ឃុំ មហាខ្ញូង ស្រុក កោះសូទិនប្រារព្ធពិធីវិញ្ញាណក្ខ័ន្ធ២០ឧសភា
20-May-2016 | ដោយ មែន កំសត់
កំពង់ចាម៖ នៅព្រឹកថ្ងៃទី២០ខែឧសភាឆ្នាំ២០១៦នៅវត្តរនបុប្ភារាម មហាខ្ញងបានប្រារព្ធពិធីវិញ្ញាណក្ខ័ន្ធ២០ឧសភា នៅឃុំ មហាខ្ញូង ស្រុក កោះសូទិន ក្រោមអធិបតីភាពឯកឧត្តមឈិត គឹយាត សមាជិកព្រឹទ្ធសភា និងឯកឧត្តម ងួនស៊ឹម អាន អ្នកតំណាងរាស្ត្រ មណ្ឌលកំពង់ចាម ។
ពិធីនេះមានការចូលរួម ពីលោក ជាក្រុម ការងារ គណបក្ស គណៈកម្មាធិការ បក្សឃុំ សាខាបក្សភូមិ យុវជន សមាជិកចូលរួមសរុប១៣១នាក់ស្រី៤៦នាក់ផងដែរ។
នាឱកាសនោះឯកឧត្តមឈិត គឹយាត សមាជិកព្រឹទ្ធសភា សមាជិក អចិន្ត្រៃយ៍គណៈកម្មធិការកណ្តាល នៃគណបក្សប្រជាជនកម្ពុជា បានឲ្យដឹងនៅក្នុងពិធីរំលឹកឡើងវិញនូវមហា ឧក្រិដ្ឋកម្ម នៃរបបកម្ពុជាប្រជាធិបតេយ្យប្រល័យពូជសាសន៍ ប៉ុលពត ២០ ឧសភា នៅឃុំមហាខ្ញូង គណបក្ស ប្រជាជនកម្ពុជាបានកំណត់យកថ្ងៃ២០ ឧសភា ដើម្បីធ្វើទិវារំលឹកវិញ្ញាណក្ខន្ធ ដល់ជន ដែលបានបាត់បង់យ៉ាងអយុត្តិធម៌ និងអណោចអធមបំផុត ដោយសារនយោបាយប្រល័យពូជសាសន៍ ដែលពុំធ្លាប់កើតមាននៅក្នុងប្រទេសកម្ពុជា។
ឯកឧត្តមបានបន្តថា នៅក្នុងរបបនោះក្នុងប្រទេសជាពិសេសក្នុងឃុំមហាខ្ញូងគឺជាមូលដ្ឋានបង្អែកយ៉ាងសំខាន់ របស់អ្នកចូលរួមធ្វើបដិវត្តន៍ និងមាន ប្រជាជនអ្នកស្នេហាជាតិជាច្រើន បានចូលរួមតស៊ូយ៉ាងស្វិតស្វាញ ដើម្បីដណ្តើមយកជ័យជម្នះមកវិញ នេះជាការបង្ហាញឲ្យឃើញថា បើគ្មានប្រជាជនចូលរួមនោះទេ កម្ពុជាមិនមានថ្ងៃនេះដែរ ។
បន្ទាប់មក ឯកឧត្តម ងួនស៊ឹម អាន អ្នកតំណាងរាស្ត្រ មណ្ឌលកំពង់ចាមបានបន្តទៀតថា ក្រោយទទួលពីការរំដោះមកគណបក្សប្រជាជនកម្ពុជា តស៊ូអភិវឌ្ឍន៍ ពីបាតដៃទទេរហូតមកដល់ពេលនេះកម្ពុជាមាន សមិទ្ធផលជាច្រើន ក្រោមការអភិវឌ្ឍន៍ឥតឈប់ឈរ ដែលសមិទ្ធផលទាំងអស់នោះ គឺទាមទារឲ្យប្រជាពលរដ្ឋនៅតាមមូលដ្ឋាន មិនថានៅក្នុងស្រុក កោះសូទិន ប៉ុណ្ណោះទេ ជាពិសេសកិច្ចការពារសមិទ្ធផលនានា ដែលបានកើតចេញពីគណបក្សប្រជាជនកម្ពុជា ដែលកំពុងមានការរីកចម្រើនយ៉ាងខ្លាំង មិនថានៅតាមខេត្ត-ក្រុង ឬនៅតាមមូលដ្ឋាននោះឡើយ៕
ចំនួនអ្នកទស្សនា
- ថ្ងៃនេះ1951
- ម្សិលមិញ4561
- សប្តាហ៍នេះ19551
- ខែនេះ12671
- ឆ្នាំនេះ348931
- សរុប19576377