អ្នករកស៊ីលក់ខោអាវនៅផ្សារអូរឫស្សី ចេញពីជប់លៀងបើករថយន្តបុកបង្គោលភ្លើង រងរបួសធ្ងន់ស្រាល៥នាក់
03-February-2016 | ដោយ មែន កំសត់
ភ្នំពេញ៖ មនុស្ស៥នាក់បានរងរបួសធ្ងន់ និងស្រាលនៅក្នុងគ្រោះថ្នាក់ចរាចរណ៌មួយ ដែលបានកើតឡើងនៅម៉ោង១១និង០០នាទីយប់ថ្ងៃទី០២ ខែកុម្ភៈ ឆ្នាំ២០១៦ តាមផ្លូវលេខ២៥៣ ត្រង់មុខសាលាបឋមសិក្សាទឹកល្អក់ ស្ថិតក្នុងសង្កាត់ទឹកល្អក់ទី៣ ខណ្ឌទួលគោក។
បើតាមសំដីនារីដែលរងគ្រោះម្នាក់ ស្ថិតនៅក្នុងហេតុការណ៌៍គ្រោះថ្នាក់ចរាចរខាងលើនេះបានប្រាប់ឲ្យដឹងថា មុនកើតហេតុរូបនាងរួម និងគ្រួសាររបស់ថៅកែ៤នាក់ទៀត បានជិះរថយន្តសេរីទំនើបមួយគ្រឿង ពណ៌ស ស្លាកលេខភ្នំពេញ៖ 2U-8685 បើកបរដោយបុរស ដែលជាថៅកែម្នាក់ និងមានអ្នករួមដំណើរ៤នាក់ទៀតដែលមានស្រី មានប្រុស បានចេញពីកម្មវិធីជប់លៀងមួយ លុះដល់ពេលយប់ជ្រៅក៏បាននាំគ្នា ត្រឡប់មកផ្ទះវិញ ដោយបើករថយន្តតាមបណ្តោយផ្លូវលេខ២៥៣ ក្នុងល្បឿនយ៉ាងលឿន លុះបើកមកដល់ចំនុចកើតហេតុ ដោយសារមានផ្លូវបំបែក ធ្វើឲ្យថៅកែដែលបើកបររថយន្ត គេចមិនទាន់បានបើកទៅបុកបង្គោលភ្លើងបណ្តាលឲ្យមានមនុស្សរងរបួសធ្ងន់ និងស្រាល៥នាក់តែម្តង រឺឯរថយន្ត និងបង្គោលភ្លើងត្រូវបានខូចខាតយ៉ាងដំណំផងដែរ។
ចំណែកអ្នករងរបួសទាំង៥នាក់ ត្រូវបានប្រជាពលរដ្ឋដែលរស់នៅក្បែរនោះនាំគ្នា យកចេញពីរថយន្តដើម្បីយកទៅសង្គ្រោះអាយុជីវិតផងដែរ។ ក្រោយកើតហេតុរថយន្តត្រូវបានខាងជំនាញចុះមកវាស់វែង និងស្ទួចយកទៅរក្សាទុកនៅការិយាល័យចរាចរផ្លូវគោក នៃស្នងការដ្ឋាននគរបាន រាជធានីភ្នំពេញ ដើម្បីរង់ចាំដោះស្រាយគ្នានៅពេលក្រោយ៕
ចំនួនអ្នកទស្សនា
- ថ្ងៃនេះ2021
- ម្សិលមិញ2891
- សប្តាហ៍នេះ20871
- ខែនេះ66971
- ឆ្នាំនេះ403231
- សរុប19630677