សម្តេចវិបុលសេនាភក្តី សាយ ឈុំ អនុញ្ញាតអោយគណៈប្រតិភូ (អាយភីយូ) ចូលជួបសម្តែងការគួសម
16-February-2016 | ដោយ មែន កំសត់
ភ្នំពេញ៖ព្រឹកថ្ងៃទី១៥ ខែកុម្ភៈ ឆ្នាំ២០១៦ វេលាម៉ោង ០៩:០០នាទី នៅវិមានព្រឹទ្ធសភា សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា បានអនុញ្ញាតអោយគណៈប្រតិភូ គណៈកម្មាធិការសិទ្ធិមនុស្ស នៃសហភាពអន្តរសភា (អាយភីយូ) ចូលជួបសម្តែងការគួសម។
ជាកិច្ចចាប់ផ្តើម សម្តេចប្រធានព្រឹទ្ធសភា បានមានប្រសាសន៍ស្វាគមន៍ចំពោះដំណើរបំពេញទស្សនកិច្ចការងារ នៅកម្ពុជា របស់គណៈកម្មាធិការសិទ្ធិមនុស្ស នៃសហភាពអន្តរសភា (អាយភីយូ) ព្រមទាំងសង្ឃឹមថា គណៈប្រតិភូនិងសំរេចបានលទ្ធផលជាវិជ្ជមានតាមកម្មវិធីការងារដែលបានគ្រោងទុក។
គណៈប្រតិភូគណៈកម្មាធិការសិទ្ធិមនុស្ស IPU បានសម្តែងការកោតសរសើរ និងវាយតម្លៃ ចំពោះកិច្ចសហប្រតិបត្តិការ របស់កម្ពុជា ក្នុងការងារ និងការគោរពសិទ្ធមនុស្សបានល្អ កន្លងមក។
សម្តេចភក្តី បន្តជម្រាបជូន គណៈប្រតិភូថា កម្ពុជាជាប្រទេសប្រកាន់របបប្រជាធិបតេយ្យ សេរីពហុបក្ស កម្ពុជាទទួលស្គាល់ និងគោរពសិទ្ធិមនុស្សដូចមានចែងក្នុងធម្មនុញ្ញ អង្គការសហប្រជាជាតិ សេចក្តីប្រកាសសកល អំពីសិទ្ធិមនុស្ស និងកាតិកាសញ្ញា ព្រមទាំងអនុសញ្ញាទាំងឡាយ ទាក់ទងទៅនឹង សិទ្ធិមនុស្ស សិទ្ធិនារី និង សិទ្ធិកុមារ។ ប្រជាពលរដ្ឋមានសិទ្ធិបញ្ចេញមតិយោបល់របស់ខ្លួនយ៉ាងពេញលេញ ក្នុងអង្គប្រជុំ ក្នុងវេទិកា
នយោបាយ សារធារណៈ ហើយយកទៅផ្សព្វផ្សាយយ៉ាងទូលំទូឡាយ តាមវិឡុ សារពត៌មាន ជាតិ និងអន្តរជាតិ ( សារពត៌មាន ៧៦០ សារពត៌តាមអនឡាញ ២៤ វិទ្យុនិងទូរទស្សន៍ ២៤០ ...)។ លើសពីនេះទៅទៀត ប្រជាពលរដ្ឋលោកមានយន្តការ ការពារផលប្រយោជន៍ជាច្រើនថែមទៀត ជាក់ស្តែង មានគណបក្សនយោបាយ ៦៥ សមាគម និង អង្គការ ក្រៅរដ្ឋាភិបាលជាង ៥០០០ និង សហជីពមូលដ្ឋាន ៣២១៤ ។
ព្រឹទ្ធសភា រដ្ឋសភា និងរាជរដ្ឋាភិបាល សុទ្ធតែមានគណៈកម្មការសិទ្ធិមនុស្ស ដើម្បីរួមចំណែកការពារ សិទ្ធិសេរីភាព និង ផលប្រយោជន៍ស្របច្បាប់របស់ប្រជាពលរដ្ឋ មិនអោយមានការរំលោភបំពានឡើយ។
រាជរដ្ឋាភិបាលកម្ពុជា តែងតែធ្វើរបាយការណ៍ និងទទួលអនុសាសន៍ស្តីពីបញ្ហាសិទ្ធិមនុស្ស ពីក្រុមប្រឹក្សាសិទ្ធិមនុស្សអង្គការសហប្រជាជាតិ មកដាក់បញ្ជូលក្នុងកម្មវិធីនយោបាយរបស់ខ្លួន សំដៅលើកកម្ពស់ ស្ថានភាពសិទ្ធិមនុស្ស នៅកម្ពុជាឲ្យកាន់តែល្អប្រសើរឡើង៕
ចំនួនអ្នកទស្សនា
- ថ្ងៃនេះ2491
- ម្សិលមិញ3211
- សប្តាហ៍នេះ15521
- ខែនេះ8641
- ឆ្នាំនេះ344901
- សរុប19572347