នាងប្រាប់ថាមានប្តី ក្តៅចិត្តទាញផ្គាក់មកកាប់បញ្ចប់ស្នេហ៍
03-February-2016 | ដោយ ប៊ុនឆាយ
កំពង់ស្ពឺ: បុរសម្នាក់បានលួចស្រឡាញ់ប្រពន្ធគេ ទាំងមិនដឹងខ្លួនជាយូរ ពេលនាងប្រាប់ថានាងមានប្តី និងសូមឲ្យឈប់ទាក់ទងនាងទៅព្រោះនាងមានប្តីហើយ ក្តៅចិត្តកាប់១កាំបិតផ្គាក់ដើម្បីបញ្ចប់ស្នេហ៍។
ហេតុការណ៍ហឹង្សាដោយចេតនា នេះបានកើតឡើងកាលពីវេលាម៉ោង៥និង២៥នាទីព្រឹកថ្ងៃទី២ ខែកុម្ភៈ ឆ្នាំ២០១៦ស្ថិតក្នុងភូមិសង្កែលាក់ ឃុំស្វាយចចឹប ស្រុកបសេដ្ឋ ខេត្តកំពង់ស្ពឺ។
ជនសង្ស័យឈ្មោះឌុក ម៉ៅ ភេទប្រុស អាយុ៣៥ឆ្នាំ មុខរបរធ្វើស្រែ រស់នៅក្នុងភូមិសង្កែលាក់ ឃុំស្វាយចចឹប ស្រុកបសេដ្ឋ ខេត្តកំពង់ស្ពឺ។ ស្ត្រីរងគ្រោះមានឈ្មោះស ក រ ភេទស្រីអាយុ៣២ឆ្នាំរស់ក្នុងភូមិឃុំជាមួយគ្នា។
បើតាមសំដីជនដៃដល់បាននិយាយប្រាប់សមត្ថកិច្ចថាគាត់បានលួចស្រលាញ់ស្ត្រីម្នាក់(ជនរងគ្រោះ)រស់ក្នុងភូមិឃុំជាមួយគ្នារដោយគាត់មិនបានដឹងស្ត្រីរូបនោះមានគ្រួសារនោះទេ រហូតដល់ថ្ងៃកើតហេតុខាងលើ ទើបស្ត្រីប្រាប់ទៅបុរសសង្ស័យថាគាត់មានប្តីហើយឈប់ស្រលាញ់គាត់ទៀតទៅ ធ្វើអោយគាត់ខឹងក៏ងើបទៅយកកាំបិតផ្គាក់មកកាប់ស្ត្រីខាងលើឲ្យរងរបួសស្មាស្ដាំដើម្បីបញ្ចប់ស្នេហ៍។
ក្រោយកើតហេតុ ភ្លាមកម្លាំងសមត្ថកិច្ចមូលដ្ឋាន បានចុះទៅអន្តរាគមន៍ និងឃាត់ខ្លួនជនសង្ស័យនិងវត្ថុតាង បញ្ជូនមកកាន់អធិការដ្ឋាននគរបាលស្រុក បសេដ្ឋ ដើម្បីសាកសួរ និងកសាងសំណុំរឿង បញ្ជូនទៅសាលាដំបូងខេត្តចាត់ការតាមផ្លូវច្បាប់៕
ប្រភពៈ cen
ចំនួនអ្នកទស្សនា
- ថ្ងៃនេះ9321
- ម្សិលមិញ15191
- សប្តាហ៍នេះ52471
- ខែនេះ74351
- ឆ្នាំនេះ74351
- សរុប20516807