ឯកឧត្តម បណ្ឌិត លី ឆេង ៖ គណបក្ស ប្រជាជន​កម្ពុជា តែ​១ គត់ ដែល​នាំមក​នូវ សុខសន្តិភាព និង ការអភិវឌ្ឍន៍ គ្រប់​វិស័យ​

10-June-2018 | ដោយ ពល បញ្ញា


ភ្នំពេញ៖ ​ថ្លែង​ក្នុង​ពិធី សំណេះសំណាល​លើក​ទី​ ២ ជាមួយ​បងប្អូន​ប្រជាជន ដែល​រស់នៅ​ក្នុងភូមិ​ហារ និង ភូមិ​ស្វាយ​មាន​លក្ខណ៍ សង្កាត់​ស្ពានថ្ម ខណ្ឌដង្កោ រាជធានី​ភ្នំពេញ ដែល​បាន​ប្រព្រឹត្តទៅ​ នា​ថ្ងៃអាទិត្យ ១២​រោច ខែជេស្ឋ ឆ្នាំច សំរឹទ្ធិស័ក ព​.​ស​.២៥៦២ ត្រូវ​នឹង​ថ្ងៃទី​១០ ខែមិថុនា ឆ្នាំ​២០១៨ ។

​ឯកឧត្តម បណ្ឌិត លី ឆេង អ្នកតំណាងរាស្ត្រ មណ្ឌល​ភ្នំពេញ និង​ជា ប្រធាន​ក្រុមការងារ ចុះជួយ សង្កាត់​ស្ពានថ្ម បានលើកឡើង​ពី​ស្នាដៃ​ដ៏​មហិមារ​ដែល​គណបក្ស​ប្រជាជន​កម្ពុជា បាន​រំដោះប្រទេស និង ពន្លត់ភ្លើង​សង្គ្រាម​ទាំងស្រុង ក្រោម​យុទ្ធសាស្ត្រ ឈ្នះ ឈ្នះ របស់ សម្តេច​អគ្គមហាសេនាបតី​តេ​ជោ ហ៊ុន សែន ដែល​បាន​លះបង់ សាច់​ស្រស់ ឈាម​ស្រស់ ដើម្បី​ស្វែងរក​សុខសន្តិភាព ជូន​សង្គមជាតិ​ទាំងមូល និង​បានលើកឡើង​ពី សមិទ្ធិផល​ធំៗ​ជាច្រើន ដែល​បាន និង កំពុង​កើតឡើង​ក្នុងសម័យ​សន្តិភាព​នេះ​។​

​អង្គពិធី​ទាំងមូល មាន​ស្មារតី​រីករាយ និង​កាន់​តែមាន​ជំនឿ​ចិត្ត ព្រមទាំង​ប្តេជ្ញា​បោះឆ្នោត​ជូន​គណបក្ស​ប្រជាជន​កម្ពុជា គាំទ្រ​សម្តេច​អគ្គមហាសេនាបតី​តេ​ជោ ហ៊ុន សែន ជា​នាយករដ្ឋមន្ត្រី ដឹកនាំ​ប្រទេស បន្តទៅទៀត​៕ ដោយ លាង ម៉េងឡា

ចំនួនអ្នកទស្សនា

    19474947

  • ថ្ងៃនេះ501
  • ម្សិលមិញ2971
  • សប្តាហ៍នេះ11651
  • ខែនេះ70091
  • ឆ្នាំនេះ247501
  • សរុប19474947