ប្តី និងកូន ចេញទៅស៊ីការបាត់ ប្រពន្ធ ត្រូវឆេះស្លាប់ក្នុងភ្នក់ភ្លើង
03-February-2016 | ដោយ ប៊ុនឆាយ
កំពត៖ ផ្ទះប្រជាពលរដ្ឋ១ខ្នង ត្រូវភ្លើងឆេះម៉ត់ បណ្តាលឲ្យប្រពន្ធស្លាប់ ក្នុងភ្នក់ភ្លើង ឆេះសាកសពខ្ទេច កាលពីម៉ោង ៨និង៣០នាទីយប់ ថ្ងៃទី២ ខែកុម្ភៈ ឆ្នាំ២០១៦ ចំណុចភូមិត្រពាំងកក់ ឃុំស្ទឹងកែវ ស្រុកទឹកឈូ ខេត្តកំពត។
មន្ត្រីនគរបាល បានឲ្យដឹងថា បើតាមប្តីជនរងគ្រោះ ឈ្មោះនួន ផន អាយុ៦៦ឆ្នាំ បានប្រាប់ថា ប្រពន្ធគាត់ ដែលត្រូវភ្លើងឆេះស្លាប់នោះ ឈ្មោះអ៊ុយ ង៉ែម អាយុ ៦៣ឆ្នាំ មានកូនស្រីម្នាក់ ឈ្មោះ ផន ចាយ អាយុ ២៧ឆ្នាំ រស់នៅកន្លែងកើតហេតុ ក្នុងភូមិត្រពាំងកក់ ឃុំស្ទឹងកែវ ស្រុកទឹកឈូ ខេត្តកំពត។
មន្ត្រីនគរបាល បានបន្តទៀតថា បើតាមការបំភ្លឺរបស់ លោក នួន ផន បានបញ្ជាក់ថា ខណៈរូបគាត់ចេញទៅស៊ីការ អ្នកភូមិជាមួយកូនស្រីនោះ មិនដឹងយ៉ាងម៉េចពេលវិលត្រឡប់មកដល់ផ្ទះវិញ ស្រាប់តែ ឃើញផ្ទះត្រូវភ្លើងឆេះម៉ត់ គ្មាននៅសេសសល់អ្វីឡើយ សូម្បីតែសាកសពរបស់ប្រពន្ធ ក៏ត្រូវភ្លើងឆេះម៉ត់គ្មាន នៅសល់សាច់ ឆ្អឹងអ្វីទេ។
លោក នួន ផង បានបញ្ជាក់បន្ថែមទៀតថា ក្នុងហេតុការណ៍ឆេះផ្ទះនេះ គាត់បានបាត់បង់ទ្រព្យសម្បត្តិ អស់មួយចំនួន រួមមាន លុយខ្មែរ ៨០ម៉ឺនរៀល, ស្រូវ១បាវ, អង្ករចំនួន ៥០គីឡូក្រាម និងសម្ភារៈប្រើប្រាស់ត្រូ វខូចខាតទាំងអស់។
ទាក់ទិននិងករណីឆេះផ្ទះនេះ មន្ត្រីនគរបាល បានដាក់ការសន្និដ្ឋាន ជាបឋមថា មូលហេតុ អាចបណ្តាលមកពីឆាបភ្លើងចង្កៀង ដែលដុតបំភ្លឺនៅក្នុងផ្ទះ។
ប្រភពៈdap
ចំនួនអ្នកទស្សនា
- ថ្ងៃនេះ9351
- ម្សិលមិញ15191
- សប្តាហ៍នេះ52501
- ខែនេះ74381
- ឆ្នាំនេះ74381
- សរុប20516837