កីឡាករកំសត់ខ្លាចាស់ ឡៅ ស៊ីណាត សំពះស្វែងរកជំនួយព្យាបាលរបួសបាក់ជើង
22-January-2016 | ដោយ មួយឡា
ភ្នំពេញ៖ កីឡាករ ឡៅ ស៊ីណាត បានបង្ខំចិត្តរកជំនួយពីសប្បុរសជនដើម្បីព្យាបាលរបួសបាក់ឆ្អឹងជើងខាងឆ្វេងក្រោយដឹងថាខ្លួនមិនអាចឡើងសង្វៀនយ៉ាងហោចណាស់១ឆ្នាំហើយប្រពន្ធក៏ទើបសម្រាលកូន មិនអាចប្រកបការងារបាន។
តាមការរៀបរាប់ កីឡាករខ្លាចាស់ ឡៅ ស៊ីណាត បានឲ្យដឹងថារូបគេមិនអាចឡើងប្រកួតរហូត១ឆ្នាំស្របពេលប្រពន្ធកូនខ្ចី ដូចនេះគ្មានចំណូលចូលគ្រួសារហើយរបួសក៏ត្រូវការថ្នាំព្យាបាលរហូតដល់ជាសះស្បើយ។ ការប្រកាសសុំជំនួយនេះដើម្បីអាចមានលទ្ធភាពទុកសម្រាប់ព្យាបាលរបួស និងផ្គត់ផ្គង់គ្រួសារបន្តិចបន្តួចប៉ុណ្ណោះ។
កីឡាកររូបនេះបាននិយាយថា ៖«ជីវភាពខ្ញុំក្រប្រពន្ធកូនខ្ចីទៀត របួសនេះត្រូវការថ្នាំលេបរយៈពេលយូរពិតណាស់ ខ្ញុំពិបាកណាស់ បើមិនសុំជំនួយ មិនដឹងថាបានប្រាក់ពីណាព្យាបាលបន្តទេ»។ ទន្ទឹមនឹងនោះដែរខាងស្ថានីយទូរទស្សន៍បាយ័ននឹងចេញថ្លៃព្យាបាលទាំងស្រុងរាល់ការចំណាយនៅមន្ទីរពេទ្យ។
ឡៅ ស៊ីណាត បានបញ្ជាក់បន្ថែមថា៖ ខ្លួនបានរងរបួសបាក់ជើងឆ្វេងដោយខុសបច្ចេកទេសមិនបានប្រយ័ត្នក្នុងការប្រកួតប្រដាល់មិត្តភាពអន្តរជាតិកម្ពុជា-ថៃនៅទូរទស្សន៍បាយ័នបឹងស្នោរកាលពីថ្ងៃអាទិត្យ ទី១៧ ខែមករា ឆ្នាំ២០១៦៕
ប្រភព៖ sabay
ចំនួនអ្នកទស្សនា
- ថ្ងៃនេះ4351
- ម្សិលមិញ11441
- សប្តាហ៍នេះ34181
- ខែនេះ149331
- ឆ្នាំនេះ149331
- សរុប20591787