Mate S ធ្លាយ​តម្លៃ​មិន​ក្រោម ៦០០ ដុល្លារ​អាច​មក​ដល់​ទីផ្សារ​ស្រុក​ខ្មែរ​នៅ​ខែ​តុលា​នេះ

06-September-2015 | ដោយ Admin

បន្ទាប់​បី​ប្រកាស​ពី​ទីក្រុង Berlin ប្រទេស​អាល្លឺម៉ង់​កាល​ពី​ប៉ុន្មាន​ថ្ងៃ​មុន​នេះ Mate S ត្រូវ​បាន​ប្រភព​ពី​ក្រុមហ៊ុន​ក្នុង​ស្រុក​អះអាង​ថា អាច​មក​ដល់​ទីផ្សារ​ប្រទេស​កម្ពុជា​ក្នុង​អំឡុង​ខែ​តុលា​ជាមួយ​តម្លៃ​លក់​​ចន្លោះ​ពី ៦០០ ដុល្លារ ទៅ ៦៦០ ដុល្លារ។
Mate S ត្រូវ​បាន​ក្រុមហ៊ុន Huawei បាន​ដាក់​បង្ហាញ​ក្នុង​ព្រឹត្តិការណ៍ IFA ប្រទេស​អាល្លឺម៉ង់​ជាមួយ​ការ​អះអាង​ក្នុង​ការ​នាំ​បច្ចេកវិទ្យា​​ Force Touch ជា​បច្ចេកវិទ្យា​ដំបូង​ដែល​បំពាក់​នៅ​លើ​ស៊េរី​ទូរសព្ទ​ដៃ​ទំនើប។
បើ​យោង​តាម​បុគ្គលិក​ជាន់​ខ្ពស់​ក្រុមហ៊ុន Huawei ប្រចាំ​ប្រទេស​កម្ពុជា​ប្រាប់​ថា Mate S នឹង​មក​ដល់​ទីផ្សារ​ប្រទេស​កម្ពុជា​នៅ​អំឡុង​ខែ​តុលា ​ដែល​តម្លៃ​ចន្លោះ​ពី ៦០០ ដុល្លារ​ទៅ ៦៦០ ដុល្លារ។
ជាមួយ​តម្លៃ​លក់​នេះ​ បុគ្គលិក​រូប​នេះ​បញ្ជាក់​ថា​ក៏​ជា​ការ​បារម្ភ​មួយ​ដែរ​សម្រាប់​ការ​ប្រកួតប្រជែង​លើ​ទីផ្សារ ។
ការ​ចេញ​លក់ Mate S ស្រប​ពេល​គ្នា​ដែល​ក្រុមហ៊ុន Apple ក៏​គ្រោង​ប្រកាស​បង្ហាញ iPhone ជំនាន់​ថ្មី​នៅ​អំឡុង​ខែ​កញ្ញា​នេះ ដែល​អាច​ប្រជែង​ទូរសព្ទ​ស៊េរី​ថ្មី​នេះ។
Mate S រចនា​ឡើង​ដោយ​បំពាក់​​​​​អេក្រង់​ទំហំ ៥,៥ អ៊ីញ ប្រភេទ​​ AMOLED ។ Mate S ​បាន​ Upgrade ​បន្ថែម​ទៅ​លើ​​បច្ចេកវិទ្យា​ស្គែន​ក្រយៅ​ដៃ​ និង​​ ​”Knuckle Sense” រួម​ទាំង​បច្ចេកវិទ្យា Light Painting ដែល​មាន​បំពាក់​នៅ​លើ​ទូរសព្ទ P8។

ចំនួនអ្នកទស្សនា

    19476867

  • ថ្ងៃនេះ2421
  • ម្សិលមិញ2971
  • សប្តាហ៍នេះ13571
  • ខែនេះ72011
  • ឆ្នាំនេះ249421
  • សរុប19476867