លោក អ៊ុំ វណ្ណាមន្ត្រីប៉ូលីសសេដ្ឋកិច្ចកំពុងប្រព្រឹត្តអំពើពុករលួយ
01-March-2016 | ដោយ មែន កំសត់
ភ្នំពេញ៖ មន្ត្រីប៉ូលីសសេដ្ឋកិច្ចតូចតាចបានរិះគន់និងបង្ហើបឲ្យដឹងថាលោក អ៊ុំ វណ្ណាសព្វថៃ្ងនេះកំពុងតែ ក្ដោបក្ដាប់អំណាចនិងការងារផ្ដាច់មុខក្នុង បង្ក្រាបបទល្មើសសេដ្ឋកិច្ច ៥ខេត្ត បានធ្វើឲ្យ អ្នកដែលបានដឹងរឿងនេះ នាំគ្នានិយាយថា មិនគួរថ្នាក់ដឹកនាំ ក្រសួងមហាផ្ទៃ ដែលមានសម្ដេចក្រឡាហោម ឧបនាយករដ្ឋមន្ត្រី ស ខេង ជារដ្ឋមន្ត្រី និង នាយឧត្តមសេនីយ៍ នេត សាវឿន ជាអគ្គស្នងការ នគរបាលជាតិ ព្រមទាំងលោកឧត្តមសេនីយ៍ឯក ចាន់ វ៉ាន់ធឿន ជាប្រធាននៃនាយកដ្ឋាន នគរបាលប្រឆាំង បទល្មើសសេដ្ឋកិច្ច ឲ្យតម្លៃខ្លាំងលើលោក អ៊ុំ វណ្ណា តែម្នាក់ឯងឡើយ ខណៈដែល មន្ត្រីៗប៉ូលិសសេដ្ឋកិច្ច ជាច្រើននាក់ផ្សេងទៀត ដែលនៅគរជើងលើគ្នា និង គ្មានការងារអ្វីធ្វើ ។
សូមរលឹកផងដែរថាកន្លងទៅលោក អ៊ុំ វណ្ណា គ្រប់គ្រងការងារ ៣-៤ រាជធានី/ខេត្ត តែម្នាក់ឯងនោះ បានធ្វើឲ្យកើតមាន បទល្មើសសេដ្ឋកិច្ច មិនតិចទេនៅខេត្តទាំងនោះ ជាពិសេស បទល្មើសព្រៃឈើតែម្ដង។ព្រោះមានមន្ត្រីៗ ប៉ូលិសសេដ្ឋកិច្ច ក្រោមការដឹកនាំ គ្រប់គ្រងដោយលោក អ៊ុំ វណ្ណា តែងតែបានយក តួនាទីរបស់ខ្លួន ទៅប្រព្រឹត្តអំពើពុករលួយ ជាមួយពួកឈ្មួញ ប្រព្រឹត្តបទល្មើស ច្រើនជាងការទៅ បង្ក្រាបទប់ស្កាត់ បទល្មើសសេដ្ឋកិច្ច ។ទង្វើដ៏អសកម្មក៍បានធ្វើឲ្យលោក អ៊ុំ វណ្ណា ក្លាយទៅជាអ្នកមាន ទ្រព្យសម្បត្តិស្ដុកស្ដម្ភ។
ចុះទម្រាំពេលនេះ ថ្នាក់លើឲ្យ អ៊ុំ វណ្ណា គ្រប់គ្រងការងារ ប៉ូលិសសេដ្ឋកិច្ច ៥ ខេត្តម្នាក់ឯងទៀតនោះមិនដឹងជានឹងធ្វើឲ្យ ខេត្តទាំងនោះ កើតមានបទល្មើសសេដ្ឋកិច្ច ជាពិសេស បទល្មើសព្រៃឈើ យ៉ាងណានោះទេ ដើម្បីតែបម្រើផលប្រយោជន៍លោក អ៊ុំ វណ្ណា និងបក្សពួក មួយក្ដាប់តូចតែប៉ណ្ណោះ។ទោះជាយ៉ាងណាបើលោកអ៊ុំ វណ្ណាក្តោបសេដ្ឋកិច្ច៥ខេត្តម្នាក់ ឯងនឹងកើតអំពើពុករលួយកាន់តែខ្លាំងខណៈមន្ត្រីៗប៉ូលិស សេដ្ឋកិច្ចគរជើងគ្នាអត់ការងារ ៕
ចំនួនអ្នកទស្សនា
- ថ្ងៃនេះ7691
- ម្សិលមិញ4461
- សប្តាហ៍នេះ12161
- ខែនេះ34041
- ឆ្នាំនេះ34041
- សរុប20476497