច្រើនរូបផងដែរ។ នាឱកាសនោះ ឯកឧត្តម ឡេង ប៊ុនតេង ទីប្រឹក្សា សម្តេច ប្រធានព្រឹទ្ធសភា និងជាប្រធានក្រុមការងារចុះជួយ សង្កាត់ ជ្រោយចង្វារ បានសំណេះសំណាលទៅកាន់ ក្រុមការងារបក្សគ្រប់លំដាប់ថ្នាក់ប្រកបដោយបរិយាកាសរីករាយ ភាពស្និទ្ធស្នាល និងសាមគ្គីភាព ឯកឧត្តម ក៏បានលើកឡើងផងដែរនូវ សកម្មភាពការងារ និង បានស្នើដល់ក្រុមការងារបង្គោល គណៈពង្រឹង បក្ស ត្រូវបន្តការយកចិត្តទុកដាក់ប្រមូលកម្លាំង សមាជិក អប់រំស្មារតី មេក្រុម និងប្រជាពលរដ្ឋនៅមូលដ្ឋាន ត្រូវ ឲ្យគាត់មានជំនឿលើការដឹកនាំរបស់បក្ស និងគាំទ្រ បោះឆ្នោតជូនបក្សប្រកបដោយភាពជោគជ័យ ហើយថ្នាក់ខណ្ឌ សង្កាត់ នគរបាល មេភូមិ ត្រូវបន្តការបម្រើសេវាសាធារណៈ លើលិខិតស្នាមផ្សេងៗឲ្យបានល្អ ប្រសើរ ពិសេស លើការងារសន្តិសុខសណ្ដាប់នៅក្នុងមូលដ្ឋាន តាមនយោបាយឈ្នះ របស់រាជរដ្ឋាភិបាលដែលមានសម្ដេច តេជោ ហ៊ុន សែន ជាប្រមុខដឹកនាំ។
បន្ទាប់មក ឯកឧត្តម បានធ្វើប្រកាសទទួលស្គាល់ សមាសភាព ប្រធានអនុប្រធានក្រុមបក្ស ភូមិទី១ ចំនួន ២អនុសាខាបក្សភូមិ ស្មើ នឹង ៥០ប្រធានក្រុមបក្សនាពេលនោះផងដែរ៕
ចំនួនអ្នកទស្សនា
- ថ្ងៃនេះ4801
- ម្សិលមិញ10901
- សប្តាហ៍នេះ20181
- ខែនេះ42061
- ឆ្នាំនេះ42061
- សរុប20484517