បង្ក្រាបអ្នកប្រើប្រាស់គ្រឿងញៀន ៦នាក់ ក្នុងនោះមាន លោកសង្ឃ២អង្គ ផងដែរ
28-September-2015 | ដោយ dara
កំពត៖ ជនសង្ស័យអ្នកប្រើប្រាស់ គ្រឿងញៀន០៦នាក់ រួមនឹងវត្ថុតាង ត្រូវបានកម្លាំង របស់នគរបាល ប៉ុស្តិ៍មូលដ្ឋានឃុំដំបូកខ្ពស់ ចុះល្បាតយប់ ឈានទៅបង្ក្រាបបាន កាលពីវេលាម៉ោង១២និង១០នាទី រំលងអាធ្រាត្រ ថ្ងៃទី២៦ ឈានចូលថ្ងៃទី២៧ ខែកញ្ញា ឆ្នាំ២០១៥ ចំណុចជើងភ្នំច្រកសៀម ស្ថិតក្នុងភូមិ ត្រពាំងរុន ឃុំដំបូកខ្ពស់ ស្រុកអង្គរជ័យ ខេត្តកំពត។
មន្ត្រីនគរបាលស្រុកអង្គរជ័យ បានប្រាប់មជ្ឈមណ្ឌលព័ត៌មានដើមអម្ពិល ឲ្យដឹងថា ជនសង្ស័យទាំង ៦នាក់ ទី១-ឈ្មោះយ៉ុង ណា ភេទប្រុស អាយុ២០ឆ្នាំ រស់នៅខេត្តកំពង់ស្ពឺ, ទី២-ឈ្មោះ តែម នេន ភេទប្រុស អាយុ១៩ឆ្នាំ រស់នៅភូមិត្រពាំងកំណប់ ឃុំដំបូកខ្ពស់ ស្រុកអង្គរជ័យ ខេត្តកំពត,ទី៣-ឈ្មោះផែង វ៉ួន ភេទប្រុស អាយុ១៩ឆ្នាំ រស់នៅភូមិត្រពាំងកំណប់ ឃុំដំបូកខ្ពស់ ស្រុកអង្គរជ័យ ខេត្តកំពត,ទី៤-ឈ្មោះមិត្ត ណាង ភេទប្រុស អាយុ៣៣ឆ្នាំ រស់នៅភូមិចាក់ជ្រុំ ឃុំដំបូកខ្ពស់ ស្រុកអង្គរជ័យ ខេត្តកំពត,ទី៥-ឈ្មោះម៉ុន មាស ភេទប្រុស អាយុ១៨ឆ្នាំ មុខរបរជា ព្រះសង្ឃ បួសនៅវត្តត្រពាំងត្រគៀត ក្នុងឃុំវត្តអង្គខាងជើង ស្រុកអង្គរជ័យ ខេត្តកំពត និងទី៦-ឈ្មោះ ម៉ុន ពៅ ភេទប្រុស អាយុ១៥ឆ្នាំ ជាព្រះសង្ឃគង់នៅវត្តត្រពាំងត្រគៀត ដូចគ្នាដែរ។
មន្ត្រីនគរបាលរូបនេះឲ្យដឹងទៀតថា ចំពោះជនសង្ស័យជាព្រះសង្ឃ ២អង្គនេះ មុនចេញពីវត្តទៅ សេពថ្នាំញៀនជាមួយជនសង្ស័យ៤នាក់ផ្សេងទៀតនោះ គឺបានដោះស្បង់ជីពរចេញ ហើយស្លៀកពាក់ ខោអាវធម្មតាចេញពីវត្ត។
មន្ត្រីនគរបាលដដែលបន្តថា ខណៈកម្លាំងនគរបាលមូលដ្ឋាន បានចុះល្បាតតាមចំណុច ជើងភ្នំច្រក សៀមខាងលើ ក៏ប្រទះឃើញម៉ូតូ ០២គ្រឿង ហើយកម្លាំងមានការសង្ស័យ ក៏ឃាត់ហើយឆែកឆេរ រកឃើញថ្នាំញៀនប្រភេទម៉ាទឹកកក ចំនួន២កញ្ចប់តូច បន្ទាប់មកក៏ឈានទៅធ្វើការឃាត់ខ្លួន បាននូវជនសង្ស័យទាំង៦នាក់ខាងលើ នាំយកមកសាកសួរនៅឯអធិការដ្ឋាន នគរបាលស្រុកអង្គរជ័យ ដើម្បីឈានទៅចាត់ការតាមនីតិវិធីច្បាប់៕
ចំនួនអ្នកទស្សនា
- ថ្ងៃនេះ2211
- ម្សិលមិញ3121
- សប្តាហ៍នេះ15201
- ខែនេះ49981
- ឆ្នាំនេះ304921
- សរុប19532367