យុវជន២នាក់ បើកឆាកប្រយុទ្ឋកាប់គ្នាផ្អើលក្រុងប៉ោយប៉ែត រឿងដណ្តើមម៉ូយតាក់ស៊ី
02-February-2016 | ដោយ ប៊ុនឆាយ
បន្ទាយមានជ័យ៖ យុវជន២នាក់ ក្រោយពីឈ្លោះប្រកែកគ្នាយ៉ាងតឹងសសៃករ ក៏ឈានដល់ការប្រកួតក្បាច់គុណប្រដាប់ដោយកាំបិត ផ្អើលប្រជាពលរដ្ឋ ទីបញ្ចប់អ្នកឈ្នះគេចខ្លួន អ្នកចាញ់ចូលពេទ្យ។ ករណីនេះកើតឡើងកាលពីវេលារសៀលថ្ងៃទី០១ កុម្ភៈ ឆ្នាំ២០១៦ នៅចំណុចមុខផ្សារ៉ា ស្ថិតក្នុងភូមិ-សង្កាត់ និងក្រុងប៉ោយប៉ែត។
ប្រភពពីអ្នកឃើញហេតុការណ៍ឲ្យដឹងថា មុនកើតហេតុយុវជនទាំង២នាក់បានឈរប្រកែកគ្នាតឹងសរសៃករ រឿងដណ្តើមម៉ូយតាក់ស៊ី លុះក្រោយមកក៏ឈានដល់ស្នៀតកាប់ចាក់ ផ្អើលប្រជាពលរដ្ឋ ទីបញ្ចប់ភាគីម្ខាងត្រូវបានភាគីម្ខាងទៀតកាប់ចំក្បាលហូរឈាមស្រោចខ្លួន រត់ទៅមន្ទីរពេទ្យដោយខ្លួនឯង ចំណែកភាគីបង្កបានរត់គេចខ្លួនបាត់ទាំងស្រមោល ដោយពុំមានការរំខានដល់សមត្ថកិច្ចនោះទេ៕
ប្រភពៈ ann
ចំនួនអ្នកទស្សនា
- ថ្ងៃនេះ10341
- ម្សិលមិញ15191
- សប្តាហ៍នេះ53491
- ខែនេះ75371
- ឆ្នាំនេះ75371
- សរុប20517827