ថ្ងៃទី៤ នៃការអនុវត្តច្បាប់ថ្មី ៖ មនុស្សស្លាប់ រងរបួសធ្ងន់ស្រាល ៤៥នាក់ ដោយសារគ្រោះថ្នាក់ និងចាប់បានយានយន្តជាង ៨ពាន់គ្រឿង/ថ្ងៃ(Video)
05-January-2016 | ដោយ ពល រាជសី
ភ្នំពេញ៖ នាយកដ្ឋានសណ្តាប់ធ្នាប់ចរាចរណ៍ បានឲ្យដឹងថា គ្រោះថ្នាក់ចរាចរណ៍នៅទូទាំងប្រទេស នៅថ្ងៃទី៤ ខែមករា ឆ្នាំ២០១៦ម្សិលមិញនេះ មានចំនួន ១២លើក (យប់ ៣លើក ) បណ្តាលឲ្យមនុស្សស្លាប់៦នាក់ (ស្រី០៣នាក់) របួសធ្ងន់១១នាក់ (ស្រី០២នាក់) និងរបួសស្រាល២៨នាក់ (ស្រី១៥នាក់) និងមិនពាក់មួកពេលគ្រោះថ្នាក់មាន១០នាក់ (យប់០៣នាក់)។
ក្នុងគ្រោះថ្នាក់ចរាចរណ៍ទាំង១២លើកនេះ បានបង្កឲ្យខូចខាតយានយន្តសរុប២០គ្រឿង ក្នុងនោះមានម៉ូតូចំនួន១០គ្រឿង រថយន្តធុនតូច០៤គ្រឿង រថយន្តធុនធំ០៣គ្រឿង និងយានផ្សេងៗ០៣គ្រឿង ហើយមូលហេតបណ្តាលឲ្យ មានគ្រោះថ្នាក់រួមមាន៖ ល្មើសល្បឿន០៩លើក មិនគោរពសិទ្ធិ០២លើក និងស្រវឹង០១លើក។
សូមបញ្ជាក់ថា នៅថ្ងៃជាមួយគ្នានេះ នាយកដ្ឋានសណ្តាប់ធ្នាប់ចរាចរណ៍ បានបង្ហាញទិន្នន័យយានល្មើសសរុបទូទាំងប្រទេសមាន ៨១៣៩គ្រឿង បានធ្វើការអប់រំមាន ៤៤២២គ្រឿង និងពិន័យសរុប ៣៧១៧គ្រឿង និងបានឃាត់យានទុកមាន១២៧គ្រឿង៕
ចំនួនអ្នកទស្សនា
- ថ្ងៃនេះ14641
- ម្សិលមិញ12561
- សប្តាហ៍នេះ42591
- ខែនេះ64471
- ឆ្នាំនេះ64471
- សរុប20506927