​មាន​តួនាទី ជា​មេ បញ្ជា​ការរង វរៈ​ព្រំដែន លេខ​២០៤ ប្រចាំ​ភូមិ ត្រពាំង​ស្រែ ស្រុក ត្រពាំង​ស្រែ ស្រុក​ស្នួល ខេត្តក្រចេះ អ្នកណា ក៏​ល្បីឈ្មោះ គង់ ក្រឹ​ង ប្រើ​អំណាច នាំ​ឈើ ប្រណិត ចេញទៅ ស្រុក​យួន រាប់​ឆ្នាំ មកហើយ ។ ទោះបី ប្រមុខ​រាជ រដ្ឋាភិបាល ចេញ​បទ បញ្ជា​ឲ្យ កម្លាំង សមត្ថកិច្ច សហការ ជាមួយ អាជ្ញាធរខេត្ត ទប់ស្កាត់ បទល្មើស នាំ​ប្រភេទ ឈើប្រណិត ឆ្លងដែន ទៅ​ស្រុក​យួន យ៉ាងណា ក៏ដោយ ប៉ុន្តែ សកម្មភាព ដឹកជញ្ជូន ឈើប្រណិត របស់លោក គង់ ក្រឹ​ង នៅតែ​បន្ត ដោយ​ពុំ គោរព​តាម បទបញ្ជា លោកនាយក រដ្ឋមន្ត្រី នោះឡើយ ។

​
​ជាក់ស្ដែង នៅ​ថ្ងៃទី​២២ ខែវិច្ឆិកា ឆ្នាំ​២០១៦ អ្នកយក ព័ត៌មាន​ជាតិ បាន​សង្កេត ឃើញ​ម៉ូតូ រាប់សិប​គ្រឿង ដឹកឈើ ប្រណិត ដែល​គេ ដឹងថា​ជា ឈើ​លោក គង់ ក្រឹ​ង ។ ការប្រើ មធ្យោបាយ ដឹកជញ្ជូន ឈើប្រណិត ពី​រថយន្ត មក​ដឹក តាម​ម៉ូតូ របស់លោក គង់ ក្រឹ​ង គឺ​ដើម្បី គេចចេញ ពី​ការ ទទួល ខុសត្រូវ របស់ខ្លួន តែប៉ុណ្ណោះ ប៉ុន្តែ​ការពិត ត្រូវបាន គេ​ដឹង​យ៉ាង ច្បាស់​ថា គឺជា​ឈើ ដែល​ពួក ម៉ូតូ​ស៊ីឈ្នួល ដឹក​ឲ្យ​លោក គង់ ក្រឹ​ង តែប៉ុណ្ណោះ ។​

​ម្យ៉ាងវិញទៀត ឈើប្រណិត ដែល​ដឹក តាម​ម៉ូតូ ក្នុង​មួយថ្ងៃៗ មិនតិចជាង ១០០​គ្រឿង ទេ​ដែល ឆ្លងកាត់ វីរៈ​ព្រំដែន លេខ​២០៤ បាន​ដោយ សុ​វត្ថ​ភាព ត្រូវបាន មជ្ឈដ្ឋាន ទូទៅ​ពិតជា អាច​សន្ម​ត់ បាន​យ៉ាង ច្បាស់​ថា គឺមាន ការពាក់ព័ន្ធ ជាមួយ អំណាច លោក​គង់ ក្រឹ​ង ដោយ​មិន អាច​ប្រកែក បានឡើយ ទោះបី​មាន ការប្រើ មធ្យោបាយ ដឹកជញ្ជូន ពី​រថយន្ត មក​ដឹក​តាម ម៉ូតូ​ដើម្បី បំភ័ន្ដ​ភ្នែក សមត្ថកិច្ច ជំនាញ យ៉ាងណា ក៏ដោយ ៕

​