​សម្តេច​ក្រឡាហោម ស ខេង ឧបនាយករដ្ឋមន្ត្រី និង ជា​រដ្ឋមន្ត្រីក្រសួង មហាផ្ទៃ បានធ្វើការ​អំពាវនាវ​នៅថ្ងៃនេះ ដល់​ប្រជាពលរដ្ឋ និង អាជ្ញាធរ​គ្រប់​ជាន់ថ្នាក់ មេត្តា​កុំ​រើសអើង ឬ លាប​ព័ណ៌ បណ្តុះបង្អាប់​គ្នា រវាង​អ្នក​បាន​បោះឆ្នោត និង អ្នក​មិនបាន​បោះឆ្នោត ។​

​សរសេរ​នៅក្នុង​ទំព័រ​ហ្វេ​ស​ប៊ុ​ក​ផ្ទាល់ខ្លួន សម្តេច​ក្រឡាហោម ស ខេង ឧបនាយករដ្ឋមន្ត្រី និង ជា​រដ្ឋមន្ត្រីក្រសួង មហាផ្ទៃ បាន បញ្ចា​ក់ថា​៖ ដំណើរការ​បោះឆ្នោត ជ្រើសតាំង​តំណាងរាស្ត្រ​នីតិកាល​ទី​៦ ឆ្នាំ​២០១៨ កន្លងទៅ នេះ​បានបង្ហាញ​ដល់​ពិភពលោក​ឲ្យ​ឃើញ​ពី​ការចូលរួម​របស់​ប្រជារាស្ត្រ​ខ្មែរ​ច្រើន​កុះករ កងកម្លាំងប្រដាប់អាវុធ សមត្ថកិច្ច អាជ្ញាធរ គ្រប់លំដាប់​ថ្នាក់ និង គណបក្ស នយោបាយ​ទាំងអស់ ដែលមាន​ភាពចាស់ទុំ​ខាង​នយោបាយ បានធ្វើ​ឲ្យ​ដំណើរការ​បោះឆ្នោត ប្រកបដោយ​សុវត្ថិភាព សេរី ត្រឹមត្រូវ និង យុត្តិធម៌ ។​
​