លោក ចាន់ វាសនា ៖ ការដុត​កម្ទេចចោល​ទំនិញ​ខូច​គុណ​ភា ក្នុង​គោលបំណង​ការពារ ផលប្រយោជន៍ និង​សុខភាព​អ្នកប្រើប្រាស់​

20-December-2016 | ដោយ ពល បញ្ញា


មណ្ឌលគិរីៈ ទំនិញ​ខូចគុណភាព និង ហួស​កាល​បរិ​ច្ចេ​ទ​នៃ​ការប្រើប្រាស់​ចំនួន​ជាង ២០០​គីឡូក្រាម ត្រូវបាន មន្ត្រី​សាខា​កាំកុងត្រូល​ខេត្តមណ្ឌលគិរី សហការ​ជាមួយ​មន្ទីរ​ពាណិជ្ជកម្ម​ខេត្ត និង នគរបាល​ប្រឆាំង បទល្មើស​សេដ្ឋកិច្ច​ខេត្ត បានធ្វើការ​ដកហូតយក មក​កំទេចចោល នៅ​ការិយាល័យ​ពាណិជ្ជកម្ម ស្រុក​ពេជ្រ​ដា នៅ​ព្រឹក​ថ្ងៃទី​១៩​ខែធ្នូ ឆ្នាំ​២០១៦​។​
​លោក ចាន់ វាសនា ប្រធាន​សាខា​កាំកុងត្រូល​ខេត្ត​បាន​មាន ប្រសាសន៍ថា ការចុះ​ត្រួត ពិនិត្យ ទំនិញ​វេច​ខ្ចប់​ស្រាប់ ភេសជ្ជៈ​និង​ចំនីអាហារ​នៅតាម​ផ្ទះ​លក់​ចាប​ហ៊ួ​យ គឺធ្វើឡើង​ដើម្បី ពិនិត្យ​គុណភាព សុ​វត្តិភាព ទំនិញ​គ្មាន​អន​ម័​យ និង ទំនិញ​គ្មាន​សុវត្ថិភាព​ត្រឹមត្រូវ​ដើម្បី​ដុត​កំទេចចោល ក្នុង​គោលបំណង​ការពារ ផលប្រយោជន៍ និង​សុខភាព​អ្នកប្រើប្រាស់ ។​


​តាម​ការត្រួតពិនិត្យ​នេះ​ផងដែរ បាន​រកឃើញ​ទំនិញ​មួយចំនួន ហួស​កាល​បរិ​ច្ចេ​ទ​នៃ​ការប្រើប្រាស់ ខូចគុណភាព និង គ្មាន​អនាម័យ រួមមានៈ ទឹកក្រូច​ចំរុះ​ចំណុះ​២​លីត្រ ចំនួន​៤៤​ដប ស្មើនឹង​៨៨​គីឡូក្រាម ទឹកម្ទេស​ម៉ាក (RIMLONG) ចំនួន​១០៥​ដប ស្មើនឹង​១៩​គីឡូក្រាម ទឹកត្រី​ម៉ាក (VINH KHANG) ចំនួន​៣០​ដប ស្មើនឹង​៣០​គីឡូក្រាម នំ​ស្រួយ​ម៉ាក​លី​លី និង សា​គី​រ៉ា ចំនួន ១៥​គីឡូក្រាម មី​កញ្ចប់​ចំរុះ (​វៀតណាម​និង​ថៃ​) ចំនួន​៦០​គីឡូក្រាម​។ ទន្ទឹមនឹងនោះ ដែរ​លោក​ក៏បាន​ធ្វើតេស្ត​រក​សារធាតុ​គីមី (Borax) លើ​មុខទំនិញ​ដូចជា សាច់​ត្រីងៀត នំ​បញ្ចុក បាញ់​ស៊ុ​ង គុយទាវ​ឆា ជា​លទ្ធផល​ពុំ​ឃើញ​មាន​សារធាតុ (Borax) នៅក្នុង​ទំនិញ​ទាំង​នោះទេ​។​


​ការចុះ​ត្រួតពិនិត្យ​នេះដែរ លោក ចាន់ វាសនា ប្រធាន​សាខា​កាំកុងត្រូល​ខេត្ត​ក៏បាន​ធ្វើការ​ណែនាំ ដល់​អាជីវករ ពាណិជ្ជករ​ឲ្យ​យល់ដឹង និង មានការ​ប្រុងប្រយ័ត្ន ជៀសវាង​ការដាក់​តាំង​លក់ទំនិញ​ហួស​កាលបរិច្ឆេទ​ប្រើប្រាស់ ដូចជា កំប៉ុង​កំពិត ប៉ោង ច្រេះ​ស៊ី ទំនិញ​ដែលមាន​សារធាតុ​គីមី​ហាមឃាត់ និង ការរៀបចំ​ទំនិញ​លក់ដូរ​ទុក ឲ្យ​មាន​សណ្តាប់ធ្នាប់​ទៅតាម​ប្រភេទ​ទំនិញ ទំនិញ​ហូបចុក​ទំនិញប្រើប្រាស់​ផ្សេងៗ​ដាច់ដោយឡែកៗ​ពីគ្នា និង​បាន​បិទ​រូបភាព ដែល​រៀបចំ​ដោយ​អគ្គនាយកដ្ឋាន​កាំ​ង​កុងត្រូល ស្តីពី សូម​ពិចារណា​មុននឹង ជ្រើសរើស ផលិតផល ម្ហូប​អារ​ហារ ណាមួយ​មក​បរិភោគ ជូន​ដល់​អ្នកលក់ដូរ និង អ្នកប្រើប្រាស់ អោយបាន​យល់ ដឹង​ពី​រូបភាព​ជាបឋម នូវ​ទំនិញ​ណា​ដែល​គួរប្រើ និង​ទំនិញ​ណា​មិនគួរ​ប្រើប្រាស់ ៕

ចំនួនអ្នកទស្សនា

    19473617

  • ថ្ងៃនេះ2151
  • ម្សិលមិញ2601
  • សប្តាហ៍នេះ10321
  • ខែនេះ68761
  • ឆ្នាំនេះ246171
  • សរុប19473617