សម្តេចតេជោ ហ៊ុន សែន៖ ភ្លើងសង្គ្រាម ធ្វើអោយ កម្ពុជាបាត់បង់ឱកាសច្រើនណាស់មកហើយ ពលរដ្ឋ ត្រូវរួមគ្នាថែរក្សាសុខសន្តិភាព
19-November-2017 | ដោយ ពល បញ្ញា
(ភ្នំពេញ)៖ នៅព្រឹកថ្ងៃអាទិត្យ ១កើត ខែមិគសិរ ឆ្នាំរកា ព.ស ២៥៦១ ត្រូវថ្ងៃទី១៩ ខែវិច្ឆិកា ឆ្នាំ២០១៧នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅក្នុងជំនួបជាមួយតំណាងកម្មករ កម្មការិនីនៅកោះពេជ្រ បានថ្លែងថា ប្រទេសកម្ពុជា បាត់បង់ឱកាសច្រើនណាស់មកហើយដោយសារតែភ្លើងសង្គ្រាម ពលរដ្ឋ ត្រូវរួមគ្នាថែរក្សាសុខសន្តិភាព ហើយ សម្តេច មិនលើកលែងឲ្យអ្នកចង់បំផ្លាញសន្តិភាព របស់កម្ពុជានោះឡើយ។
សម្តេចតេជោ ហ៊ុន សែន បានបញ្ជាក់ថា មានតែសន្តិភាពនោះទេ ដែលផ្តល់ឱកាសសព្វបែបយ៉ាងទាំងការអភិវឌ្ឍជាតិ កំណើនរោងចក្រ ព្រមទាំងការរស់រៀននៃរបបលទ្ធិប្រជាធិបតេយ្យ សិទ្ធិមនុស្ស និងការបញ្ចេញមតិផងដែរ។
សម្តេចបានបន្ថែមថា ចំណងនៃសន្តិភាព និងការអភិវឌ្ឍមិនអាចកាត់ផ្តាច់ពីគ្នាបាននោះទេ។ ក្នុងន័យនេះសម្តេចតេជោ ហ៊ុន សែន ស្នើដល់កម្មករ កម្មការិនី និងប្រជាពលរដ្ឋនៅទូទាំងប្រទេសត្រូវរួមគ្នាថែរក្សាសុខសន្តិភាពកំពុងគ្របដណ្តប់លើផ្ទៃប្រទេសកម្ពុជានេះ៕
ចំនួនអ្នកទស្សនា
- ថ្ងៃនេះ1601
- ម្សិលមិញ4771
- សប្តាហ៍នេះ6381
- ខែនេះ26451
- ឆ្នាំនេះ362711
- សរុប19590157