ខឹងហៅស្រីស្នេហ៍មិនទៅដេកជាមួយខ្លួន, ដកកាំភ្លើងបាញ់មួយគ្រាប់ផ្អើលដល់ សមត្ថកិច្ចទាំងកណ្តាលអាធ្រាត
01-February-2016 | ដោយ ម៉ែន កំសត់
ភ្នំពេញ៖ បុរសម្នាក់ខឹងនិងស្រីស្នេហ៍របស់ខ្លួន ដែលហៅទៅដេកជាមួយមិនទៅបាន, ដកកាំភ្លើងខ្លីពីចង្គេះបាញ់គំរាមមួយគ្រាប់ បង្កជាការភ្ញាក់ផ្អើលដល់ប្រជាពលរដ្ឋ និងសមត្ថកិច្ចទាំងយប់ ហើយហេតុការណ៌បាញ់បង្កជាការភ្ញាក់ផ្អើលនេះបានកើតឡើងនៅខាងជើងវត្តទួលសង្កែ សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ នាម៉ោង១១និង២០នាទីយប់ថ្ងៃទី៣១ ខែមករា ឆ្នាំ២០១៦។
បើយោងតាមសំដីអ្នកដែលបានឃើញហេតុការណ៍បានប្រាប់ថា មុនកើតហេតុគេបានឃើញគូសង្សារមួយគូ បានអង្គុយលើម៉ូតូឈ្លោះគ្នា មួយសន្ទុះលុះក្រោយមកបន្ទាប់ពីឈប់ឈ្លោះគ្នាខាងប្រុសក៏បានហៅនារី ដែលជាសង្សារទៅគេងនៅផ្ទះសំណាក់ជាមួយ តែនារីជាសង្សារបានប្រកែកមិនព្រមទៅ ទើបធ្វើឲ្យបុរសដែលជាសង្សារមានការខឹងសម្បារ ក៏បានដកកាំភ្លើងខ្លីពីចង្គេះបាញ់គំរាមមួយគ្រាប់បង្កជាការភ្ញាក់ផ្អើលតែម្តង ។
សាក្សីបានបន្តទៀតថា បន្ទាប់ពីបាញ់ហើយបុរសជាសង្សារបានជិះម៉ូតូគេចខ្លួន ចេញពីកន្លែងកើតហេតុទៅចោលនារីជាសង្សារ បាត់ស្រមោលដោយ បន្សល់ទុកនៅតែសំបកកាទុស្សមួយគ្រាប់តែប៉ុណ្ណោះ ដើម្បីអោយសមត្ថកិច្ចមើលលេង៕
ចំនួនអ្នកទស្សនា
- ថ្ងៃនេះ1321
- ម្សិលមិញ2891
- សប្តាហ៍នេះ20171
- ខែនេះ66271
- ឆ្នាំនេះ402531
- សរុប19629977