លោក សុខ ឥសាន​៖ សំឡេង​នាំមុខ របស់​គណបក្ស​ប្រជាជន​កម្ពុជា លើ​គណបក្សប្រឆាំង ឆ្លុះបញ្ចាំង​ឲ្យ​ឃើញថា គណបក្ស​ប្រជាជន​កម្ពុជា នៅតែមាន​ឧត្តមភាព នៃ​ការគាំទ្រ​ពី​ប្រជាពលរដ្ឋ​

08-June-2017 | ដោយ ពល បញ្ញា


​ភ្នំពេញ​៖ លោក សុខ ឥសាន អ្នកនាំពាក្យ​គណបក្ស​ប្រជាជន​កម្ពុជា បាន​ថ្លែង​ឲ្យ​ដឹង​នៅ​ថ្ងៃទី​៨ ខែមិថុនា ឆ្នាំ​២០១៧​ថា ៖ ចំនួន​សំឡេង​នាំមុខ របស់​គណបក្ស​ប្រជាជន​កម្ពុជា លើ​គណបក្សប្រឆាំង ឆ្លុះបញ្ចាំង​ឲ្យ​ឃើញថា គណបក្ស​ប្រជាជន​កម្ពុជា នៅតែមាន​ឧត្តមភាព នៃ​ការគាំទ្រ​ពី​ប្រជាពលរដ្ឋ  នៅតែមាន​ប្រជាប្រិយភាព ពី​ប្រជាជន​ជា​ម្ចាស់ឆ្នោត​ដដែល ។​ទោះបី​មានការ​ប្រែប្រួល ឡើង​ចុះ​នៃ​ចំនួន​សំលេងឆ្នោត ចាប់តាំងពី​ឆ្នាំ ២០០២ មកដល់​បច្ចុប្បន្ន  គណបក្ស​ប្រជាជន​កម្ពុជា នៅតែមាន​សំឡេង​នាំមុខ គណបក្សប្រឆាំង​រហូត ។


លោក​បញ្ជាក់ថា “​ការប្រែប្រួល​តួលេខ​សំឡេងឆ្នោត និង​ចំនួន​អាសនៈ ជា​រឿង​ធម្មតា នៅក្នុង​ប្រទេស​ដែល​ប្រកាន់ លទ្ធិប្រជាធិបតេយ្យសេរី​ពហុបក្ស​។​

​ជាមួយគ្នា​នោះដែរ លោក សុខ ឥសាន បានស្នើ​ដល់​អ្នកវិភាគ​បើ​យល់ថា គណបក្ស​ប្រជាជន​កម្ពុជា ចុះខ្សោយ ហើយ​នោះ​ជា​ឱកាស ល្អ​ដែល​អស់លោក​គួរតែបង្កើត​គណបក្ស​មួយ ដើម្បី​ប្រកួតប្រជែង​បោះឆ្នោត​ទៅ  ជាការ​ប្រសើរ បើ​ប្រជាជន​គាំទ្រ​អស់លោក អស់លោក​កាន់អំណាច តាម​ការ​ឈ្នះឆ្នោត​នោះ​ទៅ ។ នេះហើយ ហៅថា លទ្ធិប្រជាធិបតេយ្យ​នោះ មិនបាច់​និយាយ​បន្លំ បោកប្រាស់​ប្រជាជន​ដោយ លំអៀង​នយោបាយ​ទេ ៕ ដោយ លាង ម៉េងឡា


 


ចំនួនអ្នកទស្សនា

    19474877

  • ថ្ងៃនេះ431
  • ម្សិលមិញ2971
  • សប្តាហ៍នេះ11581
  • ខែនេះ70021
  • ឆ្នាំនេះ247431
  • សរុប19474877