លោកជំទាវ ជ្រឹង បទុមរង្សី បើក កិច្ចប្រជុំស្តីពីការបូកសរុបលទ្ធផល នយោបាយរបស់គណបក្សក្នុងការអភិវឌ្ឍឆ្នាំ២០១២-២០១៧
17-May-2016 | ដោយ មែន កំសត់
កណ្ដាល៖ នាព្រឹកថ្ងៃទី១៧ខែឧសភា ឆ្នាំ២០១៦នៅ ឃុំកោះអន្លង់ចិន កិច្ចប្រជុំស្តីពីការបូកសរុបលទ្ធផលនៃការអនុវត្តកម្មវិធីនយោបាយរបស់គណបក្សក្នុងការអភិវឌ្ឍឃុំកោះអន្លង់ចិនអណត្តិទី៣ឆ្នាំ២០១២-២០១៧និងលើកទិសដៅអភិវឌ្ឍឃុំសម្រាប់អណត្តិទី៤ ឆ្នាំ២០១៧-២០២២ ក្រោមការដឹកនាំដោយលោកជំទាវ ជ្រឹង បទុមរង្សី ប្រធានក្រុមការងារគណៈពង្រឹងមូលដ្ឋានឃុំកោះអន្លង់ចិន ។
ពិធីនេះមានការចូលរួមនិងទទួលស្វាគមន៍យ៉ាងរាក់ទាក់ពីសំណាក់បងប្អូនពូមីងនៅមូលដ្ឋានឃុំកោះអន្លង់ចិន ក្រុមការងារគណៈពង្រឹងមូលដ្ឋានឃុំ សាខាបក្ស មេក្រុម ប៉ុស្តិ៍នគរបាលរដ្ឋបាលរួមនឹង មន្ត្រីរាជការ ក្នុងស្រុក ឃុំកោះអន្លង់ចិនជាច្រើននាក់ផងដែរ។ ក្រោយពីបានស្ដាប់របាយការណ៍របស់ ប្រធាន គណៈកម្មាធិការបក្សឃុំ លើការគ្រប់គ្រង ការងាររដ្ឋបាលបក្ស សកម្មភាពកាងារយុវជន បក្ស សង្កាត់ ភូមិ សកម្មភាព ចលនានៅក្នុងមូលដ្ឋាន កិច្ចអភិវឌ្ឍន៍ របស់ក្រុមការងារបក្ស គ្រប់លំដាប់ថ្នាក់ និងបញ្ហប្រឈមមួយចំនួន ជម្រាបជូន គណៈអធិបតីនាឱកាសនោះរួចមក ។
ថ្លែងក្នុងឱកាស ប្រជុំ នាពេលនោះលោកជំទាវ ជ្រឹង បទុមរង្សី ប្រធានក្រុមការងារគណៈពង្រឹងមូលដ្ឋានឃុំកោះអន្លង់ចិន បានមានមតិ និងជំរាបជូន សមាជិកបក្សប្រជាជនកម្ពុជានៅមូលដ្ឋានថា គ្មានគណបក្សណាដែលដឹងសុខទុក្ខប្រជាកសិករជាងគណបក្សប្រជាជនកម្ពុជា នោះទេ ព្រោះថ្នាក់នាំកំពូលរួមមានសម្តេចតេជោ ហ៊ុន សែន ក៏បានកើតចេញពីត្រកូលកសិករដូចគ្នាដែរ ហើយគោលនយោបាយដឹកនាំ និងធនធានថ្នាក់ដឹកនាំ គ្រប់ជាន់ថ្នាក់ របស់គណបក្សប្រជាជនកម្ពុជា ល្អជាងលើសមេបក្សដ៏ទៃដាច់ឆ្ងាយគ្រប់យ៉ាង មានសមត្ថភាពគ្រប់គ្រាន់ ហើយមានការគាំទ្រពីប្រជាពលរដ្ឋយ៉ាងច្រើន ។
ដោយសារតែមានមេដឹកនាំដូចសម្តេចតេជោ ហ៊ុន សែន យ៉ាងដូច្នេះ នោះគណបក្សប្រជាជនកម្ពុជានឹងត្រូវបានបន្តឈ្នះឆ្នោត ពេលបោះឆ្នោតឃុំ-សង្កាត់នៅ២០១៧ និងបោះឆ្នោតថ្នាក់ជាតិ ឆ្នាំ២០១៨ ដើម្បីដឹកនាំប្រទេសបន្តការអភិវឌ្ឍន៍ឲ្យកាន់តែរីកចម្រើនថែមទៀត ដូច្នេះក្រុមការងាររម្នាក់ៗត្រូវបង្កើនសកម្មភាព ចុះជួយ ប្រជាពលរដ្ឋកាន់តែខ្លាំងជាងមុន។
លោកជំទាវ បានជម្រាបដល់សមាជិកបក្ស ទាំងអស់ថា ៖ « គណបក្ស ប្រជាជន តែងប្រកាន់ខ្ជាប់នូវ គោលការណ៍ចំបង គឺធ្វើអ្វីៗដើម្បីបម្រើផលប្រយោជន៍និងយកប្រជាជនជាធំ និងដើម្បីប្រទេសជាតិយើង»។ គណបក្សប្រជាជនកម្ពុជា មានមហិច្ឆតាក្នុងការកសាងប្រទេសជាតិយើង ឲ្យរីកច្រើន និងរុងរឿងដើម្បីឲ្យកូនចៅជំនាន់ក្រោយរបស់យើង បានរស់នៅ ក្នុងសុខសន្តិភាពបានយូរអង្វែង ជាពិសេសដើម្បី ធ្វើឲ្យប្រទេសជាតិ យើងអាចធ្វើម្ចាស់ជោគវាសនា របស់ជាតិយើង ដោយខ្លួនឯង ឯករាជ្យ ឯកភាពជាតិតែមួយ ប្រជាធិបតេយ្យ សេរីពហុបក្សនៅកម្ពុជា។
លោកជំទាវ បានស្នើដល់មន្ត្រីគណបក្សមូលដ្ឋានគ្រប់លំដាប់ថ្នាក់ ទាំងអស់ ឱ្យបន្តខិតខំធ្វើអំពើល្អ និងចេះកែលំអរនូវចំណុចខ្វះខាត និងភាពអសកម្មទាំងឡាយកន្លងមក ហើយទុកផលប្រជាយោជន៍ប្រជាពលរដ្ឋជាធំ ដើម្បីបន្តទាក់ទាញនូវ ការគាំទ្រពីសំណាក់ប្រជាជន។ ជាមួយគ្នានេះ ត្រូវយើងបន្តខិតខំបម្រើនិងផ្តល់សេវាសាធារណៈគ្រប់ប្រភេទជូនដល់ ប្រជាជនឱ្យបានល្អ៕ -
ចំនួនអ្នកទស្សនា
- ថ្ងៃនេះ7001
- ម្សិលមិញ10901
- សប្តាហ៍នេះ22381
- ខែនេះ44261
- ឆ្នាំនេះ44261
- សរុប20486717