ពិធីសំណេះសំណាល រវាងតំណាងរាស្ត្រមណ្ឌលព្រៃវែង ជាមួយមន្ត្រីរាជការ ស្រុក ស៊ីធរកណ្ដាល
20-June-2016 | ដោយ មែន កំសត់
ព្រៃវេង៖ នៅព្រឹកថ្ងៃទី១៩ ខែ មិថុនា ឆ្នាំ២០១៦ នៅទីស្នាក់ការគណបក្សប្រជាជនកម្ពុជា ស្រុកស៊ីធរកណ្តាល មានរៀបចំពិធីសំណេះសំណាល រវាងតំណាងរាស្ត្រមណ្ឌលព្រៃវែង ជាមួយមន្ត្រីរាជការ ក្រុមប្រឹក្សាស្រុក ក្រុមប្រឹក្សាឃុំ និង មេភូមិ កងកម្លាំងប្រដាប់អាវុធក្រោមអធិបតីភាព ឯក ឧត្តម ឧបនាយករដ្ឋមន្ត្រី ប៊ិន ឈិន ប្រធានអាជ្ញាធរជាតិដោះស្រាយវិវាទដីធ្លីនិងជាប្រធានក្រុមតំណាងរាស្ត្រ ខេត្តព្រៃវែង។
ពិធីសំណេះសំណាល នេះមាន ការអញ្ជើញចូលរួមពីឯក ឧត្តម បណ្ឌិតរដ្ឋ ជាម យៀប ឯក ឧត្តម បណ្ឌិត ប៉ែន បញ្ញា ឯក ឧត្តម សុខ ឥសាន ឯក ឧត្តម អ៊ំ ប៊ុនឡេង មន្ត្រីរាជការស្រុក កងកម្លាំង ប្រដាប់អាវុធ ក្រុមប្រឹក្សាឃុំ មេភូមិ និងមន្ត្រីគណបក្សប្រជាជនស្រុកជាច្រើននាក់សមាសភាពចូលរួមសរុប ៣៣៩នាក់។
ក្រោយពីលោក ម៉ននី បណ្ឌិត អនុប្រធានគណបក្សស្រុក និង ជា អភិបាលស្រុក បានសម្ដែងនូវគារវកិច្ចស្វាគមន៍ និងបានថ្លែងនូវរបាយការណ៍សកម្មភាពការងារ របស់រដ្ឋបាលស្រុក ការងារ គណបក្ស ស្រុក ជម្រាបជូនគណៈអធិបតីរួចមក។
នាឱកាសនោះ ឯក ឧត្តម ឧបនាយករដ្ឋមន្ត្រី ប៊ិន ឈិន ប្រធានអាជ្ញាធរជាតិដោះស្រាយវិវាទដីធ្លីនិងជាប្រធានក្រុមតំណាងរាស្ត្រ ខេត្តព្រៃវែង បានមានមតិសំណេះសំណាលទៅកាន់សមាជិកសមាជិកា មន្ត្រីរាជការស្រុក ឃុំ ភូមិ កងកម្លាំងប្រដាប់អាវុធ ប្រកបដោយភាពរីករាយនិងកក់ក្ដៅបំផុត ។
ឯកឧត្តមបានបន្តផងដែរថា៖ឯកឧត្តម ក៏សូមថ្លែងនូវការកោតសរសើរចំពោះ អាជ្ញាធរ ស្រុក ឃុំ ភូមិ និង ក្រុមការងារបក្សគ្រប់ជាន់ថ្នាក់ ដែលបានខិតខំប្រឹងប្រែង អភិវឌ្ឍន៍ចូលរួមកិច្ចការសង្គម ជាតិ ទាំងការងាររដ្ឋបាលដែនដី និងការងារ ដឹកនាំក្បាលម៉ាស៊ីនបក្ស ប្រកបដោយភាពទទួលខុសត្រូវខ្ពស់ លើគ្រប់វិស័យ ក្រោមកិច្ចដឹកនាំរបស់ សម្ដេច តេជោ ហ៊ុន សែន ជាប្រមុខ។
ដោយសារតែមានមេដឹកនាំដូចសម្តេចតេជោ ហ៊ុន សែន យ៉ាងដូច្នេះ នោះគណបក្សប្រជាជនកម្ពុជានឹងត្រូវបានបន្តឈ្នះឆ្នោត ពេលបោះឆ្នោតឃុំ-សង្កាត់នៅ២០១៧ និងបោះឆ្នោតថ្នាក់ជាតិ ឆ្នាំ២០១៨ ដើម្បីដឹកនាំប្រទេសបន្តការអភិវឌ្ឍន៍ឲ្យកាន់តែរីកចម្រើនថែមទៀត ដូច្នេះក្រុមការងាររម្នាក់ៗត្រូវបង្កើនសកម្មភាព ចុះជួយ ប្រជាពលរដ្ឋកាន់តែខ្លាំងជាងមុន។ឯកឧត្តមបានបន្តទៀតដែរថា៖ ក្រុមការងារបក្ស ត្រូវតែបន្តការងារស្នូល ការប្រមូលការពង្រឹង ក្រុម ផ្សព្វផ្សាយច្បាប់បទដ្ឋាននានាឲ្យដល់ស្រទាប់មូលដ្ឋាន សហការជួយបង្ការទប់ស្កាត់ បដិវត្តន៍ពណ៌ ការផ្ដិតស្នាមមេដៃ បំផុសចលនាការពាររឿងអាស្រូវមេបក្សស្ដីទីប្រឆាំង ដោយទង្វើខ្លួនឯងខុសដើរចោទគេឯងរករឿង គេចខ្លួនពីដីកាតុលាការដែលធ្វើឲ្យសង្គមចលាចល ដោយសារបក្សខ្លួន ហើយអាជ្ញាធរស្រុក ឃុំ សមត្ថកិច្ចត្រូវខិតខំ បម្រើសេវាសាធារណៈជូនប្រជាពលរដ្ឋឲ្យបានល្អប្រសើរ ។
បន្ទាប់ពីធ្វើការសំណេះសំណាលប្រកបដោយ ភាពកក់ក្ដៅ រួចមក ឯកឧត្តមប្រធានក្រុមការងារ ក៏ បានធ្វើ បានឧបត្ថម្ភ ជូននូវថវិកា មួយចំនួន ដល់ មន្ត្រីគណបក្សស្រុក ឃុំ និង សមាជិក សមាជិកា អ្នកចូលរួម ផងដែរ - ៕
ចំនួនអ្នកទស្សនា
- ថ្ងៃនេះ621
- ម្សិលមិញ3161
- សប្តាហ៍នេះ18041
- ខែនេះ70941
- ឆ្នាំនេះ325881
- សរុប19553327