ក្រុមការងារដឹកនាំដោយឯកឧត្តម នេត សាវឿន នាំមូលនិធិសម្តេចក្រឡាហោម ជូនប្រជាពលរដ្ឋ
09-May-2016 | ដោយ មែន កំសត់
ព្រៃវែង៖ នៅសប្តាហ៍ ក្នុងដើមខែឧសភា ឆ្នាំ២០១៦ កន្លងទៅនេះក្រុមការងារដឹកនាំដោយ ឯកឧត្តម នេត សាវឿន ប្រធានក្រុមការងារចុះពង្រឹងតាមបណ្តាឃុំក្នុងស្រុកស្វាយអន្ទរ និងស្រុកកញ្ជ្រៀច បានសម្រេចការងារមួយចំនួន ទាំងការចែកមូលនិធិសម្តេចក្រឡាហោម ស ខេង ជូនប្រជាពលរដ្ឋផងដែរ។ស្រុកទាំងពីរ ក្រុមការងារបានបញ្ចប់ការចុះដល់ខ្នងផ្ទះធ្វើបច្ចុប្បន្នភាព នឹងត្រៀមប្រជុំបូកសរុបលើកទិសដៅអនុវត្តបន្ត។
ចំណែកការផ្តល់ជូនមូលនិធិមនុស្សធម៌ ស ខេង បានដល់គ្រួសារសម្រាលបុត្រ 8០នាក់ និងឆ្លងទន្លេរ ៣០នាក់ ក្នុងនោះបានជម្រុញអាជ្ញាធរចុះធ្វើអត្តសញ្ញាណប័ណ្ណសញ្ជាតិខ្មែរគំរូថ្មី ដែលនៅសល់។
ដោយឡែកក្រុមការងារតាមបណ្តាឃុំបានចុះត្រួតពិនិត្យផ្លូវលំចូលភូមិ និងអណ្តូងទឹកស្អាតក្នុងនោះនៅឃុំទឹកថ្លាបានផ្តល់អណ្តូងទឹកស្នប់ថ្មី ចំនួន ៦អណ្តូង ព្រមទាំងចេញថវិកាជួសជុលផ្ទះ ១០ខ្នងដែលបណ្តាលមកពីខ្យល់កន្ត្រាក់ និងនៅឃុំត្នោតបានចុះជួសជុលអណ្តូងទឹកមួយចំនួន៕
នៅឃុំព្រាល ស្រុកកញ្ជ្រៀច ក្រុមការងារបានចុះពិនិត្យការជួសជុលសាលាបឋមសិក្សានៅភូមិទួលត្នោត ០១ខ្នង ដែលបានជួសជុលរួច និងបន្តត្រួតពិនិត្យការជួសជុលសាលាបឋមសិក្សាភូមិត្រពាំងទឹម សម្រេច ៩០% ព្រមទាំងឧបត្ថម្ភ តុ-ទូសម្រាប់សិស្សនិងគ្រូដល់សាលាបឋមសិក្សាទាំងពីរកន្លែងផងដែរ៕
ចំនួនអ្នកទស្សនា
- ថ្ងៃនេះ7081
- ម្សិលមិញ10901
- សប្តាហ៍នេះ22461
- ខែនេះ44341
- ឆ្នាំនេះ44341
- សរុប20486797