តារាចម្រៀង វណ្ណ មករា ទទួលមរណភាព ដោយសារក្រឡាប់រថយន្ត នៅផ្លូវជាតិលេខ៤ ម្តុំលោកយាយម៉ៅពេជ្រនិល
10-January-2016 | ដោយ ប៊ុនឆាយ
ភ្នំពេញ៖ លោក វណ្ណ មករា តារាចម្រៀង ដែលដើរច្រៀងតាមក្លឹប និងភោជនីយដ្ឋានផងដែរនោះ បានទទួលមរណភាពកាលពីយប់ថ្ងៃទី០៩ខែមករាឆ្នាំ២០១៦ នេះ ដោយសារជួបគ្រោះថ្នាក់ចរាចរណ៍ក្រឡាប់រថយន្តនៅផ្លូវជាតិលេខ៤ ម្តុំលោកយាយម៉ៅ។ នេះបើតាមការបញ្ជាក់របស់លោក អ៊ឹម ជីវ៉ា ដែលជាមិត្តរួមអាជីពនោះ។ លោក អ៊ឹម ជីវ៉ា បានបញ្ជាក់លើ Facebook របស់លោកថា លោក វណ្ណ មករា និងមិត្តភក្តិ ៤រូបទៀត បានជួបគ្រោះថ្នាក់ចរាចរណ៍ ពេល កំពុងកំពុងធ្វើដំណើរពីរាជធានីភ្នំពេញ ទៅទីក្រុងព្រះសីហនុ ក្រោយចេញពីច្រៀងនៅក្លឹបកម្សាន្តមួយ។
លោក អ៊ឹម ជីវ៉ា បានបន្តថា ក្រោយជួបគ្រោះក្រឡាប់រថយន្ត លោក វណ្ណ មករា មិនទាន់ទទួលមរណភាពទេ ហើយត្រូវបានរថយន្តពេទ្យ ជួយដឹកមកសង្គ្រោះ តែជាអកុសលពេលកំពុងដឹកមកសង្គ្រោះ រថយន្តពេទ្យ ក៏ត្រូវក្រឡាប់ទៀត នៅម៉ោងប្រមាណ ៦៖០៥នាទីព្រលប់ថ្ងៃទី០៩ ខែមករា ឆ្នាំ២០១៦ ហើយកៀបលោក វណ្ណ មករា ជាប់ ស្លាប់នៅនិងកន្លែងតែម្តង។
សពរបស់លោក វណ្ណ មករា ត្រូវបានយកមកតម្កល់ធ្វើបុណ្យតាមប្រពៃណី នៅវត្តសន្សំកុសលខណ្ឌមានជ័យ រាជធានីភ្នំពេញ៕
ចំនួនអ្នកទស្សនា
- ថ្ងៃនេះ3651
- ម្សិលមិញ15191
- សប្តាហ៍នេះ46801
- ខែនេះ68681
- ឆ្នាំនេះ68681
- សរុប20511137