ស្លាប់ រងរបួសធ្ងន់ស្រាល ២៣នាក់ ក្នុងគ្រោះថ្នាក់ចរាចរណ៍ថ្ងៃទី៣ ខែធ្នូ
04-December-2015 | ដោយ ពល រាជសី
ភ្នំពេញ៖ មនុស្ស ២៣នាក់ ក្នុងនោះ៦នាក់បានស្លាប់ ១៤នាក់រងរបួសធ្ងន់ និង៣នាក់រងរបួសស្រាល ក្នុងគ្រោះថ្នាក់ចរាចរណ៍ ទាំងប្រទេសចំនួន៨លើក (យប់៣លើក) នៅថ្ងៃទី៣ ខែធ្នូ ឆ្នាំ២០១៥ម្សិលមិញ នេះបើតាមរបាយការណ៍គ្រោះថ្នាក់ចរាចរណ៍ របស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ។
របាយការណ៍ប៉ូលីសបានឲ្យដឹងថា ក្នុងគ្រោះថ្នាក់ចរាចរណ៍ទាំង៨លើកនេះ បានបង្កឲ្យខូចខាតម៉ូតូចំនួន១០គ្រឿង, រថយន្តធុនតូច២គ្រឿង, រថយន្តធុនធំ១គ្រឿង ហើយមូលហេតុដែលបណ្តាល ឲ្យមានគ្រោះថ្នាក់រួមមាន ល្មើសល្បឿន២លើក, បត់គ្រោះថ្នាក់១នាក់, មិនប្រកាន់ស្តាំ១លើក, ស្រវឹង២លើក, មិនគោរពសិទ្ធិ១លើក ក្នុងនោះអ្នកមិនពាក់មួក ពេលគ្រោះថ្នាក់មាន ១៨នាក់(យប់១០នាក់) ។
ជាមួយគ្នានេះដែរ កម្លាំងនគរបាលចរាចរណ៍ បានធ្វើការផាកពិន័យរថយន្តសរុបចំនួន១,២៤៨គ្រឿង (រថយន្តធំ ៧៣០គ្រឿង) ស្មើនឹង១,២៦៥ករណី, ល្មើសក្រដាសស្នាមមាន ៧០៨គ្រឿង ស្មើនឹង ៧០៦ករណី, ចំពោះករណីល្មើសបច្ចេកទេស ៥៤២គ្រឿង ស្មើនឹង ៥៥៩ករណី ដោយឡែកម៉ូតូត្រូវបានពិន័យសរុបចំនួន ៩៨២គ្រឿង៕(រូបភាពឯកសារ)
ចំនួនអ្នកទស្សនា
- ថ្ងៃនេះ6451
- ម្សិលមិញ12561
- សប្តាហ៍នេះ34401
- ខែនេះ56281
- ឆ្នាំនេះ56281
- សរុប20498737