ស្ត្រីខ្មែររងគ្រោះ ៤នាក់ នៅម៉ាឡេស៊ី នឹងមកស្រុកកំណើតវិញនៅថ្ងៃទី ១៧
15-September-2015 | ដោយ dara
ភ្នំពេញ៖ ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ី បានអន្តរាគមន៍ជួយពលការិនីខ្មែរ រងគ្រោះចំនួន ០៤រូប ដែលបានចាញ់បោកមេខ្យល់ នាំយកទៅធ្វើការបម្រើតាមផ្ទះ នៅប្រទេសម៉ាឡេស៊ី ឲ្យបានវិលត្រឡប់មកកម្ពុជាវិញនៅថ្ងៃទី១៧ ខែកញ្ញា ឆ្នាំ២០១៥ខាងមុខ ។
លោក ជុំ សុន្ទរី អ្នកនាំពាក្យ ក្រសួងការបរទេសខ្មែរបានប្រាប់ឲ្យដឹងនៅថ្ងៃទី ១៥ ខែ កញ្ញា ឆ្នាំ ២០១៥ ពលការិនីខ្មែររងគ្រោះទាំង ០៤រូបនោះ នឹងមកដល់អាកាសយានដ្ឋានអន្តរជាតិភ្នំពេញ នៅ ថ្ងៃទី ១៧ ខែ កញ្ញា ឆ្នាំ ២០១៥ វេលាម៉ោង ៧:៣៥ នាទី ព្រឹក តាមជើងយន្តហោះ AK 536 ។
នារីរងគ្រោះទាំង៤នាក់នោះ មានឈ្មោះ ៖ ១- អ៊ូច វីន អាយុ ៣២ឆ្នាំ នៅភូមិដំណាក់ត្រយឹង ឃុំតាកែន ស្រុកឈូក ខេត្តកំពត បានមកស្ថានទូតនៅថ្ងៃទី៣០ ខែសីហា ឆ្នាំ ២០១៥ សុំជួយអោយបានវិលត្រឡប់ មកកម្ពុជាវិញ។ ២- ផេន ឆុន អាយុ ៤៥ឆ្នាំ នៅភូមិអណ្ដូងច្រោះ ឃុំអំពិល ស្រុកកំពង់សៀម ខេត្ត កំពង់ចាម បានមកស្ថានទូតនៅថ្ងៃទី០៣ ខែកញ្ញា ឆ្នាំ ២០១៥ សុំជួយអោយបាន វិលត្រឡប់មកកម្ពុជាវិញ។ ៣- ទី ជា អាយុ៣៦ឆ្នាំ នៅភូមិឫស្សីក្រាំង ឃុំឫស្សីក្រាំង ស្រុកមោងឫស្សី ខេត្ត បាត់ដំបង បានមកស្ថានទូតនៅថ្ងៃទី០៧ ខែកញ្ញា ឆ្នាំ ២០១៥ សុំជួយអោយ បានវិលត្រឡប់មកកម្ពុជាវិញ។ ៤- ឡាប ខទីជះ អាយុ១៦ឆ្នាំ នៅភូមិច័ន្ទនិមិត្ត ឃុំរកាពរប្រាំ ស្រុកត្បូងឃ្មុំ ខេត្តត្បូងឃ្មុំ បានមកស្ថានទូតនៅថ្ងៃទី០៩ ខែកញ្ញា ឆ្នាំ ២០១៥ សុំជួយអោយ បានវិលត្រឡប់មកកម្ពុជាវិញ។
ចំពោះនាង ឡាប ខទីជះ ស្ថានទូតម្ពុជា បានជួយចេញថ្លៃបង់ពិន័យឲ្យរដ្ឋាភិបាល ម៉ាឡេស៊ី និងទិញសំបុត្រហោះឲ្យ ដោយឳពុកម្តាយរបស់នាងពុំមានលទ្ធភាព។
ក្នុងកំឡុងពេលរង់ចាំការត្រឡប់មកកម្ពុជាវិញ ស្ថានទូតបានផ្ដល់កន្លែងស្នាក់នៅ ហូបចុក និងចេញលិខិតធ្វើដំណើរបណ្ដោះអាសន្នឲ្យពលការិនីទាំង០៤រូបនេះ៕
ចំនួនអ្នកទស្សនា
- ថ្ងៃនេះ311
- ម្សិលមិញ2661
- សប្តាហ៍នេះ4941
- ខែនេះ57841
- ឆ្នាំនេះ312781
- សរុប19540227