បានទូរសព្ទទំនើបថ្មី ប្រពន្ធអប្រិយរត់ចោលប្ដីដែលរស់នៅជាមួយគ្នា១០ឆ្នាំគ្មានស្ដាយស្រណោះ
27-January-2016 | ដោយ មួយឡា
បន្ទាយមានជ័យ៖ ព្រោះតែស្រឡាញ់ប្រពន្ធ សុខចិត្ដរកស៊ីទាំងហូរញើសសន្សំលុយទិញទូរស័ព្ទទំនើបឱ្យប្រពន្ធប្រើប្រាស់ដើម្បីអោយសមនឹងភ្នែកគេ ប៉ុន្ដែផ្ទុយទៅវិញពេលបានទូរស័ព្ទទំនើបប្រើ ប្រពន្ធជាទីស្រឡាញ់បែរជាប្រើប្រព័ន្ធឡាញ (Line) ទៅទំនាក់ទំនងជាមួយសង្សារចាស់រួចហើយដឹកដៃកូនស្រីចុះចោលខ្លួនបាត់។
បុរសជាប្ដីរូបនេះឈ្មោះ ត្រា វង អាយុ៣៧ឆ្នាំ មុខរបរលក់បាយឆា មីឆា តាមរទេះ រស់នៅក្រុងប៉ោយប៉ែត ខេត្ដបន្ទាយមានជ័យ រីឯប្រពន្ធដែលដឹកដៃកូនស្រីចុះចោលប្ដីកម្សត់ទៅស្រវ៉ាយកសង្សារចាស់នោះឈ្មោះ ប្រាក់ ស៊ីណា អាយុ៣៣ឆ្នាំ មានស្រុកកំណើតនៅភូមិ-ឃុំកញ្ចុំ ស្រុកពារាំង ខេត្ដព្រៃវែង។
តាមការរៀបរាប់របស់បុរសជាប្ដីបានឱ្យដឹងថារូបគាត់និងប្រពន្ធបានរៀបការជាមួយគ្នា១០ឆ្នាំមកហើយ រហូតបានកូនស្រីម្នាក់អាយុ៤ឆ្នាំ។ បុរសរូបនេះបានឱ្យដឹងទៀតថានៅព្រឹកថ្ងៃទី២៥ ខែមករា ឆ្នាំ២០១៦ ស្រាប់តែមិនឃើញប្រពន្ធនៅផ្ទះទើបភ្ញាក់ខ្លួនថាប្រពន្ធបានចុះចោលគាត់ដោយយកទ្រព្យសម្បត្ដិនិងកូនស្រីទៅជាមួយ ព្រមទាំងប្រាប់គេឯងថានាងឈប់រស់នៅជាមួយគាត់ទៀតហើយដោយសុខចិត្ដទៅរស់នៅជាមួយអតីតសង្សារនៅឯខេត្ដកំពតឯណោះវិញ។
ក្រោយពេលប្រពន្ធរត់ចោលទើបគាត់ដឹងខ្លួនព្រោះចាប់តាំងពីបានទូរស័ព្ទទំនើបមកប្រើប្រាស់ពេលណា ប្រពន្ធចេះតែរករឿងសុំលែងលះ តែគាត់មិនព្រមនិងចេះតែសួរហេតុផលថាមានរឿងអ្វីបានជាចង់លែងខ្ញុំ? ព្រោះយើងទាំង២មិនដែលមានទំនាស់ជាមួយគ្នានោះទេ លុះពេលប្រពន្ធចុះចោលដូច្នេះទើបគាត់គិតថាទិញទូរស័ព្ទទំនើបឱ្យប្រពន្ធប្រើប្រាស់ប្រៀបដូចជាឱ្យគេឆក់ប្រពន្ធពីបេះដូង៕
ប្រភព៖ tnn-news
ចំនួនអ្នកទស្សនា
- ថ្ងៃនេះ10191
- ម្សិលមិញ15191
- សប្តាហ៍នេះ53341
- ខែនេះ75221
- ឆ្នាំនេះ75221
- សរុប20517677